ساعدوني ... ابني هيجنني ....

[النفس المطمئنة]

بسم الله الرحمن الرحيم ...
الامهات الغاليات ... حبيت استشيركم ... ابني ربنا يحفظه ويحميه عنده سنة وشهر تقريبا ...
المهم هيجنني انه مصمم ياكل الشباشب والاحذية اللي مش نظيفة(يعني اللي مشينا بيها في الشارع وفي الطينة او شبشب الحمام ) ... بيلحسها من تحت ...
والظاهر انه بيختار اكتر واحد مش نظيف ... حتى بالليل لو قافلة كل الانوار الاقيه نزل من جنبي وجاب شبشب او جزمة وعمال يلحس فيه في تحت ... وانا الموضوع دا بيجنني ... لدرجة اني والله سعات باضربه عشان ميكررهاش .؟.. بس الصراحة دماغه صعبة جدااااااا ... ومش عارفة اعمل ايه ...

واذا قولتولي جيبيله شبشب جديد ليه ... فدا فعلا حصل بس مش بيقربله خالللص ...يعني مش بيمسك الا اللي مش نظاف ... تعبلي اعصابي الصراحة ومش عارفة اعمل معاه ايه ؟؟؟؟

فيدوني لو حد عارف الله يكرمكم .... لانه كمان اصلا مناعته قليلة جدا وربنا يعافيه يااارب بيتعب من اي حاجة ... فمش ناقصة بقى اوبئة ..... حتى من غير مناعته والله بس الموضوع دا مقرف جداااا .... وفي نفس الوقت مش عارفة اعمل معاه ايه.؟؟؟

ياريت تفيدوني جزاكم الله خيرا ...
واسفة على الاطالة ...

[naddoun]

نصيحتي لك يا عزيزتي أن تبعدي عن متناوله كل الجزم الي نظيفة والي غير نظيفة حاولي تضعي كل الجزم في دولاب مقفول بعيد عن متناوله.
ربنا يحفظهولك يا رب.

[wbaby]

ازيك ياقمرايه وحشاني
بصي هيه فتره بتيجي عالعيال ويقعدوا يعملوا كده
حلها انك تشليهم لو عندك جزامه اقفليها كويس
في اقفال مخصوص بتتعمل علشان الاطفال بتقفلي بيها الدواليب
يعني تشيلي اي حاجه من قدامه شبشب الحمام تقلعي جنب باب الحمام من جوه
وتقفلي الباب كويس
لغايه مينسى الحكايه دي خاااالص
وربنا يهديهولك

[ام سمية]

الله يحفظه ويبارك فيه ...ضحكتيني وذكرتيني بابني علي ..كانت عنده حالة شبيهة ..كان كلما خرج لساحة المنزل ياكل التراب ..تخيلي ..وكان عنده رغبة كبيرة في تناول الورق ..اي كتاب يصل الى يده يبدا في اكله ...واحيانا ياخذ الكتاب ويختبئ لياكله .كنت كما قلت حتجنن...
سألت الطبيبة وبحثت في النت اكتشفت انها حالة طبية تسمى بيكا... ولها اسباب يمكنك بسهولة الحصول على معلومات عنها في الجوجل...واحد اهم اسبابها ضعف الدم ..وبالفعل كان دم ابني 10..فاعطتني الطبيبة حديد ..وكنت اتابعه ..ثم هداني الله لاطعمه لحم الدجاج والفراولة ليقوى دمه .. وكنت اخفي الكتب والاوراق منه واذا خرج يلعب في الساحة اوصي اخوته ان يراقبوه... وكلما كبر بدات تخف الحالة وفي عمر السنتان تقريبا اختفت تماما ..ولكنه ظل يحب الكتب كثيرا ..بس مش ياكلها ..وانما يقرأها ههههههه

[النفس المطمئنة]

نصيحتي لك يا عزيزتي أن تبعدي عن متناوله كل الجزم الي نظيفة والي غير نظيفة حاولي تضعي كل الجزم في دولاب مقفول بعيد عن متناوله.
ربنا يحفظهولك يا رب.

جزاكي الله خيرا حبيبتي ... وفعلا عندك حق والله ... بس المشكلة اني معنديش جزامة ... بس ان شاء الله يا اما هاجيب واحدة يا اما فعلا لازم اخفيها من قدامه ...وياارب ربنا يتقبل دعاءك ويباركلك في ال بيتك كلهم ...

[النفس المطمئنة]

ازيك ياقمرايه وحشاني
بصي هيه فتره بتيجي عالعيال ويقعدوا يعملوا كده
حلها انك تشليهم لو عندك جزامه اقفليها كويس
في اقفال مخصوص بتتعمل علشان الاطفال بتقفلي بيها الدواليب
يعني تشيلي اي حاجه من قدامه شبشب الحمام تقلعي جنب باب الحمام من جوه
وتقفلي الباب كويس
لغايه مينسى الحكايه دي خاااالص
وربنا يهديهولك

wbaby ازيك يا قمر ... والله انت اللي وحشاني اوي ... وازي اولادك يارب تكوني انت وهما بخير دايما يااارب اللهم امين ...
وفعلا عندك حق والله انتي وباقي الاخوات لان فعلا الموضوع زاد عن حده جدا ... لدرجة انه بيجيلي وشه مطين *): من اللي لحسه ... وانا والله غالبا مش بسيبه لوحده خالص ... بس لو سهيت عنه دقيقة دي اول حاجة بيجري عليها ...
وعندك حق هاعمل كدا في شبشب الحمام هاحطه جوا الحمام ... بدل ما انا سايباه على باب الحمام ...
والف شكر على ردك ... ربنا يباركلك ... ويارب يهديهولي ويهديلك اطفالك يا جميل .. ياارب يااارب اللهم امين ...

وجزاك الله خيرا

[النفس المطمئنة]

الله يحفظه ويبارك فيه ...ضحكتيني وذكرتيني بابني علي ..كانت عنده حالة شبيهة ..كان كلما خرج لساحة المنزل ياكل التراب ..تخيلي ..وكان عنده رغبة كبيرة في تناول الورق ..اي كتاب يصل الى يده يبدا في اكله ...واحيانا ياخذ الكتاب ويختبئ لياكله .كنت كما قلت حتجنن...
سألت الطبيبة وبحثت في النت اكتشفت انها حالة طبية تسمى بيكا... ولها اسباب يمكنك بسهولة الحصول على معلومات عنها في الجوجل...واحد اهم اسبابها ضعف الدم ..وبالفعل كان دم ابني 10..فاعطتني الطبيبة حديد ..وكنت اتابعه ..ثم هداني الله لاطعمه لحم الدجاج والفراولة ليقوى دمه .. وكنت اخفي الكتب والاوراق منه واذا خرج يلعب في الساحة اوصي اخوته ان يراقبوه... وكلما كبر بدات تخف الحالة وفي عمر السنتان تقريبا اختفت تماما ..ولكنه ظل يحب الكتب كثيرا ..بس مش ياكلها ..وانما يقرأها ههههههه

هههههههههه ...ضحكتيني والله ...
اولا سلاام عليكم ...جزاكم الله خيرا يا حبيبتي على كلامك ...معلش ضحكت في الاول عشان الظاهر كل الاطفال بشعين كدا
بس بجد جزاكم الله خيرا ... افدتوني ...وفعلا انا ناوية ان شاء الله اشيل الجزم لانه بقى يجيلي دلوقتي ووشه كمان متلحوس من الطينة ... يعني بينهمك في الكارثة اللي بيعملها ...
الغريب انه ضد الاكل ومش بيفتح بوقه لاي حاجة الا نادرا بس بيفتح بوقه كتيييير للجزم المتوسخة ...اااه ياربي
انا بقى ابني متجه للمناديل بدل الورق بي المناديل افضل حالا من الجزم ...
انا قريت فعلا عن متلازمة بيكا زي ما حضرتك قولتي ... ولقيت انها حالة شره بتصيب الانسان بياكل اي شئ حتى لو الوساخة او الحاجات الوحشة ... ربنا يلطف على اولادنا يااارب اللهم امين
انا عامة هاعمل بنصيحتكم وهاخفي الجزم املا انها تكون مرحلة زي ما طمنتوني وان مش ابني بس اللي بيجيلوا الهبل دا
الف شكر ليكم كلكم ...
وجزاكم الله خيرا
وربنا يباركلكم كلكم في اطفالكم ويهديييييييهم ياارب يااارب اللهم امين

[wbaby]

اهم من شيل الجزم ياجميله انك تحاولي تدخليله الاكل الي يقوي دمه
العسل الاسود _ البنجر - السمسم -الزبيب - الرمان وطبعا اللبن والبيض واللوم
علشان انشاء الله يتحسن باذن الله
ربنا يطمنك عليه يارب

[صاحبة البيت]

ماشاء الله
الخوات كفوا ووفوا
لأنها فعلا مرحلة بيمر بيها أغلب الأطفال
أبنتي ماشاء الله عليها كانت عاملة زي الجدي الصحراوي
تاكل الورق والخيوط والمناديل الورق وياسلام لو لقت الفوم
وأحلى حاجة بقى لما كانت تمص الغسيل
وكنت على ما أخلص نشر الغسيل يكون نصه أتنشف
من مصها فيه قبل ما اشتري الأتوماتيك
واصعب حاجة بصراحة , كانت خيشة الحمام
أجارك الله
هي فترة وتعدي بس خلي بالك وخدي حذرك
وربنا يهديه إن شاء الله
تقبلي مروري

[حكايات القمر]

عزيزتي انا بتذكر لما كنت صغيرة برضوا كنت بعمل كدا وحتى لما كبرت عن سن ابنك شوية ما بطلت الحركة دي والله العظيم انا لسه متذكرة ومتذكرة كمان ان امي ربنا يخليها بقت تحطلي شطة سخنة على الشبشب من تحت لغاية ما بطلتها ونسيتها

[omfatema]

اختى والله اضحكتينى جدا
فانا اعانى مثلك ابنى فى نفس السن
ويفعل مثل ابنك تماما
فهو بنتقى اكثر الاحذية قذارة ويلحس فيها
ربنا يهديهم ويبارك فيهم

[omfatema]

ماشاء الله
الخوات كفوا ووفوا
لأنها فعلا مرحلة بيمر بيها أغلب الأطفال
أبنتي ماشاء الله عليها كانت عاملة زي الجدي الصحراوي
تاكل الورق والخيوط والمناديل الورق وياسلام لو لقت الفوم
وأحلى حاجة بقى لما كانت تمص الغسيل
وكنت على ما أخلص نشر الغسيل يكون نصه أتنشف
من مصها فيه قبل ما اشتري الأتوماتيك
واصعب حاجة بصراحة , كانت خيشة الحمام
أجارك الله
هي فترة وتعدي بس خلي بالك وخدي حذرك
وربنا يهديه إن شاء الله
تقبلي مروري

اختى فطست على نفسى من ا لضحك
انا كمان ابنى بيفعل كدا
الظاهر ان كل الاطفال عندهم عادات غريبة
انا مرة لقيت ابنى مدخل راسه جوة الغسالة والاتوماتيك وبيلحس فى الكوتش بتاعها
ناهيك عن الحيطان والخشب والزجاج
اى شىء ياتى تحت يده يلحسة ويمص فيه

[wbaby]

ماشاء الله
الخوات كفوا ووفوا
لأنها فعلا مرحلة بيمر بيها أغلب الأطفال
أبنتي ماشاء الله عليها كانت عاملة زي الجدي الصحراوي
تاكل الورق والخيوط والمناديل الورق وياسلام لو لقت الفوم
وأحلى حاجة بقى لما كانت تمص الغسيل
وكنت على ما أخلص نشر الغسيل يكون نصه أتنشف
من مصها فيه قبل ما اشتري الأتوماتيك
واصعب حاجة بصراحة , كانت خيشة الحمام
أجارك الله
هي فترة وتعدي بس خلي بالك وخدي حذرك
وربنا يهديه إن شاء الله
تقبلي مروري

هههههههههههه
يخرب عقلك يام محمود دمك شربات \
فكرتيني ببنت اختي كنت انشر الغسيل وهيه تمشي ورايا تمص فيه
والله الاطفال دول تحف
ربنا يهديهم ويهدينا

[صاحبة البيت]

أسعدكم الله وحفظ أبنائكم
غاليتي /النفس المطمئنة
غاليتي /wbaby
غاليتي/omfatema
وكل من يدخل موضوعك
لكم مني كل التحية

[النفس المطمئنة]

اهم من شيل الجزم ياجميله انك تحاولي تدخليله الاكل الي يقوي دمه
العسل الاسود _ البنجر - السمسم -الزبيب - الرمان وطبعا اللبن والبيض واللوم
علشان انشاء الله يتحسن باذن الله
ربنا يطمنك عليه يارب

اه والله عندك حق يا جميل بس اللي ياكل بقى ... ابني قبل ما الاكل يدخل بوقه بيتفه والله كانه رد فعل لا ارادي انه يطلع لسانه ويرمي الاكل ...
حتى ماما بتقوله الاكل تقفل ليه بوقك والحاجات اللي مش مفيدة تفتحلها بوقك اوي ... وهوا فعلا بيعمل كدا ... والله بحاول معاه على اد ما اقدر .. والله المستعان
على فكرة انا فعلا خبيت الجزم من قدامه ... بقى يتجه مضطرا للجزم المش متوسخة واللي متلبستش اصلا فبقيت ساعات اسيبهاله عشان يسكت ...وشوية شوية هشيلها كمان النظيفة دي عشان يبطل العادة البشعة دي
تسلمي يا ام الحلوين على كلامك يا حبيبتي ...
وجزاكي الله خير ... وربنا يهديلك حلوينك وحلوينا جميعا يااارب اللهم امين