هام لبنات مصر

[ام سلمى الامورة]

الف بوسه لك ولكل اللى فى مصر وحشتنى مصرجدا معكم نونيا من المعادى ومقيمه بالامارات وبقالى اربع سنين لم انزل لمصر لكن ان شاء الملى الصيف القادم ح اكون معكم فى مصر

نونيا ازيك ياحبيبتي وان شاء الله تنوري مصر بس هو الصيف بيبدا عندك امتى دا بدأ هنا من شهرين تقريبا يلا شدي الرحال وتعالي عايزين المعادي تنور بيكي


يابنات هي كانت عزومة مراكبية والا ايه انتو فين عموما انا هابدا مشاركة بحاجة اشترتها من مصر وتحديدا من عطارين الازهر ونفعتني جدا جدا وهي عبارة عن عصير سريع التحضير زي التانج كدة بس تحسوا انه رطب شوية يتباع بالكيلو ب 8 جنيه والله انا قلت اجربه واشتريت ربع خروب وربع مانجه وربع برتقال للامانة فعلا جميل وطعمه حلو وسريع يعني لو طب عليكم ضيوف على غفلة بتكوني في ثواني جاهزة باحلى عصير ومافيهوش طعم المواد الحافظة اللي تحسيها في التانج وخلافه بس انا بقيت احطه للاولاد في الميه العادية واحليه واضيف قوالب الثلج وفي مرة كنت باعمل شاي وبنتي قالت لي عايزة ياماما عصير مش عايزة شاي فحطيته على شوية ميه صغيرين من الميه المغلية وبعدين اضفت باقي الكوباية ميه مثلجة وكانت النتيجه افضل بكتير
يالا قولوا تجاربكم وافيدونو

[lianaakram]

و انا كمان معاكم

الفكرة جميلة جدا...
و انا معاكم..
انا ام ليانا... من مصر.. عندى بنت واحدة عمرها سنة واحدة

[اميرة البكاء]

ا
حنا موجودين بس مستنيين طلتك علينا
انا مفهمتش قصدك بنوع العصائر دة يعنى وانا بشترى اقول للبائع عاوزة تانج ولا اية وبالنسبة للخروب بتضيفية للماء مباشرة ويقلب .انا اعرف طريقة للخروب ........... بتحمصى كوب خروب مع نصف كوب سكر شوية على النار ثم تضيفى الماء الى ان يغلى ثم تضبطى سكرة وماؤة ثم تبريدة واهم شيىء يكون وقت الشرب ساقع جدا جدا وووووووووووووواااااااااااووووووووو لذيذ باضافتة الى الدوم والكركدى والتمر هندى خليط رائع لم يتذوقة احد الى وسالنى منين الاختراع الرهيب دة

[nonaehab]

ازايك يا ام سلمى انا اقصد الصيف الجاى ويمكن انزل هذه الايام بس نهائى والله لسه مش عارفه وكله بايد ربنا والله يابنات فكرتونى بكل حاجه حلوه فى مصر بس لو نزلت ح تعزمونى على عصير قصب لحسن نفسى فيه موت

[ANGEL WINGS]

فكرتك جميلة يا ام سلمى
عذرا لمجئ الرد متاخرا

[ام سلمى الامورة]

الفكرة جميلة جدا...
و انا معاكم..
انا ام ليانا... من مصر.. عندى بنت واحدة عمرها سنة واحدة

ليانا اكرم نورتي الموضوع ويارب دايما سوا وربنا يخليلك ليانا وعلى فكرة اسمها حلو اوي وعايزين بمناسبة الاسماء نعمل مجموعة اسماء بنات واولاد لكل المصريات اللي على وشك الولادة ايه رايكم عموما انا عندي من فضل الله شريف وشاهيناز وسلمى وكل اللي عندها بنوته او ولد تكتب اسمه علشان ننادي بعض بيهم والا ايه رايك ياام ليانا وعقبال مايكون عمرها 50 سنة وتفرحي بيها يارب وليها ولمامتها الجميلة مني دي

[ام سلمى الامورة]

ا
حنا موجودين بس مستنيين طلتك علينا
انا مفهمتش قصدك بنوع العصائر دة يعنى وانا بشترى اقول للبائع عاوزة تانج ولا اية وبالنسبة للخروب بتضيفية للماء مباشرة ويقلب .انا اعرف طريقة للخروب ........... بتحمصى كوب خروب مع نصف كوب سكر شوية على النار ثم تضيفى الماء الى ان يغلى ثم تضبطى سكرة وماؤة ثم تبريدة واهم شيىء يكون وقت الشرب ساقع جدا جدا وووووووووووووواااااااااااووووووووو لذيذ باضافتة الى الدوم والكركدى والتمر هندى خليط رائع لم يتذوقة احد الى وسالنى منين الاختراع الرهيب دة

اميرة البكاء منورياجميل وبالنسبة لموضوع العصائر هما في الازهر كاتبين يوجد عصير سريع التحضر بس اختاري عطار يكون كبير ويعني تحسي كدة انه زحمة يعني حاجته عليها اقبال الحقيقة انا مش فاكرة منين بالظبط او اسم العطار ايه بس هو قريب من الشارع اللي تخرجي منه على الشارع الرئيسي اللي فيه كوبري علوي وبيبيعوا فيه ملايات عرفتي قصدي يعني عند الصاغة تقريبا انتي تساليه عن انواع العصير اللي عنده وانا لو رحت تاني هاشتري كل الانواع الموجودة لان اللي اشتريته عجبني جدا
انتي عارفة السكر لما يرطب يبقى مش مفلفل هو بالظبط بيكون كدة انتي بتضيفي الميه والسكر ومكعبات الثلج بس معلقة صغيرة بتاعة السكر على كوب ميه تكفى اوي علشان يكون الطعم حلو وعلى فكرة انا باعمل للولاد كوكتيل زي ماانتي بتقولي بس من الانواع الثلاثة اللي انا اشتريتهم
وتسلم ايديكي ياقمر على الاختراع وباذن الله اجربه على فكرة انا اشتريت دوم الاسبوع اللي فات من مطروح لاني شربته من عند بتاع عصير هناك وعجبني جدا ودي اول مرة اشربه فيها كنا ايام المدرسة الابتدائي بناكله بس هنجيب منين اسنان دلوقتي تكسره

[ام سلمى الامورة]

نونيا
والله والله حسيت بيكي وباحساسك وانتي بعيدة عن مصر وان شاء الله ياحبيبتي ترجعي وتنوري مصر وياجميل الصيف دا من اللي جاي مش بعيد واحلى كوباية عصير قصب من عند اجدع بتاع عصير في مصر كلها ليكي
هما الحلوين دول اولادك اسمهم ايه ياترى
قوليقي انتي منين في مصر

[ام سلمى الامورة]

فكرتك جميلة يا ام سلمى
عذرا لمجئ الرد متاخرا

انت الاجمل ياقمر يالا عرفينا بيكي وبتجاربك ومافيش بينا عذر ولاحاجة انتي نورتي الموضوع بس ياريت يكون فيه تواصل وماتقطعيش بينا

ويابنات اللي ليها خبرة في احاجة تفيدنا شدو حيلكم

[nonaehab]

انا بقى ام عبد الرحمن 4 سنوات وعمر 7 شهور

[ام سلمى الامورة]

انا بقى ام عبد الرحمن 4 سنوات وعمر 7 شهور

ماشاء الله عليهم ربنا يحفظهم يارب وعلى فكرة انا عندي كتاب للدكتور بهاء الدين وزير التعليم السابق هو اصلا طبعا طبيب اطفال بس الكتاب دا مشترك فيه مع مجموعة اطباء وهو بيغطي الفترة من شهور الحمل حتى تقريبا فترة 10 سنوات من عمر الطفل مش فاكرة اوي بس الحقيقة كل ماكان يقابلني مشكلة مع الاولاد من ناحية الفطام والرضاعة والاكل والاسنان حتى طباع الاطفال نفسها ومشاكلهم في السن دي كنت باجري عليه الاقي حتى الفاظ الطفل موجودة في الكتاب بالظبط عموما هو كان واحدة اهديته لي من حوالي 10 سنوات ومازلت محتفظة بيه حتى في مكتبي في الشغل مش في البيت لاني طبعا مافيش فرصة في البيت لاي حاجة عموما لو انتي محتاجة اي نصيحة في جزئية معينة انا ممكن اكتب لك الكلام الخاص بالموضوع اللي انتي بتسالي فيه اما التلخيص او اكتبه كما هو
وطبعا المنتدي فيه من الخبيرات في امور التربية
انتي عارفة انا باقولك كدة لان انتي اولادك في سن لسه محتاجة فيه تسالي وتستشيري في حاجات كتير لان 4 سنوات سن دخول عالم جديد ( المدرسة ) ولازم الطفل يهيء بطريقة علمية علشان تعدي الفترة دي بسلام وكمان 7 شهور تسنين وخلافه .......
عموما انا سعيدة ان رغم انشغالك بيهم لاقيتي وقت انك تكوني معانا

[الوردة الفريدة]

السلام عليكم ورحمة الله وبركاته

منورين يا بنوتات مصر الحلوين

معاكم نهى من اسكندرية لسه مش مامه حد ادعولي اتجوز الاول .... ههههههههه

موضوع روعة يا ام سلمى الامورة

[ام سلمى الامورة]

السلام عليكم ورحمة الله وبركاته

منورين يا بنوتات مصر الحلوين

معاكم نهى من اسكندرية لسه مش مامه حد ادعولي اتجوز الاول .... ههههههههه

موضوع روعة يا ام سلمى الامورة

حبيبتي نهى
وعليكم السلام ورحمة الله وبركاته
اهلا بيكي وباهل اسكندرية عشقى الابدي ومهما اروح مافيش في قلبي غيرك ياسكندرية ( على فكرة انا رحت العريش والاسماعيلية والساحل الشمالي وراس سدر ومطروح وراس البر وجمصة ) على فكرة احنا لينا شقة في شارع جانبي من خالد بن الوليد عارفة الشارع اللي كان فيه عمارة مبنية ادوار اكتر السنة الله فاتت وكان فيها خناقة جامدة وحاجات كدة لو تعرفي العمارة دي احنا شقتنا في العمارة اللي جنبها على طول
عموما نورتي الموضوع ويارب يارب يارب يرزقك بزوج يصونك ويحبك وتبقى مامة حد واتنين وثلاثة واربعة كفاية والا كمان

[omaesha]

السلام عليكم ورحمة الله وبركاته
جزاك الله خيرا يا اختى على الموضوع انا مصريه مقيمه فى السعوديه عندى عائشه سنتين ومصطفى 6 شهور
ان شاء الله بننزل اجازه فى شهر 8 سعيده جدا بالتعرف عليكم جميعا

[خادمة القرآن]

فكرة تفيدكم يا بنات مصر

بسم الله الرحمن الرحيم
السلام عليكم ورحمة الله وبركاته
أولا كيف حالكم وتحية الى المشجعة الأولى أم سلمى اللطيفة جدا جدا أخيرا دخلت على الرباط
يااااااااااه النت ده مشكلة طولت عليكم أما أنا فلدى طفلة جميلة وولد بسوم دائما يحب الضحك
وأناوالحمد لله محفظة وكما قلت لأم سلمى أريد ان أساعدكم فى تلاوة القرأن سأقترح عليكم فكرة
ان توجد فى المنتدى كان خيرا وهو أن نتحدث عن طريق الصوت ونصحح تلاوة القرآن
فهل يوجد فى المنتدى طريقة السماع اليكم فانى أحب الصحبة جدا جدا وبلأخص ان كانت مع كتاب الله
بكون فى قمة سعادتى أن أصحح لأخت التلاوة لأن الله سوف يرانا ويفخر بنا ويرضى عنا
وفــــــــــــــى الجنــــــــــــــــــــــــــــــة نصعـــــــــــــد الى الدرجـــــــــات العــــــــلا
ويقـــــال لـــــــنا اقرأ ورتــــــل كمــــا كـــــــــنت ترتــــــــل فــــــــى الدنيــــــــــــــا
فان مـــــــــــنزلتــــــــــك عند آخــــــــــــر أيـــــــــــــة كـــــــنت تحفظهــــــــــــــــا
سعادة ما بعدها سعادة &&&&&&&&&& اللــــــــــــــــــــــه