ملف عن اطباء الاطفال بمصر

[kouky5]

السلام عليكم ورحمة الله وبركاته

من بحثي في المنتدي وجدت ملف عن اطباء النساء والتوليد بمصر
فقلت ليه ما يبقاش عندنا

ملف لاطباء الاطفال بمصر

يعني لو كل واحدة متابعة عند دكتور اطفال كويس
تكتب اسمه وعنوانه بالتفصيل
واسعار الكشف والاستشارة
والمواعيد
وتكتب عن تجربتها مع الدكتور يعني شاطر في مهنته ولا لأ
بيكتب ادوية كتير
بيياخد ويعطي في الكلام ولا مستعجل
ممكن تساله في التليفون ولا لا
يعني حاجات زي كدة
المهم في النهاية نطلع بملف شامل عن اطباء الاطفال في مصر

لان دايما الامهات تروح لاكثر من دكتور اطفال
وعقبال ما تلاقي حد ترتاح معاه بتكون مشكلة
ولو احتاجت للضرورة دكتور في امر عاجل والدكتور اللي متابعة معاه مش موجود هتعمل ابه ؟

فاتمني من كل ام لها تجربة تضعها هنا ليستفيد الجميع

[ام سيف2007]

حبيبتى يسعدنى اكون اول رد
انا متابعة لابنى سيف مع د/عمرو مجاهد فى المعادى شارع مصر حلوان الزراعى
هو كويس بس بارد شويه وبيسيب الولد يعيط طول الكشف وسعره 60 جنيه مع الاستشاره
فلما ولدت عمر تابعت مع د/ايناس رافت برضه فى المعادى بجوار بنزايون هى ممتازه وحنينه جدا مع الاطفال بس غاليه الكشف 100 جنيه مع الاستشاره ولسه محتاره هستمر مع مين
ياريت الاخوات من مصر يفيدونا
وشكرا على الموضوع الرائع

[راجيه رضا ربي]

kouky5
فكره حلوه جدا تسلمي
انا بتابع مع د هشام الحفناوي في ارض الجولف قريب من شارع نبيل الوقاد ورا صيدليه الجولف بس هو اصلا متخصص في سكر وغدد للاطفال ربنا يعفينا ويعافي اولادنا بس ارتحت معاه الحمدد لله هو مش بيتكلم كتير بس بيدي الخلاصه اصل بيبقي عنده حالات اصعب

[راجيه رضا ربي]

اه السعر 80 جنيه بس هو تبع نقابه المهندسين مش عارفه نقابه ايه تاني لو حد عايز يعرف ممكن اسأل انا شكلي هروح له قريب منه عندها كحه جامده

[kouky5]

حبيبتى يسعدنى اكون اول رد
انا متابعة لابنى سيف مع د/عمرو مجاهد فى المعادى شارع مصر حلوان الزراعى
هو كويس بس بارد شويه وبيسيب الولد يعيط طول الكشف وسعره 60 جنيه مع الاستشاره
فلما ولدت عمر تابعت مع د/ايناس رافت برضه فى المعادى بجوار بنزايون هى ممتازه وحنينه جدا مع الاطفال بس غاليه الكشف 100 جنيه مع الاستشاره ولسه محتاره هستمر مع مين
ياريت الاخوات من مصر يفيدونا
وشكرا على الموضوع الرائع

بارك الله فيكي ام سيف ...ان شاء الله لو فيه حد من البنات من منطقة المعادي يفيدك ...انا عارفة ان البحث عن دكتور اطفال بتبقي دوخة وخصوصا ان الدكاترة كتير و الشاطر منهم بجد بيبقي قليل

اه السعر 80 جنيه بس هو تبع نقابه المهندسين مش عارفه نقابه ايه تاني لو حد عايز يعرف ممكن اسأل انا شكلي هروح له قريب منه عندها كحه جامده

بارك الله فيكي راجيه رضا ربي ....والف سلامة علي منة وربنا يشفيها

[kouky5]

لسكان مصر الجديدة

دكتور جمال سامي
هو استاذ بجامعة عين شمس
العيادة :شارع عمر بكير بجوار سور الكلية الحربية
الكشف 80 والاستشارة 20
الدكتور شاطر اووي وكويس
بس المشكلة ان عيادته معظم الوقت بتبقي زحمة اوي ....
بيشخص المرض كويس بس بيكتب ادوية كتير هي بتجيب نتيجة والحمد لله بس انا مبحبش الادوية الكتيرة.

في دكتور كمان اخويا بيتابع دايما لبناته عنده وبيشكر فيه جدا
د/محمد الشربيني في مستشفي كليوباترا
بس مشكلة العيادة هناك انها برضه زحمة اوي

[dinahahmed]

انا بتابع لاولادى مع دكتور عمرو مصطفى عبد الفتاح
عنوانه فى شارع التحير فى الدقى
هو دكتور فى مستشفى ابو الريش وهو صغير بس ممتاز
مواعيده كل يوم الساعة 7 ما عدا الخميس والجمعة وبرضه مشكلته ان العيادة بتبقى زحمة
كشفه 50

[dinahahmed]

و فى كمان دكتورة ممتازة جدا كنت بتابع عندها اسمها هالة حمزة
عيادتها فى شارع محى الدين ابو العز فى المهندسين
وكشفها 100

[kouky5]

اهلا بيكي يا دينا ...انا سعيدة اني بشوفك هنا
شكرا علي الافادة

[ahmedkimo82]

اولا الشفاء بيد الله سبحانه و تعالى
يا جماعه من الاخر و اجري على الله
الدكتور يسري عبده في شارع الميرغني قريب من كلية البنات و ابو شقره
الكشف 80 جنيه ، الناس بتجيله من اخر الدنيا ، و انا باروحله من حدائق الاهرام و اعرف ناس بتجيله من 6 اكتوبر

الغريب ان العياده بتاعته مش فخمه و تلاقي عنده امم امم

عنده قاعدة بينات بالمرضى و بيسجل على الكمبيوتر التاريخ المرضي و عمري ما رحتله مرتين على نفس الحاله حتى الاستشاره ما بيكونش ليها داعي.

طيب جدا و مهذب و بيرد على التليفون عادي جدا.
تليفون العياده 24186716
انا اسف مش هاقدر احط موبايله اعتقد دي حاجه شخصيه

[kouky5]

اولا الشفاء بيد الله سبحانه و تعالى
يا جماعه من الاخر و اجري على الله
الدكتور يسري عبده في شارع الميرغني قريب من كلية البنات و ابو شقره
الكشف 80 جنيه ، الناس بتجيله من اخر الدنيا ، و انا باروحله من حدائق الاهرام و اعرف ناس بتجيله من 6 اكتوبر

الغريب ان العياده بتاعته مش فخمه و تلاقي عنده امم امم

عنده قاعدة بينات بالمرضى و بيسجل على الكمبيوتر التاريخ المرضي و عمري ما رحتله مرتين على نفس الحاله حتى الاستشاره ما بيكونش ليها داعي.

طيب جدا و مهذب و بيرد على التليفون عادي جدا.
تليفون العياده 24186716
انا اسف مش هاقدر احط موبايله اعتقد دي حاجه شخصيه

بارك الله فيك... وجزاك خيرا علي الافادة

[أم جورى]

و فى كمان دكتورة ممتازة جدا كنت بتابع عندها اسمها هالة حمزة
عيادتها فى شارع محى الدين ابو العز فى المهندسين
وكشفها 100

دى دكتورة هايلة انا كمان متابعة معاها للولاد وكمان معاها اخوها فى نفس العيادة دكتور هشام حمزة تابعت معاه فى الحمل 3 مرات

[meroo2006]

السلام عليكم

انا تابعت فى الاول مع دكتور اسمه احمد البليدى فى مصر الجديدة - ميدان الاسماعيلية........ وهو استاذ فى القصر العينى وهو الصراحة شاطر جدا بس طبعا سريع جدا فى الكشف لان العيادة بتكون زحمة مووووووت والكشف ب80 جنيه وبميعاد بالتليفون وتيجى على ميعادك ب 100 جنيه والمستعجل 140 جنيه...............
بس مشكلته الانتظار الطووووووووووووووووويل فى العيادة لحد ما تدخلى يعنى كل مرة اروح كنت بستنى من ساعتين الى ساعتين ونصف لحد ما دورى ييجى........... ودى اكتر حاجة ضايقتنى الصراحة ومرة اضطريت اكشف مستعجل ودفعت 140 جنيه وبرضه دخلت بعد ثلث ساعة تقريبا.......

المهم بعدها زوجة اخويا قالت لى على دكتور شريف عبد العليم وهو برضه استاذ فى القصر العينى وعنده عيادتين,,,,,,واحدة فى المعادى الجديدة خلف المركز الاوليمبى وواحدة تانية فى الدقى والكشف ب70 جنيه وهو ممتاز الصراحة وصبور وهادى وبيرد على كل الاسئلة وعامل مطبوعات بالتطعيمات وببرنامج تغذية الطفل ابتداء من الشهر السادس و الدخول على طول يعنى انتظار نص ساعة فقط وبعدين تدخلى ......... وانا ارتحت جدا لما رحتله وندمت انى ما بداتش معاه من الاول ..............وحاليا انا فى الكويت مع زوجى وبدور على حد كويس هنا ............

[احلى ماما]

[

المهم بعدها زوجة اخويا قالت لى على دكتور شريف عبد العليم وهو برضه استاذ فى القصر العينى وعنده عيادتين,,,,,,واحدة فى المعادى الجديدة خلف المركز الاوليمبى وواحدة تانية فى الدقى والكشف ب70 جنيه وهو ممتاز الصراحة وصبور وهادى وبيرد على كل الاسئلة وعامل مطبوعات بالتطعيمات وببرنامج تغذية الطفل ابتداء من الشهر السادس و الدخول على طول يعنى انتظار نص ساعة فقط وبعدين تدخلى ......... وانا ارتحت جدا لما رحتله وندمت انى ما بداتش معاه من الاول ..............وحاليا انا فى الكويت مع زوجى وبدور على حد كويس هنا ............[/QUOTE]



مممكن رقم التليفون

[om belal]

انا متابعه مع الدكتور احمد حمدي الصراحه ممتاااز هو في المهندسيين في شارع جامعة الدو العربيه فوق العمده و لي كمان عياده في الهرم بس الصراحه مش عرفه مكانها ...و هو الكشف ب 80 و كمان بيسمع و ياخذ و يدي في الكلام انا الصراحه بحب الدكتره البيسمعه مش يكونه مستعجلين و يقوله ما قل و دل