الامهات بتلبسي اولادك ايه؟؟؟؟؟؟؟؟؟؟؟؟؟؟؟؟

تقليص
هذا الموضوع مغلق.
X
X
 
  • الوقت
  • عرض
إلغاء تحديد الكل
مشاركات جديدة
  • kouky5
    النجم الفضي
    • Oct 2006
    • 1354

    #166
    المشاركة الأصلية بواسطة الاميره الطيبه
    المحل يا جماعه في الشارع ال بعد مكرم عبيد علي طول للاسف مش عارفه اسم الشارع ومش مكتوب علي الشنطه لانه لسه فرع جديد والمحل اسمه شعبان والواجهه كلها عملها باللون الاحمر وهو لي 3 فروع
    في الدقي22 شارع التحرير - وفي شارع الهرم
    يارب اكون افدتكم
    شكرا لكي يا جميلة

    تعليق

    • om rooomy
      النجم البرونزي
      • Oct 2008
      • 686

      #167
      ده لبس مريومه ده طقم للبيت كان ب 35

      و ده طقم للخروج كان ب 130



      و ده كان طقم من الفابيت فى التصفيات البلوزه ب 30 و البنطلون 30

      و ده بادى يتلبس على الجينز ب 10 جنيه

      و ده كمان بعشرة جنيه

      و ده كمان بعشره جنيه

      تعليق

      • om rooomy
        النجم البرونزي
        • Oct 2008
        • 686

        #168
        وده من الفابيت فى التصفيات البلوزة ب 25 و الشورت ب 25

        وده بادى فى التصفيات ب 25 و الجيب ب 20

        وده من دانيال دى شاميرو فى التصفيات برده كان الطقم ب 55
        و ده طقم كان ب 30 بس حلو عليها

        و ده فستان للبيت او للشغل كان من بواقى التصدير ب 45

        تعليق

        • om rooomy
          النجم البرونزي
          • Oct 2008
          • 686

          #169
          و ده من الفابيت فى التصفيات ب 50

          و ده فستان بواقى تصدير كان ب 65

          و ده طقم للبيت كان ب 35

          غير اللىىىىىىى جايباه ب 7.5

          شويه حاجات برده بس كتير والله غير اللى عندها من السنه اللى فاتت بالبسها البيت و الخروج بتاع السنه اللى فاتت فى البيت لان هى جسمها ما زادش كتير عن الصيف اللى فات

          ايه رايكم فى الحاجات و الاسعار

          تعليق

          • ورده مصريه
            النجم الفضي
            • Mar 2007
            • 2180

            #170
            ما شاء الله الأطقم حلوه اوى ربنا يخليهالك يارب وتعيشى انتى وباباها وتجيبولها دايما ,,,,

            تعليق

            • i muslmah
              عضو نشيط
              • May 2007
              • 152

              #171
              السلام عليكم يا حلوين بجد انبسطت اوي من الموضوع ده

              اصل انا بتعب جدا عشان الاقي حاجة حلوة وفخمة وعليها القيمة والاهم سعرها معقول

              بصو بقى هاقولكم تجاربي
              اولا مع الداخلي بالترتيب كده
              baby club
              الصياد
              لكن بصراحة الفرق بينهم من حيث الجودة بسيط جدا مجرد ان baby club انعم من الصياد لكن لفرق في السعر مبالغ فيه
              نيللي
              جونيور
              بيبي فاني
              اما الداخلي بتاع لفلي فده مش ظريف خالص خالص لا انصح به ابدا
              واذا كان على الاشكال فالصياد بينزل داخلي بواقي تصدير احلى منه جدا واغلى بـ 1او2ج
              لانه مش بيستحمل يادوب لو استحمل اول بيبي بس



              اما بيجامات البيت
              فطريقتي :
              اشتري 1او 2 من حاجة نظيفة زي الصياد
              ودي بتبقى مش اقل من 30 ج
              او نيللي فيي التخفيض او توتكس في التخفيض
              بتبقى في حدود ال20
              و2 كمان من بواقي التصدير
              في حدود 10ج
              وبس

              اما الخروج
              بجد تعبت اوي عشان الاقي حاجة جميلة وشيك وسعرها كويس
              في الآخر لقيت انه الحل هو التخفيضات يعني اجيب للسنة الجاية
              بس الموضوع عايز اول ما تبدأ تنزلي تاخدي لفة ولما تبقى في الاخر انزليي برضه خدي لفه
              قسمت الحاجة اني اشتري 1فستان جميل وفخم وكمان 1طقم فخم برضه
              و1بنطلون جينز مش شرط غالي ابدا
              وعليه 2 او 3 تيشرت او قميص مش غالي يعني بالكثير 40ج
              وبكده اكون مسكت نفسي اني اشتري كل اللي يعجبني

              بالنسبة للماركات طبعا في الماركات المستوردة زي مذركير وبنيتون وشيكو وغيرهم
              ودي استحالة اشتري منها مع العلم ان عائلة زوجي كلهم بيشتروا منها
              لكن فيه الماركات المصرية الشيك اوي اللي تغنيني وبسعر اقل
              واحلى ماركة عجبتني بسعرها وذوقها وخامتها هي فينتي بس في التخفيضات
              اشتريت فستان بـ70 كان بـ130 والله ذوقه احلى من فستان بنيتون الي حماتي كانت جابته
              واشتريت طقم بلوفر وبنطلون بـ80 بدل من 170 تقريبا
              وفيه جنة حاجاتها جميلة بس في السيل
              وفيه جاكاي برضه جميلة بس احيانا بتبقى غالية
              وفيه دانيال دي شارميه
              وفيه الفا بيت
              وفيه بيبي كوكا
              وفيهBaby club
              وال3 الاخيرة تعتبر حاجات جميلة بس مش فخمة اوي
              وع فكرة ممكن تلقطيلك حاجة كده من محل وتطلع حلوة جدا
              زي مرة لقطت فستان بـ 80 ج كان قمة في الروعة وكل اللي شافه بهر بيه
              ومرة لقطت فستان بـ 50 ج استحالة تديلله اقل من 100


              نصيحة بجد اوعي تكتري من ملابس الاطفال
              والله فيه حاجات جديدة ماتلبستش وصغرت عليهم وحاجات مرة واحدة وصغرت بجد حرام والله
              انا حسيت اني ضيعت مال كثير على الشراء
              لو كنت انفقته في سبيل الله او ادخرته او اشريت به ذهب لكان اولى

              المشكلة اننا بنفرح باول طفل فنفضل نشتري من اغلى حااجة وكثير جدا
              وبعدين الطفل ده لما يكبر مش هيقولك شكرا يا ماما انك لبستيني لبسة ماركة وانا صغير وياليت هيلحق يلبسه
              لا لما يكبر هتحتاجي تشتري حاجة ماركة عشان تعيش معاه ع اساس انه المقاس مش هيتغير

              ولو كان ولد هيقولك عايز شقة وعربية ومهر وشبكة وعروسة
              ولو بنت هتبقى عايزة تجهز نفسها باحسن حاجة
              ونندم حين لا ينفع الندم

              تعليق

              • ورده مصريه
                النجم الفضي
                • Mar 2007
                • 2180

                #172
                مسلمه انا بشكرك على المعلومات دى كلها افدتينى كتير وانا معاكى فى موضوع بلاش اشترى كتير للطفل لأن فعلا الحاجات مش كلها بتتلبس وكمان مش لازم اجيب غالى
                اخو جوزى بيجيب ماركات لبنته بالشئ الفلانى ولما بس بيشوف فستان تمنه 50 جنيه على بنتى بينبهر بيه ويفضل يسأل منين وفين ؟؟ ساعات الحاجه البسيطه فى تمنها من شياكتها بتدى تمن اكبر فعلا ..

                تعليق

                • logee 33
                  النجم البرونزي
                  • May 2008
                  • 752

                  #173
                  المشاركة الأصلية بواسطة الاميره الطيبه
                  لوجي واضح انك ليكي خبره في المصانع بتاعه العاشر من رمضان. انا كان نفسي من زمان انزل اشوفها
                  قوليلي العنوان بالظبط اروح فين ؟ هي في المنطقه الصناعيه صح؟ طيب المنطقه الصناعيه رقم كام واروح اسئل علي محلات ايه بالنسبه للاطفال.

                  مروه تجنن الحاجات الي انتي اشترتيها عجباني كلها انتي لقطه يا بنتي ايه رايك لو تعملي اوبن داي في القاهره وتجبلنا كل الحاجات الحلوه دي معاكي وانا اوعدك انك هترجعي من غيرها ههههههههههههههه
                  قوليلي كمان انا لو نزلت بورسعيد ايه المكان الي فيه اكتر تجمع للمحلات دي؟

                  ربنا يوفقكم يا جماعه موضوع حلو اوي

                  حبيبتي أنا الحمد لله ليا خبره مش كبيره اوي
                  بس انا عشان غاويه شوبيج وبموت في الشراء اخذت الخبره دي اكثر من اهلها
                  انا اتجوزت في العاشر من رمضان
                  واتاخرت في الحمل فكنت فاضيه اقوي
                  فقعدت اكتشف الاماكن وافييد عائلتي"قصة حياتي"

                  المهم
                  المحلات مش في المنطقه الصناعيه ولا حاجه
                  المنطقه الصناعيه اليل برا على الطريق
                  فيها
                  كونكريت طبعا رجالي وفيه اطفال بس يبدأ من سنتين
                  وفيه جنبه بالضبط براندز اغلبه رجالي وفيه قسم حريمي مش حلو يعني حاجات تقليديه بناطييل ساده قماش او بلوزات موديلات قديمه ده راتيي الشخصي
                  وفيه قسم اطفال بس برضه اخره لبس يتلبس في البيت يعني مش الشياكه بس ممكن ينفع لو عاوزه بنطلون ساده جينيز لولد مثلا
                  وبعدين فيه بقى الشركه السويسريه جي لاروش رجالي
                  وكام مصنع لرجالي برضه

                  لكن بره بقى وانيت جايه من القاهره هتعدي على بيتزا هت وكنتاكي على طريق مصر الاسماعليه قبل ما توصلي العاشر بحاجه بسيطه
                  هناك فيه ويف وفيه اطفال بس ابتداء من سنتين
                  وسيفتني كوتون رجالي
                  ومحل رحالي تاني مش فاكره اسمه
                  وجيل بتاع الملابس الداخليه
                  وفيه الناحيه اللي جنبه برضه فابيلس اللي له فروع في اماكن كثيير
                  وهو حريمي واطفال
                  وكونفيتي
                  ولويس
                  كل دول استوكات وجنب بعض
                  بس في غير التنزيلات فيه خصم 25% وفي التنزيلات الاسعار في الارض
                  بس فيه حاجه كويسه ان الحاجه الدرجه التانيه او ديفوه مكتوب عليها يعني مش هتتخمي ولا حاجه

                  داليدرس بقى جوه العاشر
                  ده تحفه
                  الاسعار فيه لا تصدق
                  هو ورا النساجون الشرقيون بوسط العاشر

                  وفيه موول عرفه اللي مروه قالت عليه حلو برضه فيه ماركات كثييره
                  جي بي وفينما وادايدياس ولويس وكثير

                  وعلى فكره في بقى في العاشر منافذ بيع لمصانع كثيير
                  اكتشفتها قرب ولادتي لما احتجت ملابس بيت بكثره

                  واي خدمه
                  ولو جيتي ممكن تكلميني اساعدك

                  تعليق

                  • om rooomy
                    النجم البرونزي
                    • Oct 2008
                    • 686

                    #174
                    المشاركة الأصلية بواسطة ورده مصريه
                    ما شاء الله الأطقم حلوه اوى ربنا يخليهالك يارب وتعيشى انتى وباباها وتجيبولها دايما ,,,,
                    ربنا يكرمك كلك زوق
                    و يارب يتقبل دعائك و يخليلك قمورتك و تفرحى بيها

                    تعليق

                    • om rooomy
                      النجم البرونزي
                      • Oct 2008
                      • 686

                      #175
                      انا زعلانه منكم
                      طب لو حاجه مريم وحشه قولولى وحشه مش محدش يعبرنى غير ورده مصريه

                      تعليق

                      • ام سيف2007
                        كبار الشخصيات
                        • Oct 2007
                        • 8252

                        #176
                        ام روومى متزعليش الحاجات والله جميلة جدا ومبروك عليها



                        الرجاء الرد من الاخوات فقط

                        تعليق

                        • الاميره الطيبه
                          عضو نشيط
                          • Nov 2007
                          • 355

                          #177
                          شكرا يا لوجي بس معلش سؤال كمان انا ابني لسه 9 شهور ايه المحلات الي تنصحيني انزلها في العاشر ومغطيه السن ده؟
                          وكمان بتقولي داليدرس اسعاره في الارض ده علي طول ؟ وبتبقي اد ايه تقريبا بالنسبه لبره ؟ ولا في فتره التخفيضات بس؟ وفتره التخفيضات بتبقي امتي ؟

                          معلش بقي بس علشان الكل يستفيد ونيجي نزحملكم العاشر شويه هههههههههههههه

                          تعليق

                          • logee 33
                            النجم البرونزي
                            • May 2008
                            • 752

                            #178
                            المشاركة الأصلية بواسطة الاميره الطيبه
                            شكرا يا لوجي بس معلش سؤال كمان انا ابني لسه 9 شهور ايه المحلات الي تنصحيني انزلها في العاشر ومغطيه السن ده؟
                            وكمان بتقولي داليدرس اسعاره في الارض ده علي طول ؟ وبتبقي اد ايه تقريبا بالنسبه لبره ؟ ولا في فتره التخفيضات بس؟ وفتره التخفيضات بتبقي امتي ؟

                            معلش بقي بس علشان الكل يستفيد ونيجي نزحملكم العاشر شويه هههههههههههههه
                            ام رومي ملابس مريومه روعه ربنا يخليهالك يارب وتشوفييها عروسه


                            الاميره الطيبه 9 شهور يبقى كونفيتي وتروحي مول عرفه في قسم اطفال والصياد للداخلي وملابس البيت

                            داليدرس اسعاره طبعا حلوه جدا في الا وقات العاديه والتنزيلات بقى بتبقى في الارض فعلا

                            يعني بدله ب999 تبقى 200 والتونيك ب480 يبقى 125 كده وعندهم حاجات درجه تانيه اسعارها تحفه وده مش عيوب لكن الزرار الواقع ده عيب والفتله اللي ممكن تتقص بالمقص عيب حاجات تافهه وكل شئ مكتوب عليه ايه عيبه بالتفصييل
                            فعلا عندهم اسعار حلوه وحاجة داليدرس معروفه
                            ده خلاني مستحييل اشتري من اي فرع في اي مول بره العاشر لاني عارفه انه مسيريه يجي العاشر اقل من النص
                            والتنزيلات في فن=ترة التنزيلات العاديه لكل المحلات الصيفي والشتوي
                            اهلا وسهلا بكي واي استفسار انا تحت امرك

                            عايزه اقولك على حاجه لو جيتي العاشر ان شاء الله اكثر المستفييدين جوزك لان هنا الرجالي كثيير جدا واسعار لاتصدق ..قمصان,,بنطلونات..بدل...

                            اهلا وسهلا بكي

                            تعليق

                            • ام بودى555
                              النجم البرونزي
                              • Apr 2007
                              • 581

                              #179
                              ماشاء الله تبارك الله لبس بنوتك شيك جميل ورقيق يارب تعيشى وتجبيلها يارب وربنا يحفظهالك من كل شر يارب عقبال ما تجبلها حاجات الفرح يارب




                              لوجى ازيك يا حبيبتى انا ام بودى من منتدى الفراشه اخبارك ايه يا قمره وازاى بنوتك ربنا يحفظهالك يااااااااااااااااارب

                              تعليق

                              • ملك المالكى
                                النجم الذهبي
                                • Feb 2007
                                • 5248

                                #180
                                مروة ماشاءالله حاجات ولادك تحفة
                                انتو تشعبتو اوووى وطورتو الموضوع وبقى بالصور
                                مش تقولو طيب عشان اجى اتفرج هههههه

                                تعليق

                                يعمل...