يوميات طفل صائم ♥يوميات أروى♥

[ام اروى 86]

ام ايودى شكرا يا غالية اروى فرحت بكلامك وهديتك كتير

ان شاء الله فى العشر الاواخر اصومها من الساعة 3

هى لو مشغولة طول الوقت ما بتحس بأى جوع او عطش وما بتزن على ودانى

بس اشغلها ازاى الوقت ده كله

وعود الخير ..شكرا يا غالية على النصيحة

والدتى للاسف كده كانت ما بتحب حد فى المطبخ الا اختى الكبيرة

انا ما دخلت المطبخ الا قبل الزواج بشهر واحد يادوبك اتعلمت اسلق اللحمة والارز والطبيخ بسسس

وريت زوجى ايام عسسسسسل

بس الحمدلله دلوقتى احسن كتير بفضل الله ثم منتدى لكِ تعلمت منه كل حاجة الحمدلله

هحاول ان شاء الله اتخلص من تلك العادة السيئة وادخل البنات معايا المطبخ

حاضر يا ام سهيل هسمع كلام وعود ....هو فى حد يقدر ما يسمعش كلام ست الكل

يوميات اروى مفيش جديد كل يوم من الساعة 5 الى المغرب

واسراء اختها بحاول انها تصوم ربع ساعة قبل المغرب

ربنا يهديهم ويبارك فيهم

شكرا يا غاليات على تشجيعكم

اروى يوميا تدخل تقرأ كلماتكم الجميلة

[KARIMA33]

ماشاء الله الله أكبر


ربنا يحميها يارب للشطورة أروى


بتصوم كل يوم 5 ساعات ماشاء الله


والله تستاهلي أحلى هدية يا قمر


عجبتني جدا لما اصحابها ياكلو قدامها وهي لاء وتقول أنا صايمة

واستوعبت معنى الصيام


ربي يبارك فيكى يا أروى يا عسل


وهاى هديتك ويارب تعجبك يا قمر









وهاى كمان هدية








وعلى رأي ست الكل ياريت كنا نقدر نوصلهم لغاية البيت


تستاهل أكثر أروى الشطورة


موااااه يا قمر

[ام اروى 86]

شكرا يا كرومة على تشجيعك لاروى

والله بتفرق معاها كتير لما تقرا كلماتكم وتشوف الهدايا

فعلا فكرة جميلة كتابة اليوميات

بوركتم آل الامومة

[KARIMA33]

شو أخبار الشطورة أروى اليوووم ؟؟

[ام اروى 86]

الحمدلله النهاردة زودنا كمان ساعتين

صامت من الساعة 3 الظهر حتى 9 المغرب

ربنا يبارك فيها يارب ويهديها وينفع بها الاسلام

[** الشيماء **]

ماشاء الله ربي يحميها

يارب

[ام سهيل]

ربي يسعدها يارب ويحميها لكم .


شطورة يا اروى


ام اروى اعملي لهم صلصال في البيت وخليهم هم يصنعوه بانفسهم

يعني شوية اعملا فنية تشغلهم في النهار لو كل يوم فكرة عمل فني او فكرة صنع حلى

او تطلبي منهم يرتبوا لك مكان الجلوس بيفرحوا في المساعدة

[ام اروى 86]

والله يا ام سهيل الاحداث فى مصر تدمى القلوب

ماليش اى نفس لاى حاجة لاعمل حلو ولا اعمال فنية

الله المستعان

حتى لبس العيد لسه ما جبته لاروى

والله انام على الاخبار واصحى على الاخبار ومتنرفزة على العيال واعصابى بايظة

دعواتكم يا غاليات

اللهم احفظ مصر واهلها من كل سوء يارب العالمين

اللهم مكن لدينك ولعبادك المؤمنين

[omomaima2]

السلام عليكم ورحمة الله وبركاته اماروي حبيبتي كلنا حزنانين بسبب مايحصل لمصر من ضلم وقهر ولان تونس وتليها ليبياولكن لانملك الاالدعاء ومناجات رب العباد لكي يصفي القلوب ويهدانفوس ويضع الحق في كل بلدمسلم

[المسك الهادئ]

جزاكِ الله خيرًا

وبارك الله فيك

[وعود الخير]

يا حبيبتي كلنا مقدرين اللي بتمر فيه مصر
بس الاطفال من حقهم يشعروا بالعيد
عيد ربنا سبحانه وتعالى
ونخلي اللي في القلب في القلب

ونكمل يوميات العسل أروى

[ام سهيل]

يا حبيبتي كلنا مقدرين اللي بتمر فيه مصر
بس الاطفال من حقهم يشعروا بالعيد
عيد ربنا سبحانه وتعالى
ونخلي اللي في القلب في القلب

ونكمل يوميات العسل أروى

وأنا مع الغالية وعودي

ننتظر بقية اليوميات

وربي يفرح قلبك بما يسرك .

[ام اروى 86]

اعذرونى غالياتى ما دخلت المنتدى العشر الاواخر

اروى الحمدلله صامت لاخر الشهر من الساعة 3 الى المغرب واحيانا من الساعة 4 او 5

وكانت مكافاتها اليوم يوم العيد

عملتلها تسريحة جميلة نالت اعجاب الجميع الحمدلله

وفستان جميل واكسسورات وحركات


وحضرت صلاة العيد والكرنفال وكانت كل طلباتها اوامر

وفهمناها ان ربنا عز وجل جعل العيد مكافأة للمسلم لصيامه شهر رمضان

وان شاء الله لها جائزة خاصة من والدها لانها قرات جزء ونصف من القران فى العشر الاواخر

اشكركم جزيلا اخواتى لهذه الفكرة الرائعة ولتشجيعكم لاطفالنا على العبادات والطاعات

وكل عام وانتم بخير

[MUM]

ماشاءالله عليكم غاليتي
يومياتكم مشوقة
وربي يهدي الاحوال في سائر بلاد المسلمين
طيب يعني في المجمل اروي صامت كل ايام رمضان؟؟؟

[ام اروى 86]

اهلا بمشرفتنا الغالية

نور الركن والمنتدى كله بعودتك يا قمر

الحمدلله اروتى صامت الشهر كله بس من الساعة 3 واحيانا 4 او 5 حتى المغرب الساعة 9

كتر خيرها والله مفيش حد هنا فى سنها كان صايم

ربنا يعيننا على تربيتهم تربية حسنة

وشكرا لمرورك يا غالية