أنا بعد 14 يوم
by
, 22-02-2015 at 01:33 PM (1309 قراءة)
السلام عليكم بنات
حابة شاركن يومياتي من اليوم ل14 يوم بركي هيك بلتزم شوي
ليش بس 14 يوم لأن صرلي بمشوار الرجيم تقريبا 6 شهور من بعد ولادتي التانية اللي كانت قيصرية وبعد ماصار ابني عمرو 6 شهور وبلش ياكل وجبات بدأت مشوار الرجيم كان وزني 86 ونحفت ب6 شهور تقريبا 20 كيو جربت رجيمات كتير اسبوع من كل رجيم ارتاح مشان ماتتأسر الرضاعة ( التمر الحليب- السعرات -الصيام العكسي - اللبن ) وتعبت وريحت جسمي شهر وقررت ارجع كمل
أنا ناوية ان شاء الله غير حياتي للأفضل بهدول ال 14يوم والله المستعان وبدي تشجيعكن لأستمر ووصل لهدفي
هدفي نزول عالأقل 6كيلو ورح تكون جائزتي ازا نجحت شراء ملابس جديدة بقياس سمول من 10 سنين وانا بلبس xl
وزني الحالي 68
الهدف 57
الطول 157
حاليا بدي 6 كيلو بس رضيانة فين + رياضة المشي كل يوم ساعة
بهدل ال 14 يوم رح أعمل رجيم السوائل +الصيام العكسي يبشرب كلشي سوائل عصيرات شوربات منبهات بحاول يكون من غير دسم وسكر
الي كل يوم قطعة شوكولاتا مع فنجان القهوة لتحسين المزاج وبوقف عالمغرب وبصوم عن كلشي ماعدا المي ادعولي انجح
وأهلا بالمتطوعات هيك منشجع بعض
وبالتوفيق للجميع