تويت
المشاركة الأصلية بواسطة omaesha
وياجميل لو انتي برة مصر بقالك مدة ومحتاجة تعرفي معلومات عن اي حاجة اؤمري واحنا كلنا تحت امرك
-
اهلا وسهلا بيكي يا ام عائشة نورت ياقمر ومتنظرينك تنوري مصر كلها في اقرب وقت ويارب يارب يخلي عائشة ومصطفى ويكبرهم لك يارب وانا واثقة ان اي واحدة معانا بتقولك دلوقتي امين
وياجميل لو انتي برة مصر بقالك مدة ومحتاجة تعرفي معلومات عن اي حاجة اؤمري واحنا كلنا تحت امرك -
الاخت الكريمة خادمة القران
اخبارك ايه وانتي ياحبيبتي الالطف والاجمل واكيد بنوتك هتكون جميلة وابنك بسوم زي مامتهم ربنا يحفظم يارب قولوا امين
ياريت يكون فيه طريقة تساعدي بيها اي اخت محتاجة تتعلم التلاوة .. بس انا للاسف الكمبيوتر بتاعي مافهوش ساوند ولاسماعات لانه عندي بقاله فترة وفي حاجات كدة الشركة ساعات بتعصلج في انها تضيفها خصوصا لما تكون مش مؤثرة على الشغل
انا عموما اشتريت حافظة فيها 18 شريط شامل كل اجزاء المصحف وباسمعه على اد ما اقدر على طول وانا في المطبخ ودا مساعدني لاني بعد فترة بقيت لو سمعت حد بيتلو غلط على طول باحس ان فيه نشاذ وودني مش مستريحة.. اهو احسن من مافيش بس انا فعلا جادة في موضوع اتقان التجويد دا بس ربنا يعيني على الشغل والاولاد ومسئولياتهمتعليق
-
مريوما
انتي فين ياجميل ظهرتي وقلتي اول المشتركات وعرفتينا بيكي وهب غطستي في المالح
اخبار اسكندرية ايه وخالد بن الوليد وميامي وبير مسعود وياترى بتعملي ايه في الصيف والا بتسيبي اسكندرية خالص علشان الزحمة
مستنيين اخباركتعليق
-
السلام عليكم ورحمة الله
موضوع جميل ...مأخدش بالى منه الا الان
ماشاء الله نشاط جميل يا ام سلمى ..
طيب يا ستى انا كمان مصريه جداااا جداااااا
من القاهرة وعندى بنوته وولد وبايننين في توقيعي ...شكلى مش هقول سنى لحسن يتفضح امرى
انت عارفه طول عمرنا عندنا 20 سنة
تابعت الردود جميعها ولدى استفسار لاخت خادمة القران ...اين تسكن في مصر ...لانى اريد تحفيظ اولادى القران فلو كانت قريبه يكون لقاءنا سهل
العصير اللى تحدثتى عنه لم اصادفه صراحة ابدااا ....ولكن ان شاء الله احاول ادور عليه
الصيف يتطلب المشروبات الباردة يوميا
الخروب وعرق السوس و التمر هندى و الكركرديه ....وهذه افضل من المنتجات المعلبه
سؤال بقه بس يارب الاقى الاجابه ...سمعت ان هناك مناطق يباع فيها السيراميك الخاص بالحمامات والارضيات وباسعار اقل كثيراااا من المعارض الكبيرة ...فهل يستطيع احد منكم مساعدتى ؟؟؟؟تعليق
-
بي هابي
سعيدة جدا انك اخيرا قراتي الموضوع وهو منور بيكي وباولادك .. ومين جاب سيرة ال20 سنة احنا فين والكلام دا فين ربنا يخلي لك اولادك يارب
بصي ياسيتي انا من الجيزة اساسا وساكنة في اكتوبر
وبالنسبة لوضوع السيراميك فيه منطقة اسمها سوق فكيهة لو انتي عارفة شارع الهرم وانتي نازلة من اكتوبر على الجيزة على ايدك اليمين محطة الطالبية هتلاقي زحمة كدة وشارع يمين بس اتاكدى ان دا الطلبية مش اي محطة تانية وادخلي في الشارع دا لو معاكي عربية هو الشارع زحمة شوية لانه منطقة شعبية جدا بس يعني العربية بتفوت مافيش مشاكل هتمشي فيه واسالي وانتي ماشية على سوق فكيهة بتاع السيراميك .. بصي انتي لو وصلتي للمكان دا تبقى خلاص وصلتي لانه قريب جدا من المكان دا
ويارب اكون افدتك ويابنات اللي عارفة المكان وتعرف توصف احسن مني تقول لاني خايبة في الوصف جدا
عموما ياجميل هتلاقي هناك سيراميك فرز اول وتاني والوزرة انتي عارفاها اصل انا ماعرفتهاش الا لما جيت اركب سيراميك في شقتي بس خلى باللك كل كرتونة تفتحيها وتهزي السيراميك بايدك وتتاكدة انه مش مكسر وياحبذا لو فرزتيه واحدة واحدة اقصد سيراميكة سيراميكة مش كرتونة كرتونة وابقى قولليلي عملتي ايه 
تعليق
-
بي هابي نسيت اقولك اسالي اكتر من محل لان الاسعار بتكون متفاوتة وحاولي تصممي على اللي انتي محتاجاه وبس لتلاقي نفسك ادبستي في حاجات انتي مش عايزاها وخصوصا انك هتلاقي الاسعار رخيصة جدا عن المعارض ودا هيخليكي تشتري على اعتبار ان اللي انتي بتشتريه ب 50 هتلاقية ب 20 فممكن تلاقي نفسك بتشتري وتقولي مش مهم طالما السعر كويس عارفة انا باقولك كدة عن تجربة لاني اشتريت سيراميك من هناك بس بصراحة زهقت البياع لحد ماخلصت بس اشتريت اكتر من اللي انا محتاجاه ودلوقتي عامل لي ازمة في الشقة هاوديه فين
وبما انك مبدعة في تصميم الديكور ياريت تقولي لنا على كام فكرة ممكن بيها استغلال السيراميك دا بس تكون الخامات متوفرة في مصر لاني باشوف افكار كتير بس فيها حاجات مش من مصر او غالية فانا لسه مبتدئة مش هاشتري حاجة ب 50 جنيه علشان بلاطة ب 2 جنيه
كمان ممكن وانتي هناك هتقابلي ناس من اللي بيبيعوا القلل القناوي عارفاها طبعا انا كنت اشتريت من هناك كام واحدة اولا للميه حلوين اوي وغير كدة انا ناوية اعمل فيهم فكرة الكتاب بالاسبري الفضي بتاع احلام النجدي بس على القلل فاهمة قصديتعليق
-
تسلميلي يا قمر ...انا قلت لزوجي على هذه المنطقة وقالى انه فعلا سمع قبل كدا عليها
شرحك للمكان وافى فعلا ...صراحة انا لما عملت سيراميك الحمام في شقتى رحت للجوهرة المعرض الرئيسي وطبعا اشتريته غالي جدااااا
بعد فترة ذهبت لاصدقاء ومعارف ولفيتهم جايبين سيراميك الحملامات والمطابخ رخيص كثيراااا و نفس اللى عندى ويمكن افضل كمان
بس هم قاله في الفجاله ...و صراحة انا ذهبت هناك مرة ولم يعجبنى الاشكال التى هناك ...بس ان شاء الله اروح للمكان اللى اقترحتيه واعمل بتصيحتك
بالنسبه للسيراميك الزائد فيه افكار كثيرة ممكن تتنفذ به هجبهالك وارجع على طوووووول
تعليق
-
ازايكم يا بنات مصر مين لسه على وعد العزومه اصل ظروفى اتغيرت وان شاء المولى ح اكون فى مصر يو 1/8 وحشتونىالملفات المرفقةتعليق
-
-
والله يا بنات مصر الواحد بيستفيد كل يوم منكم وتسلمى يا ام سلمى على المكان الجديد بتاع السيراميك انا اول مره اسمع عنه انا شاء المولى اول ما انزل مصر ح اذهب اليهتعليق
-
النهارده اول يوم اسجل في المنتدي
كويس اني شوفت موضوعك الجميل يا ام سلمي
انا من القاهرة و ام لثلاثة اولادتعليق
-
ازايكم يا بنات مصر مين لسه على وعد العزومه اصل ظروفى اتغيرت وان شاء المولى ح اكون فى مصر يو 1/8 وحشتونى
انا جيت متاخرة ...اللى قاعد من بدرى هو اللى مفروض ادبس في العزومة
اهلا بك عزيزتى ...ان شاء الله تتمتعي كثيرااا بيننا في هذا المنتدى الرائعbutterflyy تعليق
-
السلام عليكم
انا من مصر و جميل جداااااا الموضوع ده
تسلمى يا ام سلمىتعليق
-
ام سلمى الامورة..
ميرسى يا حبيبتى على ترحيبك.. و ربنا يخليلك ولادك ما شاء الله ربنا يحميهم..
انا هقولكوا على هاجتين حلوين...
الاولى عن الاكل و الطبيخ
بس للمقيمين فى القاهرة فقط 
عارفين البطاطس النص مقلية ؟ بتتباع الكيلو بــ 4.5 جنيه
يعنى ال 2.5 كيلو بــ 11.25 جنيه
انا ممكن اجيبلكوا ال 2.5 كيلو بــ 7 جنيه و كده هوفرلكوا شوية
بس للأمانة يا جماعة هى درجة تانية بس والله تحفة
الفرق بينها و بين الدرجة الاولى انها اصغر بس
والنبى يا جماعة محدش يتريق ، اللى مش هيعجبها كلامى و النبى متتريقش عليا و تحرجنى
اللى عايزة تقولى
العرض التانى بقى
ده عن المكياج و التجميل و العناية بالجسم و الحاجات دى كلها...
[align=center]
فى شركة دنماركية جديدة هتفتح فى مصر فى غضون ايام...
هى شركة لمستحضرات التجميل والعناية بالبشرة و الجسم و العطور و كل الحاجات دى
هتكون زى افون و اوريفليم...
بس منتجاتها فعلا منتشرة فى اوروبا و عندهم منتجات مش موجودة فى اى شركة من الشركتين...
اللى عايزة تقولى عشان ابتدى اعرض الصور و الاسعار...
و دى بعض اقسام و اسامى و انواع منتجاتها :
العطور
سنت بلو بلوسوم
عطر باقة الزنبقِ الجديدِ، رائحة برّية للشعور بالدفءِ والحريَّةِ. متوفر مع سبراىِ وكريمِ للجسمِ.
سنت وايلد فلور
تُدركُ النِساءَ بأنّ العطرِ هو وسيلة التواصلِ مع الآخرين. فاختارىْ طريقَكَ برائحةِ الزهورِ البرّيةِ
أوتشى
عطر ورد ساكلامين بلمسة الغردينيا لاحساس رقيق يدوم طويلاً . متوفر سبراىِ وكريم الجسمِ.
سيلينا
عطر سيلينا يحتوى على مزيجِ صافى من التيليا مع لمسة فريدة مِنْ خلاصة الفواكه. يَجْلبُ هذا المزيجِ الشرقيِ الزهريِ ذكرى الأيامِ المشمسةِ والجميلة
إليليا
عطر اليليا مع كريم الجسمِ منِ خلاصة الفواكهِ الطبيعيةِ لاحساس مرهف رقيق.
ريبكا
الرائحة المثيرة لأزهار النرجس البرّي، البنفسج، وعطر خشبِ الصندلِ تُنعشُ المشاعر برائحة رومانسية مليئة بالحماسِ و الحيوية.
جيفيل
الخوخ، الاوركيد، ورائحة روزمارىَ مَع باتشولى وزيوت فيتيفير الفواحة للشعور بالراحة ِ بعيداً عن الاجهاد و القلق. متوفرمع مزيل للرائحةِ.
ذاتشي
مزيج غني مِنْ النرجسِ ورائحةِ زهرة البرتقالِ بالإضافة إلى أعشابِ الهامالايا البرّية، مع لمسة باسوود والتيليا لاضافة لمسة رقيقة كعبير الندى. مع لوسيون الجسمِ المرطّبِ وسبراى مزيلِ الرائحة ِ
يسارا
عطر ايسار مع سحر رائحةِ الفانيليا متوفر سبراى الجسمِ اللطيف.
إكزوتيك للسيدات
مجموعة البابايا وخلاصة الكيوي، مع أضافة من التوابلِ وروائحِ المسكِ المتوفرةِ فقط فى عطر أكزوتيكِ للنِساءِ ، مع سبراى جسمِ و كريم الجسم
إكزوتيك للرجال
رائحةَ الأناناسَ والأجاصَ، مع رائحةِ الفايليا و خشب الصندلَ والزهورَ متوفر مع جل الاستحمام المنعشِ وسبراى للجسم .
ديسنت للرجال
عطر ديسنت للرجال الرائع مَع ، جل الاستحمامّ وبلسم بعد الحلاقة و سبراى الجسم
جاكسيني للرجال
العطر الجَسُور الذى لا يقاوم. بلسم بعد الحلاقة ، مزيل روائح ورذاذ الجسمِ لأفضل ما فى الطبيعةِ.
مانجروفي للرجال
عطر الرجولةِ بخلاصة زيوت مانجروفى وخشب الصندلِ.متوفرمع بلسم بعد الحلاقة، رذاذ الجسمِ سَيَعطيانِك رغبةَ الحرية و الانطلاق.
توتي
عطر توتى لفتاة نشيطة منطلقة. بمزيج من روائحِ الليمونَ والبرتقالَ مع لمسة من عطورِ الياسمينَ والوردَ
العناية بالبشرة
فيليا
انواع مختلفة لأقنعةِ الوجهِ للإستعمالِ لمرة واحدة، سهلة الاستعمال تُزالَ بدون بقايا، مناسب للأنواعِ المختلفةِ مِنْ الجلدِ
بيرلا
مُنتَجات بيرلا التي تَحتوي على مكوناتَ طبيعيةَ , صنعتْ خصيصاً لتَنظيف وتَنْقِية بشرتك بدون ان تسبّب أيّ التهابات
فير
منتَجات فير لتفتيح واخفاء عيوب البشرة َ للحصول على لون موحد لها
كيوتي
مُنتَجات كيوتى الغير مثيرة للحساسية ، لتنظيف الوجه من العمق بلطف، مع الجيل وصابونِ الغليسرينِ المرطّبِ للحصول على نتائج سريعة.
ملحقاتُ العناية بالجسم و البشرةَ
تَتضمّنُ ملحقاتُ العناية بالجسم و البشرةَ فرشاةً وجهيةً مثاليةَ للإستعمالِ مع اى منظّف بَشَرَةِ ، شنطة العناية بالجلدِ الخاصّةِ لحَمْل منتجات العناية بالبشرةِ وقناعِ العينِ المريحِ لإنْعاش العيونِ المَشْدُودةِ أَو المنتفخةِ للتَهْدِئة والإرْتياَح من لحظات الإجهادِ.
قناع احماض الفواكهةِ
قناع احماض الفواكهةِ (مُقشّرُ)
جِلْ لشد البشرة و الصدر و الرقبةقبة
جِلْ للشد البشرة و الصدر و الرقبة
جل لاعادة حيوية و نضارة منطقة حول العين
جل لاعادة حيوية و نضارة منطقة حول العين
كريم للعنايةِ الفائقة ليلاً
كريم للعنايةِ الفائقة ليلاً
كريم النهار مرطب و منعش للبشرة
كريم النهار مرطب و منعش للبشرة
كريم لتجديد النضارة
كريم لتجديد النضارة
جل لازالة الترهلات
جل لازالة الترهلات
منظّفِ عميقِ للوجهِ
منظّفِ عميقِ للوجهِ
كريم اكزوتك للمساج الجسمِ
كريم اكزوتك للمساج الجسمِ
كريم اليد بالغليسرينِ والليمون
كريم اليد بالغليسرينِ والليمون
كريم اليد بالغليسرينِ و البابى
كريم اليد بالغليسرينِ و البابى
العناية الشخصية
لافيا
لافيا غسول و سبراى مثالي لاحساس ملطف للمنطقةِ الحميمةِ …
أروما
عطر أروما برائحة الزهورِ وثمارِ الفاكهة تدوم طِوال اليوم. متوفر بالروائحِ المختلفةِ.
دورميكا
حبيبات الاستحمام دورميكا يَعطيك احساس بالاسترخاء يَحتوي على مزيج من ثمار الفاكهةِ والزيوتِ الطبيعيةِ، للحفاظ على بشرة ناعمةِ ورطبةِ.
زيتا
زيتا جل للشعر يحافظ على تسريحتك ليَبْدو أنيقاً وطبيعيَا. متوفر في مستويات مختلفةِ للثبات.
هاز
هاز رغوةِ للحمام؛ يَجْعلُ حمامك اليوميُ رائعاً و تبقي رائحتَه الجذابة لفترة طويلة. متوفر بالروائحِ المختلفةِ
ويتي
وتى جل لتنظيفِ الجسمِ مع صابون ومزيلِ الرائحة يساعد على تنظيف وإنْعاش الجسمِ بخلاصة الالوفيرا
مس
ميس باللبن و العسل جل لتنظيفِ الجسمِ ، كريم اليد وصابون مرطّب لتنقيةِ وتغذية البشرة
سيرينيتي
مزيل الرائحة رول اون و السبراى -بدون عطر-للحماية مِنْ الرائحةِ الغير مستحبة بعد يوم شاق و متعب ليطيك حريةِ اخْتياَر عطرِكَ المفضل.
العناية بالقدمين
منتجات العنايةِ بالقدمِ المختلفة تمنحك الحَلِّ الدائمِ لقدم ُنظّيفُة وناعمة
تروبيك ناتور
شامبو تروبيك ناتوريغذّي جذور الشَعرَ بالبروتينِ والفيتاميناتِ المطلوبةِ لإعادة الحيوية للشَعر متوفر في 4 انواع مختلفةِ
ملحقاتِ العناية الشخصيةِ
إبحثْ عن ما تَحتاجين إليه من ملحقاتِ العناية الشخصيةِ المختلفةِ
مستحضرات التجميل
شازاد للعين
مكياج العينِ أحد أفضل الطرقِ لكَشْف جوهر المرأةِ. نَعتقدُ بأنّك تَمتلكُ الحقّ لخَلْق شخصيتِكَ الخاصةِ مع شازاد
شازاد للوجه
استناداً على فلسفةِ بيزون لمكياجِ الوجهِ، نحن لا نَعتنى فقط بالشكل النهائى الرائع لكن أيضاً في الشعور الناعم لبشرتكِ.
شازاد للشفاه
نعرف حاجتكَ لمكياج الشفاه الفريدِ لذا نمنحكى شازاد للشفاه
شازاد للآظافر
إنّ الأظافرَ مرآةَ الجمالِ الداخليِ لشخصيتِكِ.فالاهتمام باختيار طلاء اظافر صحى لا غنى عنه من خلال شازاد للاظافر
توتي للعين
بينما نَحْب وجه احدهم ، نحن نَجتذبُ خصوصاً إلى العيونِ. فلها دور رئيسي في التعبيرِ والترابطِ بين الناسِ. توتى للعيون يَجْعلُك تُؤمنُ بعيونِكَ.
توتي للوجه
مكياج توتى للفتاة النطلقة
توتي للشفاه
توتى للشفاه ثورة في لونِ مكياجِ الشفاه (طبقة واحدة للونِ المطلقِ، إثنان للكثافة)، ويدوم طويلاً.
توتي للآظافر
طلاء الاظافر ضِدِّ الماءَ
ملحقات المكياجِ المختلفةِ
ملحقات المكياجِ المختلفةِ
اللى عايزة تقولى
[/align]
يا رب تكون حاجاتى هتفيدكو مستنياكوا
تعليق
-
كده يا بى هابى عاوزه تهربى من العزومه طيب انا عازمه نفسى عندك ( غلاسه) وح ابدأ بك انا نفسى فى عصير قصب والغداء بصاره ومسقعه والحلو ؟؟؟؟؟؟؟؟؟؟؟؟؟؟؟؟؟؟ لسه ح افكر
اه ونسيت الشوربه تكون شوربه عدس اصفرالملفات المرفقةتعليق
-
-
السلام عليكم ورحمة الله وبركاته
أهلا ببنات مصر و أهل مصر الحبيبة
طبعا أنا جاية متأخرة لكنى أول ما رأيت الموضوع دخلت على طول
موضوعك جميل يا أم سلم ربنا يحفظهالك وعلى فكرة إنت طلعت بلدياتى جيزاوية يعنى
شوفى يا ست الكل بالنسبة للسيراميك الزائد عندك يجب حفظ كام سيراميكة عندك للطواريء لا قدر الله
وممكن تستخدميه كحامل للأطباق الساخنة على السفرة أو فى عمل صينية للتقديم و كذلك لتجديد ترابيزة البلكونة عن طريق تجليد سطحها به هذه حاجات كدة على السريع حتى تأتى الحبوبة behappy بأفكارها
نونيا تيجى بالسلامة إن شاء الله
وإيه رأيك فى الحلو يكون أم على و إن كان الجو حر عليها نخليه ترايفل بيكون لذيذ فى الصيفتعليق
تعليق