ابني تغير و تاعبني جدا و بصراحة قرفت ساعدوني يمكن عندكم حل !!!

[سوسو1983]

السلام عليكم ورحمة الله و بركاته

بداية والله انا جاية وزهقانة حالي من ابني الي مش نافع معاه ولا اسلوب

عمرو 3 سنين و 9 شهور

ماشاءالله عليه هوة ذكي جدا ماشاءالله تبارك الله بشكل ملحوظ لكن صرت احسو بيتلائم ويستخدم هالزكا بانو يغيظني ويستفزني بشكل مقرف صراحة صعب تجاهله

قبل كان اهدا بكثير ومطيع اكتر

كان يحكي كلام حلو دايما و يعبر عن مشاعرو

ومبسوط او حيروح الروضة و حنون على اخته اكتر

وكان اجتماعي اكتر مايخاف من الناس ابدا


هالحكي من كم شهر بس

كان مريح نوعا ما

ولكن بدا يتغير وصار بصراحة يعني يقرفني و يتعب نفسيتي احيانا

صاير مستفززززززززززززز يضحك احيانا بدون سبب ويراقب ردات افعال

يضحك بطريقة مستفزة غبية من اسباب مالهاش داعي

يعني استهبال

صاير يتعلم الفاظ مش كويسة و يعلق فيها ولا كانه بس كان مستني حد يقولها قدامه

احيانا اسمع كلام مابعرف مصدره خاصة لو كان الو فترة في البيت يعني صراحة صرت اشك الولد يخترع ههههههههههههه

وبيصير يعلمها لاخته

و بيصمم عليها

صاير احيانا يضرب اخته بدون سبب

صرت لما اخرج عند الناس احيانا يكون متفاعل وسعيد واحيانا يعملي نكد او يعني مايكون مبسوط ويضل ساكت

هالنقطة صراحة قدامي اكتر لانو في العيد راح لف عالاقارب مع ابوه قللي انو كان متفاعل ومنفتح و مبسوط ومنطلق ولا بان عليه انطوائية ابدا

يعني يبدو بيظهر الهبل والدلع استفزاز لي

طبعا صاير يغار

وبيحب يكون مركز الاهتمام جدا وانو مافي حد غيرو

وشو كمان ؟؟؟؟ معلش تحملوني قلبي مفقوع شوي

مبطل يسمع كلامي دايما يعني هيك وهيك

وفي طبعا اكبر نكتة

انو من كم شهر قرررررر يحكي عن نفسه انا بنت

انا بنت انا بنت

لا ياماما ياحبيبي انت رجال قوي

لا انا بنت

بالاول قلت يمكن بيفهم بالتفاهم بس عند كتير عالكلمة
وزوجي طبعا حاول معاه

بالاخر قلنا خلص نطنش

يقلي انا بنت اقلو طيب

يقلي انا بنوتة اقلو طيب او ماارد
يعني يسمع كلام اخته ويعيدو

الي احنا بنحكيه الها

عروسة بنوتة حبيبة

بعدين عملنا حالنا ازكيا صرنا نقول للبنت انت رجال قوي

قال يعني عشان يغار منها

الا بقلها اه فوزة رجال قوي وانا بنت

والله احس بدي ابكي من الاستفزاز والغيظ بس من هالناحية صرت اطنش

ولها هالحكاية شهور

والان من فترة متارجح مابين البنت والرجال القوي

مرة ابوه شد عليه

جلس كم يوم يقول انا رجال قوي

ورجع

والان حسب المزاج مرة رجال قوي مرة انا رجال وبس مرة انا بنوتة

والله قلبي مجروح من هالقصة ههههههههههههههههههه قرفني فيها كتير

بعدين تطور

اصير اقول ماما اعمل كزا عشان الناس تحكي عنك شطور ونظيف

بصير يقلي بديش انا وسخ بدي الناس يقولو عنه وسخ

!!!!!!!!!

احيانا احس بايدي تتحرك لا اراديا عشان اكسرو ضرب بس امسك نفسي هههههههههههههههههه


هي قصة البنت والشطور والمش شاطر وبدي الناس تضحك علية

طبعا بيكون يحكي بتحدي مش بمسكنة خالص

طبعا انا عارفة ماتعرض لمشكلة عقدته لانو كل مكان معاه بكون انا موجوده في المنطقة وبعرف شو بيصير معاه تماما

بعدين بقلو هديك المرة في الروضة رحت اجيب المريول
ماما احكي سورة الفاتحة للمدرسة

خزاني صار يقلي مابعرف بديش



بالاخر حكا وكان شاطر لكن صاير يخجل بالمرة ماكان هيك

وبصير يطعوج نفسه ويعمل حركات مستفزة
والله منعم علية بالنقاب بخفي انفاعالاتي وحركات وجهي لاني بصير اتمتم مع نفسي و اطعج وجهي من الغيظ ههههههههههه


صاير عنييييييييد

واناني بعض الاحيان

هلأ انا كيف تعاملي معاه

احيانا اطنش عناده ومااستفز منه ابدا

ولما يتعمد استفزازي احيانا اطنش

واحيانا اشتعل من الغيظ و انرفز ويصير يضحك

هادا خطأ مني بس استفزاز ابني غير قابل للمقاومة في اغلب الاحيان

لكن صرت كتير كتير اطنش

اتفاهم معاه انزل لمستواه واحط عيني في عينه و اقلو واتفاهم معاه

واستخدم اساليب العقاب بالحرمان

احيانا اضربه خفيف

احيانا احرمه من اكلة يحبها

او شوكلاته او بالون

صراحة احيانا تجيب معاه بشكل كبير جدا لانو ابني ماشاءالله تبارك الله يعز الاكل والبطن

واحيانا بيبكي من الزعل وبينعدل

واحيانا بيكون بيغيظ

مثلا اليوم ضرب اخته بدون سبب حكتلو مالك كعكة اليوم

قلي طيب ياماما لما اتادب اعطيني كعكة
وكمل لعب هههههههههههههه

يعني انا من فترة كنت كتير عصبية معاه

والامور زادت سوء

هديت نفسي اكتر واكتر واكتر

ولي فترة كويسة اكتر من شهر اتبع معاه اساليب التفاهم والنقاش والثواب والعقاب اكتر من العصبية

في النوادر انهار واضربه بشدة قليل جدا الحمدلله صرت امسك نفسي


اهلي ملاحظين انو تغير واستفزازيته و مزاجيته

هوة شخصيته حلوة و شاطر ماشاءالله و سريع البديهة و اجتماعي

ولكن صاير يتقلب كما شرحت

احيانا اوسوس ليكون عنده اشي نفسي اضطراب او شي

واخاف

وارجع اقول انو هي طبيعة المرحلة ويعني هيك

محتارة صراحة اتبعت كل الوسائل الي اعرفها من عقاب ونقاش وتفاهم وخصام وحرمان و ثواب وعلامات نجوم و مكافات

وفي امر قاهرني فيه جدا جدا جدااااااااااااااااااا


عشنا في غربة عامان من عمره

ورجعنا كان ظروفنا مش مستقرة لزق فية كتير كتير مع انو قبل كان مستقل جداااااااااا

ومازلت اعاني من التلزيق بشكل احيانا بيطلع الروح

و ماكان يندمج كتير مع الاطفال

والان تحسن كتيييييييييييير وصار يحب الاطفال ويحكي معاهم في الاماكن العامة او الاقارب ويحب اللعب مع الاطفال وماشاءالله

ولكن ازا انضرب بينسحب

طبعا انا شديت عليه وانا اقلو الي يضرب قلو عيب ولو رجع ضربك اضربه ياماما وهيك

وطبعا احنا في زمن مابنفع قصة عيب واروح اقول لماما وخالتو و المس في الروضة

ومجتمعنا مفاهيم الرجولة و القوة فيه كتير مهمة و لها اعتبار

لهيك مابقدر اعلم ابني يكون مسالم وساكت على طول

بحاول افهمه يكون هيك وهيك

يعني ماتفهمو اني بعلمه العنف لا ابدا

انما بعلمه يعرف ياخد حقه والا بكرة يروح المدرسة وحتروح عليه و يصير معقد وينضرب عالطالع والنازل اولاد هاليومين صايرين صراحة عنيفين زيادة ولازم الولد يكون قد حالو

المهم تحسن شوي يعني بس بيضرب بطريقة هبلة زي النواعم هههههههه

المشكلة مش ضعيف شخصية ولا شي بس مش متعود عقصص القتال و الاطفال الي بتخانقو سوا

يعني كنا عند بيت اهل جوزي في العيد و تضارب مع اولاد عمته

صراحة استفزتني ردة فعله كنت نفسي اخنق نفسي

صار يبكي بطريقة مستفزززززززززززة زي الي مدري شو صايرلو
وانا صرت اخلي ابن عمته الكبير اكبر منو بعامان يدربو يعني

كان الولد فاهم القصة مش انو بيتعانف على ابني

فكان الولد يحاول يتخانق وهيك

صرنا نشجع ابني ونقلو يلا تقاتل وهيك

ابدا استجابة وكان يتقاتل ولكن على خفيف

وفي الاخر صرت اشجعه واقلو جائزة و هدية وشاطر

تحسن ولكن رجع يبكي ويقلي تعبت خلص

!!! قهرني خايفة يضل هيك و تروح عليه في المدرسة و لا يصير مضطهد

وكمان الاولاد المساكين في المدارس احيانا يتم التحرش فيهم وبيكونو مساكين وانا مابقدر استنا ابني يصير هيك

هوة لما نشجعه يبدي استجابة الحمدلله ولكن حابة اطمن

مديرة الروضة حكتلها حكتلي ماتخافي بتغير وابنك شكلو شاطر واجتماعي مع شوي اختلاط بتغير


مممممممم شو كمان

بحاول اتزكر
بس هوة اغلب الامور استفزازه وعناده الجديد و قصة انا بنت وانا مش نظيف

و الضحك الاستفزازي و عدم الطاعة و الانقلاب المزاجي لو حس في طفل محور اهتمام غيره

بالزات عند اهلي متعود مافي غيره هوة واخته والان اجت اختي زيارة من خارج البلد في اولاد غيره يعني اطفال

فصارت نفسيته تتعب عند اهلي جدا !!! فظيع ابني الكل يلاحظ حبه للظهور والاهتمام

انا بتكلم معاه كتير و بجر معاه حكي لاعرف مشاعره

وعاملة صداقة معاه

احن عليه كتير واحضنه و احبه و اظهر حبي وعواطفي واحاول اشبعه عاطفيا يعني قدر المستطاع

قلت يمكن الولد ناقص حنان ولا انشغلت عنو

بس مالاحظت تغيير

بعدين انا نسيت احكي

بيعمل حساب كبير لابوه

ابوه حنون و بيفسحهم وبيجيب طلباتهم ومدلعهم

ولكن عند الجد جد

يسمعو كلامو و يعملو الو حساب ابني وبنتي

ولو ضربهم على ايدهم او خلفيتهم ينهارونفسيا ويحسو بالحزن

يتاثرو ويعملو حساب

وابني قدام ابوه مافي احسن منه

ويحبه ويطلع معاه ويتصادق معاه

بس الهبل بيطلع قدامي اكتر اشي وقدام الناس الي برة

ساعدوني مليت صراحة وصرت احيانا احس مالي نفس احكي معاه بس بضغط على نفسي وبقول ولد صغير

[سوسو1983]

مثلا ياجماعة ابني الان طلع بتحفة جديدة
جاي يقلي ماما بدي اروح عالروضة واقعد لحالي زي المسكين
ههههههههههه شر البلية مايضحك
مابيحكيها على اساس انو مسكين و ياحرام الولد تعبان نفسيته ولا متعرض لعنف جعله متعقد
والله بحكيها وهوة بتسلى و مروق عالاخر و كانو بيسرد حدث يومي عادي
ايش اعمل بالله

[أم ماهر و ليندا]

لاحظت انو :
ابنك عندو غيررررررررررررررررررررررررررررة فظيعة
وبالذات وقت صار يقول انا بنوتة
وبدو يلفت إلو الانتباه وقت بيطلع معك
لأنو الناس وقت بيعمل شي ممكن يصيرو يضحكو
وهوي هاد اللي بدو ياه يخلي حالو مصدر لحديث الناس
هلأ اللي لازم تعمليه
وقت بتكوني مع ناس
لاتحكي للناس عنو وهوي عم يسمع
لا تحسسيه ان عزبك رح يكون هوي حديث القعدة

وبالبيت صيري اقريلو قصص عن الولد الحباب والولد الشعنون
استغلي نشاطو بالرسم
خليه يرسم وجيبيلو الوان
واقعدي معو
عطيه وقت اكبر من وقتك ووقت يستفزك وانتو قاعدين
قوليلو خلص بدي قوم وماعاد بدي كمل لعب معك
ضلي زعلانني منو فترة وبعدها قوليلو شو رجعت حباب رجعت حبيبي اللي بحبو يالله ماعاد تعزبني
تعا نكمل لعب ورسم



العبي معو لعبة اخباء غرض بالغرفة وهوي بدو يدور عليها والعكس



هاي اللعب لعمره بتخليه ينسى عنادو


بس اهم شي انتبهي للغيرة
وخلي ابوه ياخدو معو فترات اطول
لحتى ينسى كيف كان يستفزك
وتصير شخصيتو رجولية أكتر
وبهيك بصير وقت لقاؤه مع أخته أقل وبتقل الغيرة


والله يهديه


اقريلو قرآن وادعيله بالهداية والهدوء


جيبي الماء اللي بيشرب منها ان كان بدون أو قنينة واقراي قرآن وادعي وانفخي فيها


الله يقويكي

[~~منيرة~~]

الله يحميلك اياه شو بنرفز

وانا عم أقرا مرة اضحك ومرة اعصب هههههههه .. وترتيني معك

من رايي اذا من جديد صاير هيك معناتو في شي تغير من حواليه من اهتمامكم من تصرفاتكم الطفل حساس جدا

ما بعتقد غيرة .. هو بس بدو تنتبهو اله وبس وبالفعل وصل للي بدو اياه وعم يتمادى لانه اعطيتوه مجال

يعني عم يقول انه بنت مش لانه غيران من اخته .. لانه بشوف لما يقول هيك اديش بتصيروا تحكو معه وتعصبوا وتنرفزوا ويصير محور اهتمامكم

والضحك اللي من غير سبب والاستهبال كله ليلفت نظرك انتي ..

يمكن عم يشوف اصحابه او قرايبه او ولاد الجيران بتصرفوا هيك وعم يئلدهم .. انه بضحكو من غير سبب والكبار بضحكولهم فعجبته الشغلة وصار يئلدهم

انتي لا تقارنيه قدامه بغيره خليه هو احسن واحد قدام الناس عززي ثقته بنفسه وانه هو الشاطر

يمكن عنده طاقة زيادة مش عارف يطلعها شوفيلوا وسائل بحبها ممكن يعبي وقت فراغه فيها ويتخلص من هالطاقة بطريقة طبيعيه

شاركيه باللعب او خديه معك عالمطبخ وخليه يساعدك باكلة بحبها وخليه يفتخر بنفسه وامدحيه

قوليله بدي تشتريلي كزا من السوبرماركت انت زلمة البيت وخليه ابوه ياخده ويشتري ويجيبلك وانت فرجيه اديش انه رجال ممكن تعمتدي عليه واحضنيه

لا تمدحي اخته قدامه .. ممككن تشتريلها شي وتقوليلو اعطيها لاختك حبيبتك بالمقابل اعطيه جائزة مفاجأة تكون لانه هو الرجل القوي اللي بحب اخته


ان شاء الله كون افدتك عم بعصر مخي ..

الله يهديلك اياه ويحميه يارب

[ام سهيل]

سوسو ياسوسو

كل عام وانت وعائلتك بخير.


وحشتينا ياقمر


بشكر ابنك لانه خلاك تجي تكتبي عنا موضوع



شوفي ياقلبي ابنك طبيعي مية في المية

وهو في مرحلة تقليد ومرحلة اظهار للذات .

ومرحلة يخاف ينفصل عن امه

لذلك حاولي تقوي شخصيته وثقته بنفسه

اطلبي منه يساعدك في شغل البيت

يعني مثلا قولي اليوم راح ننظف غرفة الجلوس مع بعض وانت ياابني راح تمسح التلفاز او الطاولات
وانت باينتي راح ترتبي الخداديات وانا راح اكنس الارض

وبعد ذلك اعملي راحه واجلسوا مع بعض واشربوا شي لذيذ او كلوا مع بعض شغله طعمه

وبوسيه واحضنيه هو واخته مع بعض وقولي لهم شكرا ساعدتوني

اعطيه اوراق تلوين واعرضي اوراقه الملونة في مكان بارز في البيت مثلا ضعيهم على الثلاجه وامدحي شغله

لما يبدا يستعبط ويعمل حركات لفت نظر انشغلي عنه

تخيلي ابني الصغير توه سنة واربع اشهر لما يشوفنا نتفرج على برنامج ونضحك
يقوم يعمل حركات استعراضيه ويرمي نفسه على الارض عشان نشوفه

يعني هالشي في دمهم من وهم صغار رضع

الله يهديه ويحفظه ويصلحه

على فكرة الطفل بيلقط كل كلمة وحركة من يوم ولادته وبعدين بيطلع لك مواهبه ويشكك في تربيتك

شوفي متى سمع الكلمات الوحشة وحفظها وعمله لها ريفريش عشان يطلعها

[واشوقاه رسولي]

اولا عصبتيني وانا اقرأ من كتر عصبيتك ودة السبب الاساسي في استعباط ابنك بيحب يشوفك متنرفزةوالله ابني فجأة حصله كدة بعد يوم من عيد ميلادة ال3 زوجي قالي ان السن دة سن المشاكل اهم حاجة تجاهليه لحظة مايغيظك واضحكي حتي لو غصب عنك مش هيكررها تاني والاهم هدي العصبية

[ام صائب]

السلام عليكم

من فترة كبيرة ما قرأت مواضيع بالمنتدى واليوم حبيت ادخل واعمل جولة حلوة بمنتداي الغالي
ومن اجمل الجولات دخولي لموضوعك عزيزتي سوسو ....اشتقتلك

صراحة موضوعك حرك ذكرياتي مع ابني من اول ما صار عمره 4 سنين
وبما انه للآن آخر العنقود وعمره 6 لا زال على نفس الحركات والاستفزاز

الله يحفظهم ويحميهم بدهم دراسة لعلاج مشكلاتنا معهم

السبب الرئيسي في قصتك هي عمر ابنك الله يطول عمره
العمر هذا هو السبب بكل ما يفعل
فالطفل يحب ان يفرض شخصيته ويفرض نفسه ورايه على الغير في هذه المرحلة
وتبدأ من عمر 4 سنوات حتى 6 او 7 سنوات تقريبا

واجمل ما يمكن فعله بهذه الحالات هي تزويده بالقصص اللي فيها علاج لما يفعل

مثال
يضرب اخته
القصة عن طفل ضرب اخته وتاني يوم استيقظ من النوم ويده تؤلمه
وما تعالج من الم يده الا بعد ما اخذ ابرة

صراحة هالقصص خففت من عناد ابني لي وخففت من اعماله السوداء ...
ولا اخفيك للآن لا زال يجد الحديث لما يفعل ويتطور كل يوم باشياء جديدة وتعبت قصص ههههههه

لكن بالفعل القصة للموقف هي الافضل على الاطلاق
والقصة ممكن تكون بدقيقة ومن خيالك ...مو شرط البحث عن قصص مبدعة

اتمنى لك كل التوفيق
تحياتي ...

[يافا]

مرحبا ، شوفي عزيزتي في كثير امور لازم تطنشيها كالتالي ، تتركيه يلعب و يستهبل و بعدين فجأه تحكيلو خلاص ماما خلص وقت المزح و اللعب يالله نعمل كذا و كذا

ثانيا في شيء لازم تنتبهيلو كويس نوعية مسلسلات الكرتون اللي بشوفها ، ابعدي عن الأشياء المحزنة زي سالي و ريمي لأن الأولاد بحبو يقلدو محازنها جدا ، وابعدي عن مسلسلات الأستهبال اظن في مسلمسل اسمه الجواهر الثمينة او شيء زي هيك ، فيه الناس ايدهم بتصير كيلو ، و اشياء الله بعلم اطفالنا شو بشوفو فيها

المهم انا عن تجربة مسلسل طاش ما طاش مثلا اثر على شخصية اولادي للأسف جدا ، بتلاقيهم جدييين و فجأه صاروا يمزحوا مع بعض و يقلدو الممثلين فيه ، مرة بنضحك و مرتين بعدين على رأيك ( بننخزي ) أمام الناس فانتبهي جدا جدا من التلفزيون ، و احسنلك حدها القنوات الجدية زي الجزيرة للأطفال ، بتعلمهم العربية كويس في زمن عزت فيه اللغة ، و بتعلمهم مباديء

و قصة المدرسة المبكرة للأطفال ، تؤثر على نفسية الطفل ، كل اللي حوالي واضح جدا ضعف الرابط بين الأم و الطفل بسبب دخول الطفل قبل سن الخامسة للمدرسة ، بنت اخوي صغيرة وصل فيها الحال ادا ما تنفذت طلباتها تحكيلهم راح انتحر و ارمي نفسي من اسيارة ، من متى هيك صاروا اطفالنا ، ظلمناهم ببعدهم عنا

خليهم يواكبو الزمن ، لكن في اشياء تعتبر فطرة ، لا يمكن تغييرها بدون دفع ثمن قد يكون قاسي علينا

[يافا]

اشغلي تفكير طفلك بقصص عن الخلق و التكوين ، و قصص اشتريها على سي دي راح تشغل تفكيره من اهمها حاليا متواجد ( رحلة الخلود ، قطز ، محمد الفاتح ، طارق بن زياد ) مسللسات اطفال رائعة ، في الرياض بتلاقيها في قرطبه للأنتاج الفني بين مخرج 10 و 11 ، راح تشغل تفكير طفلك ،

اسمعي مني انا اولادي كبرو و شفت النتيجة ، الولد الذكي اذا ما عبيتي راسه راح يعبيه هو بطريقته العشوائية ، قصة تعلميه المضاربة ماراح تنفع مع ابن عمه و الها عواقبها ، اسأليني ، اذا انتي ساكنه في الأردن ، فأنتي بتعرضي ابنك للخطر خليه قوي بدون عدوانية ، حصللي موقع هاي السنة و تعلمت منه و تعلم منه اولادي انتي عارفة الأولاد الشرر على طول بطلع من راسهم و تقاتل مع شباب و شفت ابني بين الناس في نص الشارع مرمي بدون حراك ، و الله ربنا اهداني ابني من جديد و اعطاني اياه ، علميه القوة لكن لا تشغلي تفكيره دائما بعدوانية الأخرين ، راقبيه و ثقي بكلامه عن اصداقاءه بعد سنتين او 3 ، و تصرفي على هالأساس ،

و لا تيأسي ابدا لما ابنك يسمع من اذن و يطلع من اذن ، كله مخزن في الباطن ، علشان هيك دائما الأولاد بعد سن ال25 برجعو يشبهو اهلهم في التصرفات ، ببدأ التفريغ من الداخل

ولازم تعرفي شيء لااااااااااااااااااااااااااا يمكن تغييره الزمن الحالي ليس كالزمن قبل عشر سنوات

اما ابنك بكون متدين بخاف ربنا او بكون فالت ماعاد ينفع نص نص

ربيه يكون شيخ و الباقي على ربنا

[-بلسم الجروح-]

حبيبتى سوسو

كيفك

حمدلله على سلامتك


وعودة ميمونة للوطن


ابنك ما شاء الله عنه عادى جدا وطبيعى

والدليل تعامله مع ابوه مختلف عنك تماما

ابنك عكس اولادى

اذا بدى استفز واحد بقولو يا بنت


طيب مرة بنص السنة اضطريت اشترى لابنى الوسطانى بالروضة شنطة موف

صاروا يقولوا الاولاد يا بنت


صار يبكى وما بدو الشنطة


وفعلا اعطيتها للصغير بالحضانة

بالنسبة للدفاع عن نفسه ممكن تلحقيه بدورة كارتيه كمان سنة مثلا

وكل الصغار قدام الناس بيستحيوا وما بيرضو يحكوا ولا ينشدوا


طبيعة فيهم


ما تمدحى اخته اكثر منه

وعبى وقت فراغه بالقصص عن الاطفال الحلوين والشاطرين والمشاكسين


وما تضلى تشكى منه قدام الناس
بيزيدها بيصير

انا واثقة هو افضل من غيرو بكثير

طمنينا عليكم

[سوسو1983]

السلام عليكم
شكرا شكرا كتييييييييييييييييييير عالردود الجميلة
والمفيدة
وكتير من النصايح اعمل بها خاصة اسلوب القصة معكم حق انا بلاحظ بتاثر فيه
ولكن احيانا انسا و انشغل واعصب
صراحة ابني باستفزازه مميز جدا جدا والكل بيحكي هيك حتى اهلي يعني عشان ماتقولو اني عصبية وبس
الله يستر ويهديني لاني مابمسك نفسي
ان شاءالله اطبق هالامور والله يخلي اولادنا
بكرة ان شاءالله اول يوم اله بالروضة
الله يوفقه وتكون هي فاتحة خير و تغيير له للاحسن
هوة حنون و شاطر ماشاءالله عليه كان كتير مطيع و مريح
قلب حاله مابعرف ليش
الله يجعل هالروضة تساعدني يارب مع اني خايفة كتير من البداية كيف تفاعله وهيك
يارب وفقنا جميعا التربية صعبة جداااااااااااااااااااا الله يستر
شكرا لكم جميعا واسفة لعدم الرد على كل واحدة على حدى لاني مشغولة هاليومين ودخولي عالنت مش كتير
شكرا مرة اخرى

[أم الحلو مهند]

الأخوات ماشاء الله عليهم ردوا بكل مافي نفسي..

كل وحدة جابت فكرة من اللي فكرت افيدك فيها..

جزاهن الله خير الجزاء

وباقي عندي أقولك عن معلومة شفتها في برنامج سوبر ناني..

ان الطفل ممكن يعيد ويكرر الخطا لانه وجد منه فرصة للتواصل مع امه لما بتعصب عليه وتتنرفز وتزعل وتعطيه من وقتها..

قالت عنه التواصل السلبي ..

لكن الطفل ممكن يلجأ له لما يلاقي فيه فرصة التواصل..

فالأفضل انك ما تثبتي عنده دي الفكرة..

فانتبهي لردات فعلك لما ينرفزك
لا تعطي تصرفاته الخطأ قدر كبير من الاهتمام والانتباه..
ولا يتكلمو اهلك قدامه ويقولو فعلا تغير او ليش بيسوي كدا.. وهو ما كان كدا زمان..
يعني لا يسمع شي


بالنسبة للروضة راح يستفيد منها كتير بإذن الله.. لكن خليكِ متابعته

وضروري تتوقعي انه ممكن يتعلم الشي المفيد والغير مفيد كمان


وشي آخر حبيبتي أبغى أنبهك عليه وهو تأثير الانتقال على الاطفال..

لما جيت أنتقل من بيتي بحثت عن دا الموضوع ولقيت انه فعلا بيأثر ولازم نعمل مقدمات وبعض الاجراءات عشان نتجنب أي تأثير سلبي على الأطفال..

دا طبعا عند الانتقال من بيت لبيت.. فما بالك من مدينة لأخرى ومن مجتمع كامل لمجتمع وناس وطبيعة مختلفة؟؟؟


راعي هذا الامر وحاولي تتواصلي معاه بشكل افضل..


واخيرا بخصوص القوة والدفاع عن النفس استني عليه شوية عمره لسه صغير وحتى عضلاته..
لا تجبريه يضرب ويقاتل من هذا العمر..

ومن الأفضل انه يتعود عالنظام ويكون له مرجع للشكوى..

انا معاكِ انه مجتمعاتنا كلها تفضل انه كل مين ياخد حقه بيده..

لكن لا ما نع اذا انظلم ابنك في اسوأ الحالات وهو صغير لكن يكبر وهو يعرف يتصرف بمدنية وتحضر مع اللي حوله..

لو كل وحده مننا فكرت انه لازم تربي ابنائها على كدا ماراح نلاقي احد ياخد حقه بيده

احنا بنبنيمجتمعات وأمم للمستقبل ياغالية .. كل وحده بتبني من بيتها


انا عانيت من زوجي لانه يبغى ابني (مهند) الناعم يقاتل ويدافع عن نفسه..

لكن الحمد لله اقنعته الان بفكرة النادي الرياضي..

وراح ندخله اي رياضة دفاع عن النفس.. زي الكراتيه

الرياضة تعلمه القوة والرجولة والاخلاق العالية.. وما تخافي عليه بعد كدا مهما تعرض لمواقف



اعتذر جدا جدا عن الإطالة

بس يارب أكون افدتك زي ما استفدت منك ومن نقاش الأخوات حول هذا الموضوع المتكرر في كل بيت

[omyassineee]

لن ازيد عن كلام الاخوات الا قليلا
اولا اريد ان اخبرك وانا اقرا قصتك كنت اضحك فراني ابني 4 سنوات فقال لماذا تضحكين فقلت اقرا عن امراة ابنها يضحك بدون سبب وباستهبال فقلت يذكرني بشخص ما من هو فقال انا انا
ابنك مثل ابني في هذه المسالة انه يضحك بطريقة مستفزة وغبية لدرجة انني واختي اذا فعلها نناديها سبونج بوب وهو شخصية كرتونية قمة في الغباء...
يجلس امام الانترنت ويبدا بالصراخ والضحك باستهبال كما قلت ...
واي لعبة اشتريها لاخوه الصغير يركب فيها ويحاول اللعب بها رغم انها ستنكسر...لكن اذا حاولت اختي اللعب معه واخذ البيبي وتقول له ساخذه معي الى المنزل يقفز ويبدا بالصراخ والبكاء بطريقة هستيرية.......
كان ابني اذا اشترينا له اي شيئ يعطينا منه ثم ياكله الان اصبح يختبا على اخوه وياكل

اولا عندما يكون على النت ويبدا بالضحك والصراخ احذره مرة واحدة فان كررها اقوم باطفاء الحاسوب وامنعه من اللعب فيه..............
بالنسبة للاكل اذا لم يعطي منه لاخوه فانا امنعه من الاكل معه مرة اخرى....فاذا اشتريت للبيبي شيئا لا اعطي منه للكبير واقول لان هذا ما تفعله................
وبعدها اخبرته انه عليه ان يعطي اي شيئ لاخوه كي يكبر ويتعلم منه ...واذا كبر هو كذلك لن يعطيك مما يشتريه.....
فاصبح الان اي شيئ ياكله يعطي منه لاخوه....
بالنسبة للضرب كان ابني خنوع ويخاف من الاولاد فكان يغضبني فكنت اقول له اذا لم تضرب سابرحك انا ضربا اكثر منه...
فصار ابني يرد الضرب بل واصبح يضرب بدون سبب مع اي واحد والمعلمة اشتكت من ذلك في الحضانة.............
هي طريقة خطا...الان اصبحت انبهه فقط واقول له لا تضرب الاخرين لان هذا عيب واذا ضربك احدهم فاخبر المعلمة .....
مرات انسى وادلع اخوه بحبوبة عزيزي ابني الجميل فيبدا الاخر بالقفز والتنطيط وكانه يقول نحن هنا....
فابدا بتغيير كلامي الله انا عندي ولدان حبوبان وجميلان واحد صغير مشاكس والاخر كبير وذكي وقوي فيضحك بينه وبين نفسه....
انا ابني كان انطوائي ولا يحب اللعب مع احد لكن مع الحضانة تغير تغيرا كليا اصبح اكثر شقاوة ومشاكسة...............

اذا طلبت منه الاغتسال يرفض مؤخرا فلا ارغمه فياتي ليقبلني ويلعب معي فابتعد عنه واقول لا تقترب مني رائحتك كريهة لانك لم تغتسل فيطلب مني الاغتسال بسرعة...
فاتركه لوحده يصب عليه الماء كما يريد ويلعب واتي لا غسل له شعره فقط واتركه يغتسل من جديد لوحده فلما ينتهي يطلب الفوطة فاحمله وابدا بدغدغته وانا اقول ابني كبر اصبح يغتسل لوحده ويعجبه الامر.............
...اخذ وسادة واضعها امامي واطلب منه ان يضربها بكل قوته كي تتقوى رجله واطلب منه ان يضربها بيديه كي تتقوى يديه ويحب ذلك...والده يقول ستنكسر رجله او يديه....مع انه يضربها مع الوسادة....
لا تخافي ابنك ان لم يبدي ردة فعل للصراع ...والله كان ابني لو سمع صراخ الاطفال يبكي من الخوف او صوت السيارة او صوت بائع السمك لدرجة كنت حختنق كما قلت.....
الان اصبح يصرخ ويضرب و يتعارك مع ابن اخي اللي اكبر منه ويشبعه ضربا.....وابن جارتي الاكبر من ابني كان يشبع ابني ضربا لما كان صغيرا الان ابني اصبح يشبعه ضربا ايضا ...لدرجة لم نعد نعرف كيف نتحدث من كثرة كفى شجارا.....
انا بعكسك ابني امام ابوه اقبح منه مافي ومعي هدوء تام.............
اذا شفت ابني نفسيته تغيرت اخذه واسافر به عند الاهل وهناك اطفال العائلة واخوتي ويندمج كثيرا هناك.......
اهم شيئ انصحك به خذي بالك من اخته لان غيرته قد يطلع كل غضبه فيها.....
ابني صار يضرب اخوه مؤخرا والبارحة فقط عاقبته فقط بحرمانه من مشاهدة التلفزة والنت..............
انها امور عادية تحدث بين الاطفال وان شاء الله تتحسن اموره
.ابني كان اسوء من هذا والان والحمد لله كل شيئ صبح بخير
اسفة للاطالة