-
-
انا ما سمعتش عن التطعيمات دى ومش عارفة ياترى مهمة ولا ايه؟تعليق
-
ربنا يخليكي بنت مصر....اسعدني حضورك جدااااااازيكم يا أمهات....
الموضوع روعة يا كوكى و اسفه على التأخير بس فعلا كنت - و مازلت - مشغولة لشوشتى
أنا عندى لستة دكاترة طويلة انما الأول هاحكيلكم عن د. أحمد البليدى....
لما ابنى كان عمره سنه و نص حبيت أغيرله الدكتور فسألت واحده صاحبتى قالتلى على البليدى انه ممتاز
المهم...رحت و أخدت الولد كشف check-up عادى ....يعنى الولد كان صاغ سليم و مش بيشتكى من أى حاجه,بس قلت أجرب الدكتور عشان لو الولد تعب,أوديهوله.....جميل؟؟؟ جميل...
خير اللهم اجعله خير...أدخل أوضة الكشف و الدكتور يكشف بطن ابنى و ألاقيه بيقولى : "انتى ازاى سايبه الولد كده؟؟؟؟حرام عليكى...هو مافيش أى دكاتره عمرهم شافوه؟؟؟؟؟؟؟؟؟"
طبعاً أنا ضربت لخمة و اتخضيت و سألته ليه بس؟؟؟؟قاللى :انتى مش شايفه رجليه؟؟؟ و ضلوعه؟؟؟ و عضمه؟؟؟ الولد عنده لين عظام شديد و لازم تلحقى تديله كالسيوم مكثف 3 مرات فى اليوم لمدة 3 شهور و بعدين نبقى نشوف ايه الوضع..........طبعاً أنا قلبى وقع فى رجليه و اترعبت و قلتله حاضر
المهم بأحكى لأخويا,دكتور باطنه, قاللى كان لازم يعمله أشعه و تحاليل قبل ما يقول لين عظام.
سألت واحد قريبنا دكتور عظام شاطر أوى ما شاء الله قاللى أعمله اشعه على الساق و تحليل دم....عملتهم طبعاً و وريتله النتيجه,قاللى الولد سليم و زى الفل و اللى عنده ده اسمه physiological rickets يعنى لين عظام فسيولوجى أو طبيعى و بييجى للأطفال أول ما يمشوا(أنا ابنى مشى متأخر) و بيروح بالوقت و مش محتاج أى أدوية!!!!!!!!!!!!!!
و فعلا وقفتله الكالسيوم اللى كان عمال يبلبعه ع الفاضى و الولد دلوقتى ما شاء الله عمره 5 سنين و كويس الحمدلله
هو ده الموقف..........ايه رأيكم بقى؟؟؟؟ فيه دكتور محترم يعمل كده؟؟؟؟
ربنا يسامحه....أنا كل ما أفتكر الخضه اللى خضهالى,أقول الله يسامحه
ربنا يسامح الدكاترة ...ساعات بيوقعوا قلب الواحد وفي الاخر يطلع مفيش حاجة ...حاجة تحرق الدم بصراحة
ياعيني عليكي ....تلاقي قلبك وجع في رجليكي اول ما سمعتي الدكتور قال كدة
يعني كان هيخسر ايه لو طلب تحاليل في الاول قبل ما يخضك بالشكل ده
المهم تكوني اتوفقتي في دكتور تاني كويس وفي انتظار خبرتك اللي انا شخصيا بستفيد منها كتيرتعليق
-
ازيك يا عبير
بالنسبة للتطعيمات انا طعمت زيك الجديري والهيموفلس بس ماطعمتش الروتا لانه بيتاخد في الاول خالص وانا مكنتش اعرف عنه وقتها
وكمان مهم جدااا تطعيم الحمي الشوكية والكبدي الوبائي A
وتقريبا الاسعار زي ما انتي قلتي كدة
اعتقد دول اهم التطعيمات لانهم منتشرين في مصر
وربنا يكفينا ويكفي اولادنا شر الامراضالتعديل الأخير تم بواسطة kouky5; 28-04-2009, 12:43 AM.تعليق
-
اخباركم اية ربنا يكفي اولادنا جميعا شر المرض و يحفظهم
بس يا ريت حد يعرفني موعدها في حاجة مثلا ف سن 5 /6 شهور
و جزاكم الله خيراتعليق
-
فعلا يا عبير كلامك مضبوط...........انا جيت الكويت بعد ما الولاد كملوا خمس شهور و طبعا كانوا خدوا فى مصر تطعيم شهرين و4 شهور و هنا رحت اطعمهم تطعيم 6 شهور و لقيتهم بيدوا التطعيمات الزيادة اللى انتى قلتى عليها دى وفعلا خدوا الهيموفليس والنيموكوكال وللاسف الروتا ضاع عليهم خلاص..........تعليق
-
توتة كمان ضاع عليها الروتا للاسف بس نعمل ايه جات متاهرة برضه
وفى مصر ولا دكتور من التسعه االى شافوها قالى عليهتعليق
-
جزاكى الله خير الجزاء حبيبتى الاميرة طماطمتعليق
-
انا بودي بناتي لدكتور اكتر من هايل وممتاز
اسمه محمد موفق التونسي
عيادته في مصطفى النحاس مدينة نصر وباذن الله ابقى اجيب العنوان والتليفون بالتفصيل
هو كويس جدا ومستمع ممتاز
وبيكتب الادوية في اضيق الحدود والمضادات الحيوية نااااااااااااااادرا اذا كان الموضع متأزم جدا
وسعره 30 جنيه بس
والاستشارة 10
هو على فكرة معظم القوت العيادة رايقة جدا
هيا صغيرة قوي
بس هو ربنا يباركله ممتازتعليق
-
بصوا ياحلوين
الكتور عنوانه بالتفصيل
اسمه محمد موفق التونسي
العنوان
14 ش الفريق ابراهيم من حسين هيكل
عباس العقاد ، مدينة نصر
التليفون:
22706637
012345710
(بصوا ياجماعة الروشتة دي قديمة شوية من تقريبا سنتين) بس باذن الله هو دة العنوان العيادة مكانها ما اتغيريش والميزة انه هو ساكن في نفس العمارة لو كلمتوه بينزل اي وقت
وربنا يشفي ولاد الجميع يااااااربتعليق
-
يا بنات اقروا الموضوع اللي بيتكلم عن انفلونزا الخنازير للاستفادة
http://www.lakii.com/vb/showthread.php?t=553168
ربنا يكفينا ويكفي ولادنا شر الامراضتعليق
تويت
تعليق