ساعدوني ... ابني هيجنني ....

[النفس المطمئنة]

ماشاء الله
الخوات كفوا ووفوا
لأنها فعلا مرحلة بيمر بيها أغلب الأطفال
أبنتي ماشاء الله عليها كانت عاملة زي الجدي الصحراوي
تاكل الورق والخيوط والمناديل الورق وياسلام لو لقت الفوم
وأحلى حاجة بقى لما كانت تمص الغسيل
وكنت على ما أخلص نشر الغسيل يكون نصه أتنشف
من مصها فيه قبل ما اشتري الأتوماتيك
واصعب حاجة بصراحة , كانت خيشة الحمام
أجارك الله
هي فترة وتعدي بس خلي بالك وخدي حذرك
وربنا يهديه إن شاء الله
تقبلي مروري

هههههههه ... حضرتك ضحكتيني والله ... وطمنتيني انها مرحلة ان شاء الله وربنا يعديها على خير ...
لأ انا الحمد لله مش بيعمل موضوع الهدوم دا زي بنوتك ربنا يحفظها ويحفظهم جميعا يااارب اللهم امين ... بس ممكن الاقيه بياكل بوردة النمل ... اي تراب على الارض مثلا ... حاجات غريبة والله ... مشاية الحمام فعلا ... يقلب السجادة ويلحس ظهرها بعمققققق ..
والله مش عايزة اقول لحضرتك اني جربت اشم بس ظهر السجادة على اساس اشوفها هيا ممتعة في ايه بالنسباله ..لقيت ريحتها خيط ومش حلوة خااالص ...
هنقول ايه بس غير ان ربنا يهديهم يااارب ويعينا عليهم يااارب اللهم امين
الف شكر لحضرتك وفعلا الامهات وفوا والله ...جزاكن الله خيرا كلكم

وطبعا حضرتك نورتيني بمداخلتك الظريفة

[النفس المطمئنة]

عزيزتي انا بتذكر لما كنت صغيرة برضوا كنت بعمل كدا وحتى لما كبرت عن سن ابنك شوية ما بطلت الحركة دي والله العظيم انا لسه متذكرة ومتذكرة كمان ان امي ربنا يخليها بقت تحطلي شطة سخنة على الشبشب من تحت لغاية ما بطلتها ونسيتها

اهلين بيكي عزيزتي ... الظاهر انك كنتي زي اولادنا ... الظاهر انها فترة في الاطفال جميعا ولو دورنا ممكن نكون احنا كمان كدا ...
...ربنا يخليلك امك يااارب
والف شكر ليكي حبيبتي

[النفس المطمئنة]

اختى فطست على نفسى من ا لضحك
انا كمان ابنى بيفعل كدا
الظاهر ان كل الاطفال عندهم عادات غريبة
انا مرة لقيت ابنى مدخل راسه جوة الغسالة والاتوماتيك وبيلحس فى الكوتش بتاعها
ناهيك عن الحيطان والخشب والزجاج
اى شىء ياتى تحت يده يلحسة ويمص فيه

اهلين حبيبتي ...هههههههه اااه فكرتيني والله بموضوع الغسالة دا ...والله كان بيعمل كدا برضو ... بس كان موضوع الجزم دا طلعني عن شعوري خلاص لاني كمان على طول قافلة باب الحمام فمش بيطول الغسالة الا لو فتحت الباب
وانا بحاول منولوش الموضوع دا ...
ربنا يهديلك ابنك ياقمر ...الظاهر ان كلنا في الهوا سوا ...ويارب يهديلي ابني ويهديلنا جميعا ابنائنا يااارب اللهم امين ... ويجعلهم بارين بينا وقرة اعيننا جميعا يااارب ياااارب اللهم امين
تسلمي ياقمر على مرورك الكريم

[النفس المطمئنة]

أسعدكم الله وحفظ أبنائكم
غاليتي /النفس المطمئنة
غاليتي /wbaby
غاليتي/omfatema
وكل من يدخل موضوعك
لكم مني كل التحية

حبيت اقول لحضرتك ان بجد الف شكر ليكي وجزاكي الله خيرا ..
وان ربنا يااارب يبارلك لحضرتك في ابنائك وفي ال بيتك كلهم يااارب اللهم امين

[dodokoto]

حبيبتى عارفة ان ردى عليكى متاخر بس حبيت اقولك معلومه الاطفال اللى بيلحسوا الشبشب دول عندهم نقص حديد فبيعوضوه من التراب اللى فى الجزم ابنى كان كده ووديته للدكتور كتبله حديد مركز ومن ساعتها بطل الحركة دى على طول

[قلبي الولهان]

الله يفرج كربتج فية
الخوات ماقصرووو ان شالله تستفيدى منهن

[rejena]

اختي ماتخفيش هي فتره وبتعدي كانت بنتي هيك بس لما صارت سنه وشويه تركت هدي العاده لوحدها انا كنت اعمل حاله استنفار بالبيت يعني كل من شلح الحذاء اوالشبشب فورا وجب عليه وضعه بخزانه الاحذيه اعزكم الله يعني ابدا ولاشبشب ولا حذاء كنت اتركه على الارض وخلاص بنوتاتي الاكبر من بنتي دي بعرفو اول مابوصلو للبيت يحملو صنادلهم بايديهن وفورا على الدولاب هههه
مافي خيار اخر لانو حتى لو لالبسنا شبشب البيت كانت تجري ورانا وتشلحنا اياه
فالاسلم انو نمشي من دون حذاء ههه لبين ماانتهت هدي العاده على خير وسلامه
الله يخليلك ياه وتشوفيه عريس يارب هم الصغار بدهم صبر

[وردة البنسفج]

ماشاء الله الأخوات ما قصرو عطوك المفيد أنشاء الله تنفع مع ولدك