مدارس مدارس............الجزء الرابع

[زقزوقة و زقزوق]

معاكي حق

شوفى يا زقازيقو....

البنت قبل ما تدخل لفيت على مدارس كتير وسمعت كلام كتير ووعود اكتر وزى العبيطة صدقت علشان كدة بقول لازم ناخد المعلومة من حد مجرب المدرسة فعلا مش من اصحابها

بالنسبة لمدرسة بنتى لفت نظرى فيها
اول حاجة انها بتدرس 3 لغات من اول Kg1 الانجليزى (لغات) والفرنسى والالمانى اورال لمرحلة Kg وريتن من ابتدائى والثلاث لغات مستمرين لغاية ثانوى
ثانيا فيه كاميرات منتشرة فى المدرسة والفصول وموصلة عى الانترنت وبكدة اقدر اشوف بنتى فى اى وقت واطمن عليها من خلال الموقع بتاع المدرسة ودى كانت اكتر حاجة شدانى لانها اول مرة تبعد عنى
ثالثا قالولى ان فيه محفظ قرأن من الازهر بيجى مرتين فى الاسبوع علشان تحفيظ القرأن للاطفال

ولما كنت قلقانه من بعد المدرسه وانى صعب اجى اطمن عى البنت صاحب المدرسة طمنى جدا وقالى ممكن اجى مع البنت فى الباص فى اى وقت واقعد معاها طول النهار وارجع معاها

وطبعا كل دة محصلش

اول حاجة اكتشفت ان حصص اللغة التانية مقسومة بين الفرنسى والالمانى يعنى البنت تبقى نص نص فى دة ودة وطبعا دة مستمر على طول دة غير انهم مش مهتمين باللغة الثانية اصلا.....

ثانيا بالنسبة للكاميرات ماشتغلتش وكل ما نسأل عنها يقولةان فى مشاكل فى الdsl وكلها 10 ايام وتتحل والكلام دة بقالة 6شهور لغاية ما بطلنا نسأل

ثالثا لاشوفنا محفظ قرأن ولا حتى البنت حفظت سورة واحدة حتى على ايد مدرسة الدين ولما روحت اسأل اتضح ان مدرسة الدين بتديهم السورة (معرفش ازاى) وبعدين المفروض انا الى اقعد احفظها فى البيت.. ودة حتى من غير ما تقولى فى المتابعة
اما بالنسبة الكارسة الى اسمها باص المدرسة فهو بالعافية واخد الاطفال مكربسين ومزنوقين دة غير انه كتير بيتأخر

اما بالنسبة للمستوى التعليمى فهو عادى .. لا هو وحش ولا متميز لكن المدرسة الترم الى فات كانت كل شوية تغيب من غير رابط والعيال بيضيع عليهم اليوم قعاد فى الجنينه وبعدين الترم دة غيروها بمدرسة كويسة اما مدرسة الانجليزى فماشية على مهلها وبعدين تيجى على اخر التيرم تكربس الدنيا فى اسبوعين وكتاب اللغات تقريبا انا الى بشرحه

اما بالنسبة للمصاريف فهى حوالى 3000 جنية والحقيقة مانصحش حد بالمدرسة دى وان شاء الله اغيرها السنة الجاية

جزاك الله خيرا على كل اللي قولتيه ، على فكرة أنا أسمع عن مدارس آل عثمان انها مش كويسة بس ما كنتش عارفة ليه
و ربنا يوفقك في اختيار مدرسة تانية تكون أحسن لبنتك
و تابعينا على طول ، أدينا بنحاول نساعد بعض
و ربنا يوفقنا جميعا

[الاميرة طماطم]

و ماتنسيش تسألي هيقفلوا باب التقديم امتى ؟ عشان ألحق اذا استقريت ان شاء الله

متصدقيش يا زقزوقة ان فى مدرسة بتقفل باب التقديم دى فلوس جايلهم يعنى مش حيرفضوها .. هم بس بيقولوا كدة علشان الناس تقلق وتسرع .. ودة كلام من مديرة مدرسة كنت قابلتها وانا بدور على المدارس
وفعلا انا اعرف واحدة دخلت ابنها المدرسة بعد ما الدراسة ما بدأت فعلا...

[abeerbebo]

ازيك انتي يا عبير وحشتيني

هي المصرية فاتحة يوم السبت عشان التقديم ؟
أنا أن شاء الله هحاول أروح عشان أقابلك ، و نتعرف أكتر على بعض
و اذا ما قدرتش أروح ياريت تسألي انت على كل التفاصيل ، و لما ترجعي تقوليلنا انت عملتي ايه
و ماتنسيش تسألي هيقفلوا باب التقديم امتى ؟ عشان ألحق اذا استقريت ان شاء الله

زقزوقة انتى وحشتينى كتير
هى فاتحة السبت واصلا اى حد عايز ياخد جولة فى المدرسة لازم السبت مش فى اى يوم تانى يعنى لو عايزة تشوفيها الحقى بكرة عشان تلحئى تقررى وانا رايحة بكرة ان شاء الله لو حتروى قولى
او ضفينى على الفيس بوك عشان ابعتلك تليفونى ونتفق نشوف بعض

abeerroushdy@hotmail.com
دا ايميلى ضفينى من خلاله
واى ام طبعا عايزة تضفينى مافيش مشكلة تشرفنى طبعا

باى يا جميلة

[الاميرة طماطم]

على فكرة يا جماعة لسه فى 3 مدارس ما قطعناش فى فروتهم...
مدارس النيل مودرن وسقارة و دار الهدى للغات

انا كنت روحت مدرسة النيل مودرن السنه الى فاتت وعجبتنى واتكلمت مع مديرة الكى جى وكانت ست لطيفة جدا وحسيت دلوقتى انها ما ضحكتش على لما قالتلى انهم مش بحفظوا قرأن لكن بيركزوا على العادات والاخلاق السليمة ..وكنت مقتنعة بيها لكن النصيب بقى
اما سقارة انا اسمع انها سمعتها كويسة لكن ماعرفش عنها حاجة
دار الهدى سمعت كلام متناقض

ياريت حد يعرف يجيب لنا حاجة عنهم...

بالنسبه لى كنت اقتنعت تماما بمحرم الاسلامية خصوصا لانها قريبة منى لانى ساكنة فى اخر الهرم و بعد ما قابلت بالصدفة واحدة فى النادى اولادها هناك وقالتلى عليها كلام كويس تعليميا وكمان دينيا وان المدرسة على طول بتابع معاها مستوى البنت وان البنت بتيجى من المدرسة حافظة سورة القرأن و مجوداها كمان وانهم بيفصلوا البنات عن الولاد من ابتدائى... وبعدين روحت بنفسى المدرسة وعرفت انها بتدى منهج برايت ستار وده منهج كويس وقوى ولما سألت عدد من الامهات هناك قالولى انها كويسة .. وان فعلا البنات بيجوا حافظين القرأن من المدرسة
وبعدين كلمت اكتر من بنت فى اعدادى كانوا خارجين من المدرسة وكانوا مبسوطين منها..

لكن قررت اعيد نظر لما اتكلمتم عن كثافة الفصول .... يا ترى المعلومة دى دقيقة

[أم جورى]

بصوا يا جماعة بالنسبة لدار الهدى انا قلتلكم قبل كدة انها مدرسة كويسة جدا لان اعرف ناس مدخلين ولادهم فيها وكمان صاحبتى تعرف تيتشر بيدرسوا هناك المدرسة هايلة وعلشان كدة باب التقديم اتقفل خلاص لغاية سنة رابعة والكلام ده من شهر فات

لكن فى نصيحة مهمة عاوزة اقولكم عليها ويا ريت فعلا تهتموا بيها

انا لمل جيت اقدم لبنتى فى كى جى من 4 سنين طبعا لفيت مدارس كتير جدا بس مدارس خاصة مش لغات

اول سنة ليها راحت مدرسة الاورمان اللى فى شارع زغلول بس خاصة زى ما قلتلكم
المدرسة كانت كويسة بصراحة وكانت حافظة قران واذكار كتير جدا
وفازت فى المسابقة الدينية اللى المدرسة كانت عاملاها

بس كثافة افصول كانت عالية جدا والباص بتاعها كان وحش اوى عبارة عن ميكروباص والولاد على بعضهم طبعا
قلت انقلها مدرسة تانية وبرضه لفيت ودورت ونقلتها مدارس حسام الدين الخاصة اللى فى شارع العشرين
ساعتها رحت قابلت المندوه الحسينى صاحب المدرسة وطبعا عملى البحر طحينة وان بنتى هتزود الكثافة وزود عليا المصروفات وقاللى لازم تحضر نادى صيفى وبعد كده تدخل على اولى ابتدائى
وطبعا ماكانش عندى خبرة وفعلا حضرت السامر كورس وبصراحة افادها كتير
وطبعا بعد النادى الصيفى دخلت المدرسة اولى ابتدائى ركزوا معايا

يعنى دخلت كى جى 1 وبعدين نادى صيفى وبعدين اولى ابتدائى يعنى مفيش اجازة
قعدت التيرم الاول واكتشفت بلاوى فى المدرسة
كثافة الفصل 45
البنت كانت بتيجى من المدرسة مشترية حاجات غريبة محفظة وتوك وحاجات كدةولما سألتها منين الحاجات دى قالت ان فى حوش المدرسة سلك وبرة المدرسة ناس بتبيع حاجات والولاد بيشتروا من خلال السلك ده يا حلاوة يعنى مفيش كنترول
يعنى لو حد باعلهم ايه ولا حد هنا

وهنا فكرت وقلت انا لازم ادخلها مدرسة كويسة وساعتها كانت جارتى مدخلة بنتها فى جينيس كانت المدرسة وقتها جديدة وعاملة سمعة حلوة اوى
فقررت ان ادخلها لغات بس كى جى 2 مش برى 1 علشان تحصيلها يبقى كويس
وتبقى متماشية مع زمايلها فى اللغات والبنت فعلا كان مستواها هايل
والتيتشر ما كانوش مصدقين انها كانت فى مدرسة خاصة
وتحصيلها كان حلو اوى
طبعا كتير قالولى حرام ضيعتى عليها سنة وده كلام انا مش مقتنعة بيه خالص
يعنى ايه ضيعت عليها سنة ايه اللى يحصل لما تبقى كبيرة سنة هتفرق فى ايه
اللى بجد هيفرق هو تحصيلها الدراسى هيبقى احسن وهتستوعب اكتر
وانا كمان ابنى السنة دى فى كى جى 2 وهخليه يعيدها تانى السنة الجاية
لأنى عارفة المناهج عاملة ازاى
ما تفرحوش ان الولد او البنت صغيرين سنة بجد فى مستوى المناهج بتاع دلوقتى السنة دى هتفرق معاه ومع استيعابه كتير جدا
طولت عليكم بس حبيت انقلكم تجربتى يمكن حد يستفاد منها

[Jasy]

[quote=marwa81;7962176]مشكورة جاسى
كنت عاوزة اسالك هل المدرسات اللى فيها مستواهم عالى
وهل بيعلموا الاولاد قرءان ولغات
ومواعيدهم من كام وال 3 ايام اللى الطفل بيقضيهم فى الاول بيخدوا منك كام فى اليوم
والاكل بتاعهم انتى ضمناه ولا لحوم مستورده لانى لا افضل الاكل بره البيت او فى مكان مش عارفه مدى نظافته فاتنى اكيد مجربه وعارفه ياقمر ياريت تقوليلى لان الحضانه دى مناسبه ليه خصوصا انها قدام الجيم بتاعى اللى هقدم فيه[/quot

بصى صا جميل اللى انا فاكراه ان الشهر كان ب600 ونصف الشهر ب400 والمكان كان نظيف و الاكل معقول انا دقته بنفسى و كان كويس طبعا مش عارفه اللحمة كانت مستورده والا ايه بس هما كانوا بيجيبوا حاجتهم من سوبر ماركت مترو او واحد ورا الحضانى غالبا اسمه الاسرة السعيدة واللبن كان جهينةو كان فيه مدرسة رومانية مسلمة كانت مدرسة بنتى و كانت لطيفة والانجليزى بتاعها حلو اوى مفتكرش ان كان فيه قرءان لان بنتى كانت لسه صغيره لما راحت بس كان فيه اغانى حلوة اوى

[Jasy]

[quote=hagrama;7963045][left]Manaret El Eman
fees 7500 with books without bus
The phonics teacher is American
I heard one student there his pronunciation was very good
The KG play area is very well prepared

If you or anyone need to know more info just ask
Good Luck

thanks a lot you have been a great help,thnx

[أم عمر و هيا]

متصدقيش يا زقزوقة ان فى مدرسة بتقفل باب التقديم دى فلوس جايلهم يعنى مش حيرفضوها .. هم بس بيقولوا كدة علشان الناس تقلق وتسرع .. ودة كلام من مديرة مدرسة كنت قابلتها وانا بدور على المدارس
وفعلا انا اعرف واحدة دخلت ابنها المدرسة بعد ما الدراسة ما بدأت فعلا...

مش كل المدارس زى بعضها، أنا رحت مدرسه فى شهر 6 \2008 علشان إبنى يدخل فيها وكان باب التقديم مقفول من شهرين قبلها، وحتى عرضت عليهم أدفع تبرع أو حاجه لكن للأسف مرضيوش وقالوا لى إنهم معندهمش الموضوع ده وبصراحه إحترمتهم جداً من الحركه دى.

[kouky5]

kouky5 اهلا بيك وحشني الكلام معاكم بجد وطبعا موافقة معاك ان يكون عندنا جروب.

حبيبتي عملت جروب علي الفيس بوك اسمه ELS... Parents

http://www.facebook.com/group.php?gid=72849022178#/group.php?gid=72849022178&ref=mf

ياريت تشرفيني

فكره حلوه جدا على فكره فى كذا جروب للels بس معظمهم شرح للمدرسه او جروب لطلبة المدرسة و انا كنت عامله فعلا موضوع عن رأى الناس فى الELS
بس ELS parents جديده. GO ON

نوجا حبيبتي الجرو ب ببقي جاهز.... مستنياكي

واي حد اولاده في ال ELS ياريت يشرفنا في الجروب علشان نبقي مع بعض ...لو في اي اخبار او اسئلة او مشاكل حتي متعلقة بالمدرسة نبقي كلنا ايد واحدة مع بعض

[الاميرة طماطم]

مش كل المدارس زى بعضها، أنا رحت مدرسه فى شهر 6 \2008 علشان إبنى يدخل فيها وكان باب التقديم مقفول من شهرين قبلها، وحتى عرضت عليهم أدفع تبرع أو حاجه لكن للأسف مرضيوش وقالوا لى إنهم معندهمش الموضوع ده وبصراحه إحترمتهم جداً من الحركه دى.

دة فعلا موجود فى مدارس معينه وكمان م هم احيانا بيحددوا سن اكبر للقبول واحيانا امتحانات للقبول زى المصرية مدينه نصر مثلا
لكن فى المدارس الى على المريوطية دى كتير يعنى بين المدرسة والمدرسة مدرسة ومعظمهم اما جديد او قديم بيخاف من الجديد وبينهم منافسة شديدة

[جمال ابراهيم]

انا ام محمد عندى اولادى فى مدارس لغات منهج امريكى فى السعوديه حابه انزل مصر واسجلهم فى مدارس تدرس نفس المنهج الصفوف ثانى خامس سادس كى جى وبيتى قريب من المريوطية بالهرم واسمع عن مدارس بلوم والاهرام ودريم لاند وجرين لاند وحفر الباطن عن طريق النت ولاكن لا اعرف شى عن مدارس مصر بحكم سفرى من 15 سنه من اخوتى ان يفيدونى عن المناسب واميلى انا وزوجى جمال للتواصل jamalfayfa@yahoo.com

[abeerbebo]

انا ام محمد عندى اولادى فى مدارس لغات منهج امريكى فى السعوديه حابه انزل مصر واسجلهم فى مدارس تدرس نفس المنهج الصفوف ثانى خامس سادس كى جى وبيتى قريب من المريوطية بالهرم واسمع عن مدارس بلوم والاهرام ودريم لاند وجرين لاند وحفر الباطن عن طريق النت ولاكن لا اعرف شى عن مدارس مصر بحكم سفرى من 15 سنه من اخوتى ان يفيدونى عن المناسب واميلى انا وزوجى جمال للتواصل jamalfayfa@yahoo.com

اهلا بيكى يا ام محمد معانا
الموضوع الى احنا بنكتب فيه واللى زاد عن ال 100 صفحة بيدور كله عن نفس استفسارك
ايه هو المناسب من المدارس
ومعظمنا فعلا من منطقة المريوطية وفيصل والهرم فيا رييت تئدرى تتابعى الموضوع من الاول هتلائى اراء مختلفة عن النمدارس اللى بتسالى عليها

بس من خلال خبرتى بالموضوع هنا الكل تقريبا اجمع على بلوم انها ممتازة وفيها النظام الامريكى
وفيه بردو شكرو فى مدرسة دريم لاند ولو حد من الاخوة عنده معلوملت اكتر عنها يفيدك اكتر منى

دول اكتر مدرستين من الى انتى ذاكرتيهم اتشكر فيهم

بالنسبة لحفر الباطن صحبتى سالت فيها وراحتها وبتئول هى تعليميا شكلها كويس بس المدرسة شكلها قديم اوى ومش حلوة دا اللى اتئالى

وربنا يوفق

[بطرس كرم]

مدارس بى كرنك للغات افضل مدارس مصر الجديدة كلها
علميا وادبيا وكيفية التعامل مع الطلبة انها تتعامل معهم باسلوب علمى تربوى ولعل السبب فى ذلك هو ان ادارة المدرسة تعمل فى المجال التربوى اكثر من ثلاثون عام وانا عن تجربة فى هذة المدارس فلى ابنتان فى هذة المدرسة وان هذة المدرسةلها كثير من الامتيازات التى جعلت منها دائما الاولى على مدارس مصر الجديدة التعليمية فى جميع المسابقات وعلى راسها مسابقات اوئل الطلبة وهى التى توضح تفوق المدرسة علميا التى دائما مداس بى كرنك تحقق فيها نتائج مبهرة فى جميع مراحلها من المرحلة الابتدائية حتى الثانوية العامة ومن خلال تعاملى مع المدرسة لاحظت ان سبب تقدم وازدهار المدرسة عدة عوامل وهى :
اولا :مديرة مدرسة :فهى استاذة تربوية لها خبرة عظيمة فى المجال التربوى فهى تهتم بكل كبيرة وصغيرة فى المدرسة ومنها على سبيل المثال لا على سبيل الحصر
حضورها قبل الطابور الصباحى و اهتمامها منذ البداية بالاذاعة المدرسية لعلمها التربوى ان اهمية الاذاعة المدرسية كتنشيط لمعلومات الطلبة فى جميع اللغات (عربى _انجليزى _ فرنسى) وتنشيطهم رياضيا حتى يكون العقل السليم فى الجسم السليم
واشراف مديرة المدرسة على كل شى فى المدرسة فى فهى تعامل الطلبة كانهم اولاد واحفادا لها وان كان لك ان تتاكدمن حب الطلبة فاحضر حفل خريجى مداس الكرنك وشاهد مدى الحبق بين الطلبة القدامى ومديرة المدرسة وكيفية معاملتهم لها
ثانيا : وكيل مدرسة :على درجة عالية من الخبرة فى مجال الادرة على مستوى محافظة القاهرة وهذا مما مكنة من التعامل مع موسسة تعليمية بهذا الحجم على درجة عالية من الدقة
ثالثا _ رؤساء اقسام: نادرا وتحدى ان يتجمع كل هؤلاء روساء الاقسام فى مدرسة واحدة فكلهم على درجة عالية من الخبرة العلمية كل منهما فى مادتة فخبرة كل منهما اكثر من ثلاثين عاما مما تمكنة من التعامل مع المدرسين وكيفية تدريبهم واعطائهم الارشادات التعليمية السليمة
رابعا : هيئة تدريس :وهى معجزة ان تتجمع هيئة تدرسةعلى مستوى عالى علميا وتربويا فى جميع المواد ودرجة عالية من الثقافة العامة والسبب فى ذلك هو عند اختيار المدرس الذى يعمل فى المدرسة يخضع لعدة اختبارات فى غاية الصعوبة حتى يتهيا للعمل فى هذة المدرسة العريقة

خامسا:انها اول مدرسة اجدها تتعامل فى مجال الشيتات الاسبوعية وهى عبارة عن مراجعة اسبوعية مع الطلبة لتمكنهم من مراجعة ما درسوة خلال اسبوع فى جميع المواد حتى تعودهم فى كيفية التعامل مع اسئلة الامتحانات
سادسا :اداءات اسبوعية وامتحنات شهرية فاصبح الطالب لايهاب من امتحان اخر العام
سابعا : حب الطلبة للمدرسة فى المدرسة الوحيدة التى يذهب اليها الطلبة لاخر يوم فى الدراسة وحتى فى ايام الاجازات تفتح المدرسة ابوابها للطلبة لممارسة الانشطة المختلفة
ثامنا : مناهج بى كرنك للغات خاصة اللغات مختارة بعناية فائقة وتلاحظ هذا فى ابنائك فهم يتحدثون اللغة بطلاقة سواء الانجليزية او الفرنسية او المواد التى تدرس باللغة الانجليزية
تاسعا : المدرسة الوحيدة التى توزع الكتب والكشاكيل على الطلبة قبل بدا العام الدراسى حتى يتسنى للطالب الدراسة من اول يوم


شكر من القلب لمدارس بى كرنك
بطرس كرم والى امر طالبتان المدرسة

[بطرس كرم]

مدارس بى كرنك للغات افضل مدارس مصر

[right]مدارس بى كرنك للغات افضل مدارس مصر الجديدة كلها
علميا وادبيا وكيفية التعامل مع الطلبة انها تتعامل معهم باسلوب علمى تربوى ولعل السبب فى ذلك هو ان ادارة المدرسة تعمل فى المجال التربوى اكثر من ثلاثون عام وانا عن تجربة فى هذة المدارس فلى ابنتان فى هذة المدرسة وان هذة المدرسةلها كثير من الامتيازات التى جعلت منها دائما الاولى على مدارس مصر الجديدة التعليمية فى جميع المسابقات وعلى راسها مسابقات اوئل الطلبة وهى التى توضح تفوق المدرسة علميا التى دائما مداس بى كرنك تحقق فيها نتائج مبهرة فى جميع مراحلها من المرحلة الابتدائية حتى الثانوية العامة ومن خلال تعاملى مع المدرسة لاحظت ان سبب تقدم وازدهار المدرسة عدة عوامل وهى :
اولا :مديرة مدرسة :فهى استاذة تربوية لها خبرة عظيمة فى المجال التربوى فهى تهتم بكل كبيرة وصغيرة فى المدرسة ومنها على سبيل المثال لا على سبيل الحصر
حضورها قبل الطابور الصباحى و اهتمامها منذ البداية بالاذاعة المدرسية لعلمها التربوى ان اهمية الاذاعة المدرسية كتنشيط لمعلومات الطلبة فى جميع اللغات (عربى _انجليزى _ فرنسى) وتنشيطهم رياضيا حتى يكون العقل السليم فى الجسم السليم
واشراف مديرة المدرسة على كل شى فى المدرسة فى فهى تعامل الطلبة كانهم اولاد واحفادا لها وان كان لك ان تتاكدمن حب الطلبة فاحضر حفل خريجى مداس الكرنك وشاهد مدى الحب بين الطلبة القدامى ومديرة المدرسة وكيفية معاملتهم لها
ثانيا : وكيل مدرسة :على درجة عالية من الخبرة فى مجال الادرة على مستوى محافظة القاهرة وهذا مما مكنة من التعامل مع موسسة تعليمية بهذا الحجم على درجة عالية من الدقة [/
[right]ثالثا _ رؤساء اقسام: نادرا وتحدى ان يتجمع كل هؤلاء روساء الاقسام فى مدرسة واحدة فكلهم على درجة عالية من الخبرة العلمية كل منهما فى مادتة فخبرة كل منهما اكثر من ثلاثين عاما مما تمكنة من التعامل مع المدرسين وكيفية تدريبهم واعطائهم الارشادات التعليمية السليمة
رابعا : هيئة تدريس :وهى معجزة ان تتجمع هيئة تدرسةعلى مستوى عالى علميا وتربويا فى جميع المواد ودرجة عالية من الثقافة العامة والسبب فى ذلك هو عند اختيار المدرس الذى يعمل فى المدرسة يخضع لعدة اختبارات فى غاية الصعوبة حتى يتهيا للعمل فى هذة المدرسة العريقة
خامسا:انها اول مدرسة اجدها تتعامل فى مجال الشيتات الاسبوعية وهى عبارة عن مراجعة اسبوعية مع الطلبة لتمكنهم من مراجعة ما درسوة خلال اسبوع فى جميع المواد حتى تعودهم فى كيفية التعامل مع اسئلة الامتحانات
سادسا :اداءات اسبوعية وامتحنات شهرية فاصبح الطالب لايهاب من امتحان اخر العام
سابعا : حب الطلبة للمدرسة فى المدرسة الوحيدة التى يذهب اليها الطلبة لاخر يوم فى الدراسة وحتى فى ايام الاجازات تفتح المدرسة ابوابها للطلبة لممارسة الانشطة المختلفة
ثامنا : مناهج بى كرنك للغات خاصة اللغات مختارة بعناية فائقة وتلاحظ هذا فى ابنائك فهم يتحدثون اللغة بطلاقة سواء الانجليزية او الفرنسية او المواد التى تدرس باللغة الانجليزية
تاسعا : المدرسة الوحيدة التى توزع الكتب والكشاكيل على الطلبة قبل بدا العام الدراسى حتى يتسنى للطالب الدراسة من اول يوم


شكر من القلب لمدارس بى كرنك
بطرس كرم والى امر طالبتان المدرسة

[sweetkitty]

اهلا sweetkitty الانترفيو انا معايا شخصيا كان كله english لكن بنتي كان نطقها مش كويس لكن هم قعدوا معاها وقعدوا يشوفوا تعاملها ازاي واكيد كلامها كانت بتتجاوب معاهم لكن كلامها ما كان مفهوم عشان كانت نتتكلم لبناني على مصري على فرنساوي لكن انا حسيت من الانترفيو انهم عاوزين يشوفوني انا وبباها اكتر منها هي.على فكرة بنتي اجتماعية جدا ويمكن ده اللي حببهم فيها ونسوا موضوع كلامها والحمد لله دلوقت بتتكلم مصري واكيد english كويس جدا.لكن عاوزة اقولكم حاجة.مش لازم تستعجلوا التقدم مش حيبان قبل على الاقل 3 شهور من المدرسة.في ناس بتقعد تقول ان المدارس الانترناشيونال الدولية التدريس فيها كويس والمدرسين احسن عشان هم اجانب والكلام ده.انا عاوزة الفت نظركم على حاجة.المدارس دي حتلاقوا فيها اكتر من نص الطلاب مش مصريين والمحادثة بينهم وبين بعض اهم بكتير قوي من المدرسين والمحادثة في البيت كمان.يعني مش كل حاجة نبقى عاوزينها من المدرسة لازم المحيط كله يساعد.انا بنتي دلوقت مش بتقول بس كلمات هي ابتدت تقول جمل وكتيرة كمان وانا مش عاوزة اكتر من كدة دلوقت.انا اللي يهمني في المدرسة الى جانب التعليم,الاحترام والتربية والاخلاق.وكل اللي بقابلهم من اولياء الامور بيشكروا جدا من الناحية دي.

جزاكى الله خير يا سادينا و ربنا يفرحك ببنوتك يارب و تكون من المتفوقين ..طيب ممكن اعرف اية نوع الاسئلة اللى كانت بتوجها ليكم بالانجليش و هل لازم الانجليش بتاع الام يكون بيرفكت لاننا الحمدلله كويسين فى الانجليش بس للاسف مش متعودين على المحادثة بيه خالص ولا فى الكلية ولا بعد ما خلصنا فانا مقلقة و عايزة اعرف بس اية اللى ممكن اتسأل فيه و هل ممكن اعمل الانترفيو من غير الاب ولا لازم يكون متواجد معايا

معلش انا عارفة انى صدعتك بس اصلى خايفة و محتاجة حد يطمنى