ولدي لم يمشي ؟؟

[om s30d-kuwait]

السلام عليكم طمنو قلبي الله يطمنكم..
ولدي عمره سنه و 4 شهور و لم يمشي لغاية الآن هل هذا طبيعي ؟؟ اهو حبى عندما كمل السنه و للعلم هو ولاده مبكره آخر الثامن .

[ward_84]

ماعندي فكرة بس حاولي تعرضيه على دكتور اطفال ..
وان شاء الله يكون خير

[- بنت الأحرار -]

عااااااااااااااااادي جدا حبيبتي
بس للإطمئنان أكثر
إحرصي على تعرض إبنك للشمس يوميا

موفقه

[- بنت الأحرار -]

انتي كنتي تعرضيه للشمس كثير
؟؟؟؟؟؟؟
وهل اعطتيه قيتامينD????????

[wbaby]

ممكن يكون طبيعي لكن عندي لك سؤال هوه طلع اسنان وكم سن ؟.لان الاسنان لو طلعت قبل المشي تاخر المشي لكن نصيحتي تاخديه لدكتور ويفحصه ويطمنك ان شاء الله وطمنينا

[om s30d-kuwait]

عااااااااااااااااادي جدا حبيبتي
بس للإطمئنان أكثر
إحرصي على تعرض إبنك للشمس يوميا

موفقه

اهو يخطي و يطيح بس لآن كل الي بعمره مشوا .. ما اقدر الكويت غبار في غبار الله يعينه بس

[om s30d-kuwait]

ممكن يكون طبيعي لكن عندي لك سؤال هوه طلع اسنان وكم سن ؟.لان الاسنان لو طلعت قبل المشي تاخر المشي لكن نصيحتي تاخديه لدكتور ويفحصه ويطمنك ان شاء الله وطمنينا

عنده بس 5 .. 2 فوق و 3 تحت .. المشكله الدكاتره بالمستوصف الحكومي ما منهم فايده و الخاص صراحه مكلف الا لضروره اروح انا ما عندي مانع بس ابوه رافض الخاص

[mano83]

يمكن تكونون طول الوقت شايلينه عشان كذا يكون دلوع شوي ويتغلى ما يبغى يمشي ..

انا بنت اختي كذا مره مدلعينها وما مشت الا عالسنة ونص ..

[om s30d-kuwait]

يمكن تكونون طول الوقت شايلينه عشان كذا يكون دلوع شوي ويتغلى ما يبغى يمشي ..

انا بنت اختي كذا مره مدلعينها وما مشت الا عالسنة ونص ..

بهالكلمه صدقتي مليون بالميه لأنه امقطع الدلع خدامته ما كانت تخليه عالأرض و الحيييييييين سافرت وانا كليتها

[شخبط شخبيط]

عرضيه الصبح للشمس
وفيتامين c
وده طبيعى فى فروق بين الاطفال وللاطمنان اعرضيه على طبيب اطفال

[sarah b]

أختي لا تقلقي الأطفال قدرات ما تقارني إبنك بأحد
أنت حاولي تمشيه وهو شوية حيتعلم من نفسه والبنات أفادوك موفقة أختي

[tmother]

لا تخــــافى

لا تقلقى اختى فابنى مشى فى سن سنه وثمانيه شهور وكنت قلقه جدا والاطباء قالولى تقلقى سن سنتين ليس قبل ذلك فالاطفال قدرات مختلفه

[om s30d-kuwait]

لا تقلقى اختى فابنى مشى فى سن سنه وثمانيه شهور وكنت قلقه جدا والاطباء قالولى تقلقى سن سنتين ليس قبل ذلك فالاطفال قدرات مختلفه

يا ختي سنه و ثمانية اشهر فتره جدا طويله ؟؟؟ ما عرفتي شنو الاسباب ؟؟

[أم ماجد..]

عزيزتي أم سعود ..
الموضوع طبيعي ولا تخافي ، ومادام ولدك يقوم ويخطي يعني مافيه إلا العافية إن شاءالله
وأنا بنتي الصغيرة مامشت إلا بعد سنة وأربعة أشهر ...ومثل ولدك حبت على السنة .
مافي ولدك إلا العافية لاتقلقي عيوني وربي يحفظه ويبارك فيه ...

[من الماضي]

طالما يحبي ويخطي فلاتقلقي مسألة وقت بس
وتشوفيه يمشي إن شاء الله