السلام عليكم .. أهلا أختي صافي .. أول حاجة ربنا يعينك ويصبرك ويهديلك بنوتك .. تاني حاجة بصراحة أنا دخلت عشان خاطر البنوتة ربنا يحميها .. أنا ما عندي خبرة بالأطفال العصبيين أو كثيري البكاء .. لكن بنوتة وعمرها سنة ونص تخليكي منهارة بالشكل دا أعتقد معناها ان البنوتة دي مميزة .. بطبيعة حال الأطفال هما ما شاء الله أذكياء لكن بنوتك يمكن تكون مميزة شوية عنهم .. جربي تتعاملي معاها من المنطلق دا .. على سبيل المثال علميها حاجات تسبق سنها يعني علميها مهارات طفل السنتين مثلا بحيث تستنفدي طاقتها .. كمان تأكدي من انك بتلاعبيها وقت كافي ..وكمان الأحضان مهمة في طب الأطفال النفسي الطفل لازم تحضنيه حضن حب 12 مرة في اليوم الواحد .. حبيبتي الأطفال دول كائنات ضعيفة وحساسة وربنا أودع في قلوبنا الرحمة وحبهم والصبر على أذاهم لأن احنا لو مش صبرنا عليهم وحبيناهم مين هيربيهم .. فاستعيني بالله وخليكي هادئة قدر استطاعتك .. وربنا يهديها ليكي ... لفتة أخيرة معلش أنا عندي قلق من الجانب الطبي يعني لو تسألي طبيب نفسي تخصص أطفال أو طبيب أعصاب تخصص أطفال .. أو على الأقل حاولي تتفرجي على حلقات د.ياسر نصر على اليوتيوب أكيد هتستفيدي منه .. ربنا يوفقك وييسر الأمر
الروابط المفضلة