ازيكم يا بنااااااااااااااااااااات
وحشتوووووووووووووووووووووني جداااااااااااااااااااااااااااااااااااااا
اخيرا رجعت لكم بعد غياب فترة مش قصيرة بس كانت غصب عني
المهم فضلت افكر و اقول ترجعي بايه يا بت يا بيرو
تكتبي ايه يا بت يا بيرو
لغاية ما لقيت موضوع حلو اووووووووي و مهم لينا كلنا في التوقيت ده بالذات وهو زي ما العنوان موضح
ماذا نأكل و ماذا نشرب في البرد ؟
اللامانة الموضوع ده انا سمعته امبارح من دكتور بهاء ناجي في برنامج العيادة
بس انا قلت اجي بقي و اكتبه لكم بطريقتي ههههههههههههههههههههههههه
طبعا انتم عارفين اني مش رغاية خالص عشان كده هادخل في الموضوع
بسم الله
في الشتا طبعا طول ما احنا بنتحرك طول اليوم بنبقي الي حد ما كويسين و الدايت ماشي فل جدا
نيجي بقي لليل و هوووووووووووووووووووب يهجم علينا الجوع و البرد
و في الاغلب يبدأ العك و يبوظ الدايت
فيه بقي كذا حل للموضوع ده
بس القاعدة الاساسية فيه و ركزوا معايا
اختاري شئ صعب الاعداد
ايوة انتي قريتي صح لازم يكون صعب الاعداد و الا ممكن تاكلي كميات كبيرة لو كان سهل و في متناول ايدك علي طول
و انتم طبعا عارفين طبيعتنا ممكن نتسلي حتي لو مش حاسين بالجوع
هنبدأ بالمأكولات
اول حل عند الشعور بالجوع هو :
1- شوربة الخضار:
شوفتوا جمالها؟
بصي بقي يا ستي لاااااازم تكون من غير بطاطس عشان السعرات تبقي منخفضة كتري فيها القرنبيط و البروكلي
هتحطي فيها كل الخضار اللي بتحبيه بس في مية مش شوربة و تحطي بقي التوابل اللي انت عايزاها و لما تجوعي تاخدي طبق
2- شوربة الكرنب:
و دي مالهاش دعوة بموضوع ريجيم الكرنب خالص بتاع الشوربة الحارقة
طريقة عمل شوربة الكرنب:
تسلقي اوراق الكرنب في مية لغاية ما تتهري او تستوي اوي يعني
تضربيها في الخلاط و طبعا التوابل اللي انتي عايزاها
و بالهنا و الشفا لما تجوووووووووووووووعي
و باكرر لما تجوعي
الدكتور قال ان ضربها في الخلاط هيخليها ما لا تسبب الانتفاخ زي ما احنا متعودين من الكرنب
3- شوربة العدس:
طبعا زي ما انتم عارفين قيمة العدس الغذائية العالية و غناه بالحديد
شوربة العدس بدون اضافات زي البطاطس بتبقي حلوة جداااااااااااااااااا في البرد طبق صغير منها كفيل انه يحسسك بالدفء و الشبع
مع ملاحظة استخدام القليل من الزيت لعمل التقلية
ندخل بقي علي المشروبات
تابعووووووووووووووووووووووني
الروابط المفضلة