يا احبائي الكرام انها في مشكلة حقيقية عملالي اكتئاب
انا تخنت 12 كيلو في شهر لاني كانت عندي حالة شراهة رهيبة للاكل بنام علي الاكل وبقوم علي الاكل وحاسة اني في خلل في جسمي
وابتديت اعمل رجيم واكل اكل صحي مش ادرة جسمي يرتجف ويهمد واكون مش ادرة اتحرك واكون عاوزة حجات فيها سكر كتيير يعني
يعني علي الساعة 3 اكل بيضة ونص رغيف عيش ويعني علي 7 اكل طبق خضار سوتية وطبق سلطة وشوية رز
وبعديها بشوية جسمي يبتدي يرجف عاوزة اكل اكتر وعاوزة اي حاجة فيها سكر شاي مثلا فية 4 ملاعق سكر وابتدي اكل اكتر وابتدي اكل شكلاتة اكتر عشان اقدر اتحرك والسكر الي في جسمي يعلي
انا بعاني من قلة السكر في جسمي ومش عارفة اعمل اة
فهل من ناصحي
ولاني مسافرة برة فا مقدرش امشي معي دكتور رجيم لازم مع نفسي

السلام عليكم

اهلا بك اختي وسلامتك

شوفي نظمي يومك واكلك يعني متاخر كتير ان يكون اول وجبة الساعة 3

ابدي يومك بدري وكلي فطور كامل من كل العناصر بالذات البروتين بيض او فول ومعهم خبز او نوع من الاجبان وحليب خال الدسم او نصف الدسم

بين وجبة الفطور والغداء كلي بعد ساعتين من الفطور فواكه بيها سكر طبيعي ومش مضر وبيضل احسن من السكر او الشوكولاته

الغداء كمان كلي وجبة كاملة العناصر بروتين ونشويات وشوية دهون مثل زيت الزيتون وخضار فريش اي سلطة طبق كبير مهم كتير ليسد جوعك

بعد الغداء ب3 ساعات ارجعي كلي فواكه حبتين كفاية بيسدوا الجوع وحاجتك من السكر
بامكانك تكلي بدل الفواكه بسكويت دايت او كم حبة تمر

او لبن او زبادي دسم قليل

العشاء
حسب ما تشوفي حالك اما تكون وجبة خفيفة مثل الفطور لا تكثري بالنشويات
او كلي حبتين فواكه

المهم حاولي تتغلبي على حالة الشره الموجودة عندك وطبعا ضروري تحركي جسمك وتلعبي رياضة

الله يوفقك وتقدري تقاومي وينزل وزنك بصحة وعافية

ازيك يا قمر , حالتك دى غريبة وانصحك لازم تشوفى دكتور وتحكى له الوضع ده
انتى مسافرة فين ؟؟؟ يعنى لو بلد عربى الموضوع سهل تروحى لدكتور باطنى وهو يطلب تحاليل وكده لكن لو مسافرة بره خالص خالص كده هههههههههه زيى روحى للجى بى بتاعك وبرضو قوليلو وهو لو شايف الموضوع خطير هيحولك لاختصاصى ولو شايفه سهل ان شاء الله هيطلب منك تحاليل بسيطة برضو
انا مش باخوفك ولا حاجة ان شاء الله تلاقى كل خير لكن برضو الاطمئنان واجب مفيش حاجة اغلى من الصحة

اختى 12 كيلو بالشهر
كثير جدا خدى بالك من نفسك


وكلى اكل صحى

وعند الشعور بالاكل اشربى اعشاب

او اعملى طبق سلطة


خدى بالك من نفسك

انا بنصحك يا قمر تزوري طبيب
مو معقول 12 كيلو بشهر
انتي متأكدة

لازم تروحي للتطمني
لا تتابعي مع دكتور رجيم
بس لازم تشوفي أول شيء
شو صار في جسمك وتغير
وبعدين كملي المشوار مع نفسك

المهم تطمني
وربي يوفقك

انا مع البنات لازم تراجعي دكتور وتطمني وان شاء الله خير
واذا كان كل شئء تمام حاولي تعملي بنصيحة ام انس الله يبارك فيها

ان شاء الله ما عليكي شر---- و النظام الي قالتهولك ام انس الله يبارك فيها هو احسن نظام و الله

و الله يقدم الي فيه الخير

وعليكم السلام ورحمه الله وبركاته
بتفق مع الحلوين راجعى الدكتور
وواضح ان فعلا السكر عندك بيتحرق بسرعه
ولو ما عملتى كده ممكن يغمى عليكى فى اجسام كده
راجعى الدكتور وخدى بنصيحته وبعدين قوى ارادتك و امشى مع اى حد من الاخوا الا بالمنتدى بدايت وبينزل وزنك ان شاء الله

وينك أخت ميرولولو

تعي طمنينا عنك وشو ناوية تعملي؟
ديري بالك على حالك
الله يعافيكي يا رب