ازيكم يا بنات

ياللا من النهاردة السبت الموافق 18//9 يبدأ التحدي الصعب بتاعنا و ان شاء الله ينتهي الجزء الأول في 18/10

ياللا يا بنات عايزين نشاط و حماس و جدية لأن التحدي ده مش لأي حد زي ما انتم عارفين

لا لفريق قوي عالي الهمة والارادة و ياحنا يالدهون

ياللا يا بنات عايزين نشاط و حركة ياللا

هوب هوب

نيجي للقوانين بقي:

1- الأكل صحي زي ما اتفقنا و مطابق للسعرات او النقاط المناسبة لكل بنت فينا

2- الميزان

هنوزن اول يوم في المسابقة و المرة التانية بعد شهرررررررررررر

ايوة بعد شهر لأن لما بنوزن و نلاقي وزننا ثابت او زايد بيجيلنا احباط و جررررررررررري علي الثلاجة و ناكل لأن ايه مفيش فايدة صح؟

عشان كده احنا عايزين الميزان يبقي وسيلة مش هدف

يعني وسيلة نعرف بيها مقدار تقدمنا مش هدفنا

يبقي ايه الميزان بعد شهر

يعني توزني اول يوم و بعد كده تخبي الميزان فوق الدولاب

3- لازم اللي تشترك معايا مش تبقي مشتركة في اي مجموعة تانية و اسفة علي الشرط ده بس عشان لو مشتركة في مجموعة تانية يبقي هتوزني مرة كل اسبوع او عشرة ايام و انا مش عايزة ده بس اذا كنتي تقدري تستأذني من المجموعة التانية في موضوع الميزان يبقي تمام و مفيش مشكلة

4- ركزي معايا بقي

ليكي 3 وجبات فري في الشهر ده (وجبة مش يوم كامل) لا تزيد سعراتها عن 600 سعر او 12 نقطة

تاخديهم في اي وقت بس ممنوع تاخدي وجبتين في يوم واحد اتفقنا؟

ليكي 3 مرات حلويات في الشهر ده بس بشرط

تبقي الصبح بعد الفطار و لاتزيد عن 200 سعر او 4 نقاط و تكون محسوبة ضمن اكل اليوم مش زيادة عليه و ممنوع طبعا مرتين في يوم واحد

ليكي 3 ملاعق سكر صغيرة في اليوم الواحد و طبعا محسوبين بردو مش زيادة علي الأكل

هتقولي المشروبات هتبقي سكرها قليل

صغري حجم الكوب

5-الرياضة بقي

لا تقل عن 35 دقيقة متواصلة في اليوم (لأن الحرق يبدأ بعد الدقيقة 30)

و فيه يوم أجازة من الرياضة في الأسبوع

و ركزي بقي

ماينفعش الجمع بين اي واحدة من المسموحات في يوم واحد

يعني ما ينفعش في يوم واحد اكل حلويات ووجبة فري

او وجبة فري و مفيش رياضة في يوم واحد

ولو مش عايزة تاخدي فري خالص انتي حرة

اتفقنا

اعتقد ان الكلام واضح

6-النشويات:

لا تزيد النشويات في الوجبة الواحدة عن

1/2 رغيف بلدي او

رغيف سن

او

2 توست

او

4-6 ملاعق ارز او مكرونة (حسب الوزن)

او ثمرة بطاطس متوسطة

و ممنوع الجمع بين نوعين نشويات في وجبة واحدة

يعني مثلا لوهتاكلي رز و بطاطس

يبقي 2 ملعقة رز و 2 شريحة بطاطس

7- المية لا تقل عن 8 أكواب في اليوم و تكتبي لي شربتي كام كوباية

8-
8-كل واحدة بقي تحط الشعار ده في التوقيع بتاعها

و تعمل شريط وزن جديييييييييييييييييد بنيو لوك و تعمله بوزنها عند البداية معايا هنا

اللي هتخل بالشروط دي او تزود عدد الأيام او الوجبات الفري عن العدد المذكور سيتم استبعادها فورا و بدون زعل لأن الموضوع ده للملتزمات و المثابرات فقط

طيب قوانين الاستمرار و الاستبعاد بقي

1- في نهاية كل اسبوع هيكون فيه تقييم لكل واحدة فيكم علي حسب التزامها بالريجيم و عدد الوجبات الفري اللي اخدتها و الحلويات كمان و دقائق الرياضة

مش معني ان مفيش ميزان ان الموضوع سايب لا

الميزان مش كل حاجة

2- مفيش عندي حاجة اسمها فرصة تانية اسفة اوي لازم كل واحدة تقول لنفسها يالمرة دي مع بيرو يا اما فلا

يعني اللي هتتجاوز القوانين دي هتستبعد فورا و مفيش فرصة تانية

و قد اعذر من انذر

3- اليوميات لازم تكون كل يوم او يومين بالكتير المهم في اخر الاسبوع يبقي عندي بيانات الاسبوع كله عشان التقييم

4- طبعا الامانة في كتابة الاكل و الرياضة و كله هيبان و اللي هتعمل اي حاجة غلط بمعني تتجاوز عدد نقاطها او تاكل كتير (مش تعك لا تكتر بس في النشويات )هيكون ليها عقاب و لازم تنفذه واذا ما نفذت بنقول لها بااااااااااااااااااااااي

5- في بداية كل اسبوع هأنزل قائمة باسماء الفريق و اللي مش هتلاقي اسمها تعرف انها مستبعدة و ارجوكم بلاش عتاب ووداع و احراج لان مش انا اللي استبعدتك انتي اللي عملتي كده في نفسك صح و الا ايه؟؟

6- كل اسبوع فيه تكريم

لأكثر واحدة نشيطة

و أكتر واحدة ماشية علي الاكل الصحي

و كمان فيه فضيحة لأكتر واحدة كسلانة( يعني الرياضة عندها اقل من 4 ساعات في الاسبوع)

7- الالتزام بكتابة اليوميات قط هنا و الرغي هناك في المجموعة الاجتماعية بتاعتنا

كمان الرياضة باللون الأزرق

و الاكل بالفوشيا

ولو اخدتي وجبة فري اكتبي تفاصيلها عشان اشوف تجاوزتي ال600 سعر و الا لا و كذلك الحلويات

و ده يتكتب باسود و تحته خط

اتفقنا يا حلوين؟

و ياالا ربنا يوفقنا

في النهاية اتمني ما تزعلوا مني لان انا يهمني مصلحتكم و مصلحتي و الهدف وااااااااااااااحد

خلي بالكم بقي

فكري كويس

لو عندك مناسبة الشهر ده اعملي حسابك لوجبة فري تسيبيها لليوم ده

لو عارفة ان الدورة لما بتييجي بتبقي عايزة حاجة حلوة اعملي حسابك بردو

و خلوا بالكم انا باتابعكم من خلال جدول اكسل

قولي لنفسك كده كل ما تيجي تعكي

بيرو ما بتنساش و الاكسل ما يكدبش

يعني رتبي نفسك كويس

و بسم الله نبدأ التحدي

و ربنا يوفقنا

اما عن مجموعة التحدي الصعب
هن:

مرمر و اميرة
بحيرة البجع
ام هذال
نخلة عراقية
ام عبودة
ساعة التوبة
ايش اكتب
الحلم القريب
حليب نيدو
ذات العفاف
fofo18
stranger2
vena 2007
ta7ia
ghaniaanis
dr.ophthalmic
bero333
الحلم القريب
ريحانة الود
مس عسل
حنونة

بيرو يا حبى
تخيلتك داخلة حرب
يا عمرى ريحى اعصااااااااااابك
الحكاية بدها طولة بال وراحة نفسية
ما تحسسى حالك انك حتنحرمى
والا جسمك ممكن يحافظ على مخزونه من الدهون
والمرحلة قبل الرجيم مهمة جدا
ما تزودوا الاكل
كلها دهون وراح تتخزن
شروطك ممتازة
ربنا يوفقكم ياااااااااااااااارب
واشوفك احلى رشيقة
ما تخبرى حد انك عاملة رجيم
وما تجاملى حد على حساب صحتك وجمالك
تعاملى مع الامور بقمة البساطة
وان شاء الله حضل اطل عليكم
لو حابين؟

اهلا وسهلا بالكوتش بيرو , الله يعطيك العافية , ممكن يا بيرو اعرف ازاي بتحطي التوقيع وشريط الميزان لأني ما بغرف كيف احطهم في ردي ممكن اتعبك معي كمان في دي ؟؟؟

مبروك التجمع الجديد الله يجعلو فاتحة خير علينا

السلام عليكم جميعا يا رشيقات واخيرا هنرجع تاني
مبرووووووووووووك علينا وان شاء الله نصل كلنا للوزن المثالي
بيرووووووو يا رب يخليكي ويساعدك علي المهمة الصعبة
ويحفظلك القمرين مؤمن ومازن
انا مبسووووووووووووووووووووووطة جدااااااااااااااااااااااااا

تعرفيني سوسه

الف مبروك يا بيرو ليكى انتى وكل البنات

انا كمان حبدا من بكره وربنا يقوينا جميعا

السلام عليكم
الف الف الف مبروك علينا التجمع من جديد
ان شا الله ابدى من بكره
بيرو كيفك انا اليوم صايمه واخذت المقاسات قبل الفطار
وان شا الله ابعثهم لك