( الدرس الخامس ) طريقه عمل غرزه الرزه بالتريكو ^@^ تريكو وبس ^@^

[بيبي مورو]

بسم الله الرحمن الرحيم

السلام عليكم ورحمه الله وبركاته

الدرس الخامس هو ( غرزه الرزه) أو ( غرزه العدس ) كما يسميها البعض

ونفتكر مع بعض الدروس السابقه

الدرس الأول كان علي شرح البدايه في التريكو ورابطه

http://www.lakii.com/vb/showthread.php?t=702782

الدرس الثاني كان علي شرح الغرزه العدله ورابطه

http://www.lakii.com/vb/showthread.php?t=702834

الدرس الثالث كان علي شرح الغرزه المقلوبه ورابطه

http://www.lakii.com/vb/showthread.php?t=704624

الدرس الرابع كان علي شرح طريقه تقفيل العمل في التريكو ورابطه

http://www.lakii.com/vb/showthread.php?t=705872

يلا بينا نبدأ الدرس الجديد تابعوني

رجاء عدم الرد

[بيبي مورو]

يلا بينا نبدأ

بسم الله نبدأ

أنا هنا اشتغلت 50 غرزه للبدايه وطبعا ده عدد زوجي من الغرز

وبعدين اشتغلت غرزه عدل وغرزه مقلوب وهكذا حتي نهايه السطر وده شكل السطر الأول

وده شكل السطر الأول من قريب

وبعدين السطر الثاني نشتغل غرزه مقلوب ثم غرزه عدل وهكذا لنهايه السطر وده شكل العمل بعد انتهاء السطرين

يلا بينا نكرر السطر الأول والثاني ونشتغل عشر سطور بنفس الطريقه وده التطبيق بتاعي

وده شكل الغرزه من قريب شكلها جميل أوي ( أنا باحب جدا غرزه الرزه )

رجاء عدم الرد

[بيبي مورو]

يلا بينا نكمل

شوفوا الغرزه اللي شاورت عليها في الصوره دي الغرزه المقلوبه وبتكون عامله زي خط بالعرض

شوفوا دلوقتي الغرزه اللي شاورت عليها هنا دي الغرزه العدله وبتكون عامله زي ال 7

فيه معلومات مهمه لازم نعرفها عن غرزه الرزه : -

1- لو كان عدد الغرز زوجي تبقي الغرزه هتتكون من سطرين. السطر الأول غرزه عدل وغرزه مقلوب وهكذا لنهايه السطر والسطر الثاني غرزه مقلوب وغرزه عدل وهكذا لنهايه السطر

2- لو كان عدد الغرز فردي يبقي الغرزه هتتكون من سطر واحد فقط وهو غرزه عدل وغرزه مقلوب والسطر اللي بعده نفس السطر الأول

3- الغرزه العدل زي اللي شوفتوها في الصوره اللي فوق لازم نشتغل فوقها غرزه مقلوبه والغرزه المقلوبه زي اللي شوفتوها فوق لازم يكون فوقها غرزه عدل

4- فيه كمان غرزه الرزه المضاعفه ودي لازم تكون عدد الغرز فيها زوجي وبتكون عباره عن غرزتين عدل وغرزتين مقلوب ونكرر لنهايه السطر ولو السطر انتهي بغرزتين عدل يبقي أبدأ السطر الجديد بغرزتين عدل ولو انتهي بغرزتين مقلوب يبقي أبدأ السطر الجديد بغرزتين مقلوب وهكذا

وده شكل غرزه الرزه المضاعفه

رجاء عدم الرد

[بيبي مورو]

مستنيه التطبيقات يا قمرات

وبكده يكون درسنا خلص

ومستنيه التطبيق يا حلوات لغرزه الرزه بنفس عدد الغرز ونفس عدد السطور

لكن فيه حاجه مهمه اعملوا التطبيق من غير ما تقفلوا العينه علشان هنستخدمها في الدرس الجديد

يا رب يكون الشرح سهل ومفهوم

وأي سؤال أنا في الخدمه

[السيدة فاطمة]

مشكورة حبييبتي والله يعطيج الف عافية
على المعلومات والشرح الروووووعة
ان يجعله الله في ميزان حسناتك

[ميس فلة]

جارى التطبيق يا قمرتى

[دوش المدينة]

جزاك الله كل خير الله يعطيك العافيه

[جبال الثلج]

ماشاء الله
الغرزه رووووووووعه كثير

تسلم ايديكِ

[@~حبيبة زوجها~@]

ماشاء الله
ياريت اقدر أتعلم التريكو
راح أظيفه غلى موسوعتي في اللابتوب
ألف شكر

[rose d'or]

ماشاء الله شغلك رووعه
شكلي راح احب التريكو خخخخ
يعطيك العافيه حبوبه

[عبيرالشريف]

ماشاءالله
غرزةفي منتهى الجمال
وشرح رااااااائع وبسيط
تسلم ايديكي
وجزاك الله كل خير

[عبيرالشريف]

شوفي بيبي كده
اكمل ولا ايه

[بيبي مورو]

وحشتيني يا غاليه

مشكورة حبييبتي والله يعطيج الف عافية

على المعلومات والشرح الروووووعة

ان يجعله الله في ميزان حسناتك

تسلمي لي يا ست فاطمه يا جميله

والله ليكي وحشه كبييييييره وده مش هييجي حاجه جنبك يا غاليه

[بيبي مورو]

أنا مستنيه

جارى التطبيق يا قمرتى

في انتظارك يا جميله

[بيبي مورو]

تسلمي

جزاك الله كل خير الله يعطيك العافيه

تسلمي لي يا قمر