[SIZE="5"][FONT="Arial Black"][B]السلام عليكم
اتمنى القى عندكم حل لمشكلتي
مشكلتي مع بنتي
بنتي عمرها 4 سنوات
وهي وحيدة ما عندها ولا اخ ولا اخت
اول شي حابه احكيه انه انا بحاول اكون ام متنبهة لكل صغيرة وكبيرة بتصرفات بنتي
واني بسعى انه تكون بنتي هي الطفل المثالي
يعني من لما بدأت تحكي علمتها كتير شغلات
الارقام والحروف وكتابة اسمها وكتابة ماما وبابا
الحقتها بنادي البراعم وهو نادي مختص بتحفيظ الطفال من عمر 3-5 سنوات جزء عم وجزء تبارك
وما شاء الله حفظت جزء جيد من السور القرانية
وانا على طول بعلمها كيف تتعامل بادب وتحب الناس وتحترمهم وتكون متعاونه وتحب كل الاطفال وتبعد عن اي حد مش مؤدب او تصرفات مش مؤدبة
بنتي بشكل عام مطيعه وهادية
من صغرها وهي معروفه بادبها ودكائها وشطارتها وهدوئها الحمد لله
لكن
اللي بيزعجني في بنتي وبالذات من لما صار عمرها 3 سنوات لغاية اليوم
انها بتتأثر بشكل سلبي بالاطفال اللي حولها
انا شخصيتي عصبية لكنها ما بتاخد مني عصبيتي او اي سلبية من سلبيات شخصيتي او شخصية ابوها
لكن الاطفال اللي بتحتك فيها من اقرب الاقربين فهي بتتأثر بشكل اساسي بسلبيات شخصياتهم
من ناحية العناد واستقصاد زعلي وتعصيبي ونرفزتي
ومن ناحية اسلوب الحكي وطريقة نطق الحروف خلال الحكي
حتى الضحكة بتقلدها
بتقلد اسلوب زعلهم اسلوب لعبهم واسلوب اكلهم اللي هو ابدا مش مرتب ولا هو اصلا بيشبه شخصيتها او الاسلوب اللي انا عودتها عليه وربيتها عليه
بنتي كتير بتنقاد بتصرفاتها لغيرها وانا على طول بعطيها تنبيهات وبفهمها انه هالتصرف هاد ما عجبني لا تكرريه
لا تعملي مثل فلان لانه حركته هاي مش حلوه
لا تاكلي مثل فلان لانه هالطريقه مش مرتبة ومش حلوة
اعملي مثل ماما
كوني مؤدبة كوني هثل الحلوات المؤدبات
وووووو ......
على طول لساني بيتحرك بهيك تنبيهات من اول ما تصحى لغاية لحظة النوم
وبصراحة هي بتتأثر بشكل اساسي بولدين
احدهم ابن عمتها والثاني ابن صديقتي
هالولدين من عمرها تقريبا وبتشوفهم بشكل متكرر
وبتتأثر فيهم كثير
وهو من وجهة نظري ونظر زوجي مش منظمين ولا مؤدبين ولا مرتبين مثل اطباعنا ومثل ما بنتمنى تكون بنتنا
احيانا بتتأثر ببعض الاولاد والبنات الثانيين من الاهل والاصدقاء لكن بصراحة التأثير والنقياد الاكبر بيكون تجاه هالولدين اللي ما رح اقدر اسيطر على اجتماعها معهم خاصة بهالفترة هاي عالاقل لحتى تفتح الروضات ابوابها في بداية السنة الجديدة
اللي انا مستغربة منه انها ما بتتأثر بتصرفات اصحابها بالنادي
ما في شي اثبتلي انها بتنقاد لحد غريب
لكنها بتنقاد بشكل كبير جدا وبتقلد بشكل غريب جدا هالولدين بالذات
ونادرا بتقلد بعض الاطفال من الاقرباء
لدرجة انه انا صرت احس حالي بشوف وجه ابن عمتها في وجهها
او ابن صديقتي
بدرجه كبيرة جدا
ومزعجة جدا
ومستفزة جدا
ويا ريتها كانت تصرفات ونظرات وضحكات حلوة ومؤدبة ومرتبة لما كنت علقت ولا كنت انزعجت ولا كنت كتبت هالموضوع بهالاستياء ........................................................................
انا بصراحة خايفه لما تدخل الروضة والمدرسة تصير عبارة عن نسخة عن اتعس الاولاد والبنات اللي معاها
انا خايفه هالشخصية تكون متمركزة فيها وما اقدر اسيطر عليها في الايام الجايه وتظل بنتي مقلدة ممتازة لكل اللي حولها
وتعتبر نفسها ورقه فارغة وتنتظر من يكتب على سطورها اشكال والوان
انا خايفة على بنتي
والمعروف انه بهالعمر بيكون الطفل شخصيته وكيانه
وبنتي ما عمبتكون شخصيتها
وعمتبعد عن كل اللي اسستها عليه من حب النظام والترتيب والادب والاخلاق الطقوليه الحلوة
انا يمكن اكون شديدة عليها شوي وبدقق
انا بعترف اني ما بقدر اطنش
وبعترف اني ما بقدر اصبر على التصرفات المزعجة
بنتي صارت مزعجة بالنسبة الي
ونسخة عن غيرها
وانا بدي بنتي تبقى شخص اله كيانه واله استقلاليه شخصية
المزعج اكثر في الموضوع انه الاولاد اللي بتتأثر فيهم هم ابدا ما بيتأثروا فيها
ولا بيتعلموا منها اي شي
هي شخصية متأثرة وغير مؤثرة
اتمنى من كل من يمكنه افادتي بخصوص هالموضوع انه ما يبخل علي
لانه الموضوع عامل الي قلق وتوتر وتفكير 24 ساع وخوف من اني التقي بأي حد معه طفل ....!!!!!!!
اسفه جدا على الاطاله ومشكووووريييين
الروابط المفضلة