الامهات بتلبسي اولادك ايه؟؟؟؟؟؟؟؟؟؟؟؟؟؟؟؟

[mano_YHIEA]

حبيباتي عايزه اعرف ماركات الملابس الكويسه هنا في مصر
يعني احسن خامات اقطان احسن لبس خروج
يلا كل واحده تبص في لبس ولادها وتقولنا يلا؟؟؟؟؟

[azmiralda000]

شوفى الموضوع ده و ان شاء الله يفيدك جدااااااا بس ابقى ادعيلى

http://www.lakii.com/vb/showthread.php?t=379287

http://www.lakii.com/vb/showthread.php?t=397556

[mano_YHIEA]

تسلمي يا حبيبتي بس انا عايزه اعرف الماركات مش المحلات
من خلا ل تجاربكم يعني بعد الغسيل اسعارها ازواقها للاطفال من سن يوم الي 12 سن مش للبيبي بس

[weza2000]

اختى العزيزة موضوعك طيب ومفيد باذن الله انا عندى ولدين عمرهم4و6 سنوات باشتريلهم ملابس الاقطان من ماركة بيبى جونيور سعرها معقول وجودتها عالية مش بتكش ولا بتورب ولا توسع ولا توبر وناعمة جدا صراحة ما جربتش غيرها هى عجبانى وباجيب منها اطقم كاملة
وبالنسبة للبس الخروج مافيش ماركات محددة انا باشوف الخامة والجودة ومش مشكلة تكون ماركة مشهورة يا ريت اكون افدتك وتقبلى مرورى

[mano_YHIEA]

اختى العزيزة موضوعك طيب ومفيد باذن الله انا عندى ولدين عمرهم4و6 سنوات باشتريلهم ملابس الاقطان من ماركة بيبى جونيور سعرها معقول وجودتها عالية مش بتكش ولا بتورب ولا توسع ولا توبر وناعمة جدا صراحة ما جربتش غيرها هى عجبانى وباجيب منها اطقم كاملة
وبالنسبة للبس الخروج مافيش ماركات محددة انا باشوف الخامة والجودة ومش مشكلة تكون ماركة مشهورة يا ريت اكون افدتك وتقبلى مرورى

اهلا وسهلا بيكي معانا تسلمي ربنا يخليلكي

[ام حزم]

للملابس الدخليه بيبي جنيور بجد جميله الخروج مفيش ماركه محدده

[ام بودى و رومة]

الملابس الداخليه كاتكس ممتازه والخارجيه ممكن مكس اوحسب ما يعحبنى الموديل

[azmiralda000]

ماركة الصياد حلوة جدااااااااا فى الاقطان

[mano_YHIEA]

تسلموا يا بنات بس انا عايزه اسالكم في ماركه سوري راقيه جدا اسمها لادي تحفه بجد هي سعرها غالي شويه انما ممتازه في الاقطان الداخليه والسلوبيتلت لسن البيبي بجد مفيش زيها مصري

[mano_YHIEA]

دي صوره لاحدي المنتجات للادي

[kokosh]

انا بشترى ماركه بابيون دى قطن 100% ولا بتوبر ولا بتوسع وناعمه جدا اما الخروج اى ماركه المهم الموديل اللى يعجبنى

[ملك المالكى]

انا جبت لبنتى شوية فانلات من ستوك تبع شارمين " المشهور بتاع الشرابات ده"
بس تحفة وكانت سعرها حلو كمان
بس بجد قطن تقيل وناعم واشكال روعه

[مروة ابراهيم]

الداخلى الصياد و بيبى كير حلويين جدا و البيجامات فيه المنى و الامانى جلوه و بتعيش و فيه جوكى و دى قطن و اسعارها حلوه و ارابيلا برضه حلوه و للخروج اى حاجه بس فيه محلات كونفيتى بتبيع ماركه كونفيتى و دانيال دى شاماريه و الفابيت و باسبورت و دى موديلات ايطالى و فرنسى و صناعه مصرى و اسعارها حلوه و فيه شيكو و ماذر كير برضه بقوا مصرى بس اسعارهم عاليه

[mano_YHIEA]

شكرا بس انا بسمع ان كونفيتي قفلت في مصر وبقت الف باء بس حاجاتهم خاماتها مش قد كده بس باسبورت حلوه

[ام مريم84]

انا بلبس بنوتي الصياد وقطونيل هو ده إلانا فكراه لأني بقص التكيت علي طول

علشان ميجرحش بشرتها