السلام عليكم
كيفكم ... انا مشتركة فهالمنتدى الرائع بس وجودي متقطع جدا...
انا وزني 85.5 كيلو وحامل جديد فالشهر الاول... قرأت قبل فترة عالمنتدى تجربة الاخت ام ياسر مريومة فالحمل وأعجبت فيها كتير.. نفسي حد يفيدني شو اعمل عشان احافظ عنفسي بهالفترة اني ما اتخن كتير... انا حاسة حالي عندي ارادة بس تنقصني المعلومات ..
ارجوكم اللي عندها اي نصيحة او معلومة ما تبخل عليا فيها...
باستنى ردودكم ياحلوين
حنونة العسوووووووووووولة

السلام عليكم

يسعد مساك عزيزتي

مبرووك الحمل الله يتم لك بخير ان شاء الله

بالنسبة لوزنك بامكانك بالارادة والتوكل على الله انك ما تزيدي زيادة كبيرة بالحمل ان شاء الله

اهم شيء نظمي اكلك وركزي على الاكل المفيد من عناصر مهمة من الالبان والخضار والفواكه والنشويات واللحوم

قاطعي بقدر الامكان الاكل المقلي ..الحلويات ..التسالي من بزر وفستق واشياء مثل هيك

كلي وجبات 3 رئيسية و2 وجبات سناك

احرصي على طهي الاكل بطريقة سليمة مشوية او مطبوخة بدهون قليلة كتير اعتمدي على زيت الزيتون بدون اكثار من الكمية

اشربي الماء كثيرا

بالنسبة للرياضة مارسي رياضة المشي هي افيد رياضة لك وما بتضرك ان شاء الله

حاولي ما يزيد وزنك الا زيادة الحمل من وزن الجنين للماء المحيط بيه للمشيمة

يعني ما بين 10 الى 12 كيلو

بعد ما تلدي ان شاء الله بتحاولي تنظمي اكلك احسن وبتنزلي الزيادة

الله يوفقك وان شاء الله الصبايا بيفيدوكي بتجاربهم

موفقة

حياكى الله اختى
طبعا ام انس ما قصرت

شو رأيك تتابعك عندى اخصائية تغذية افضل

وممكن تكتبى يومياتك هون والكل يشجعك


والله معك

السلام عليكم
تسلمولي أم انس وبلسم الجروح على اهتمامكم... اكيد نصايحك ام انس رائعة بس انا حاسة حالي مخربطة كتير .... من جهة بيجيني احساس انو هادي القصة مستحيلة وانو من الغباء اني افكر اني حأخس وانا حامل خصوصا انو تجارب اللي خسو في الحمل بصحة ورشاقة قليلة جدا... ومن جهة تانية حابة الاقي نظام معين امشي عليه من غير تخبيص...
فكرة اني اروح عند تخصائية تغذية صعبة حاليا بس حاحاول انشالله
بس حد فيكم بيعرف الصحي ابلش هلأ وللا بعد الشهر الرابع؟؟؟
شاكرة كتير الكم وبتمنى تواصلكم الدائم معي لاني بجد المرة هادي نفسي اتحدى نفسي وانتصر عليها...
دعواتكم

ﺣﺒﻴﺒﺘﻲ ﺍﻧﺎ ﺣﺎﻣﻞ ﺑﺎﻟﺸﻬﺮ ﺍﻟﺴﺎﺩﺱ و ﺻﺮﺕ ﻧﺎﺯﻟﻪ ﻋﺸﺮﻳﻦ ﺑﺎﻭﻧﺪ ﻣﻦ ﻭﺯﻧﻲ ﻧﻊ ﺍﻧﻲ ﺑﺎﻟﻌﺎﺩﻩ ﻣﺴﺘﺨﻴﻞ ﺍﻧﺰﻝ ﻟﺎﺳﺒﺎﺏ ﺍﺻﺎﺑﺘﻲ ﺑﺎﻟﻐﺪﻩ.
ﻟﻜﻦ ﺍﻟﻠﻲ ﺣﺼﻞ ﻣﻋﻲ ﻣﻦ ﺍﻭﻝ ﺣﻤﻠﻲ ﻛﻨﺖ ﺍﺷﺘﻬﻲ ﻛﻞ ﺍﻧﻮﺍﻉ ﺍﻟﺎﻛﻞ ﺣﺘﻰ ﺍﻟﺴﻤﻚ و ﺍﻧﺎ ﻧﺎ ﺑﺎﻛﻠﻪ ﺍﺳﺎﺳﺎ ﻓﻜﻨﺖ ﺍﻛﻞ ﺑﻜﺜﺮﻩ و ﺑﻌﺪ ﺍﻟﺸﻬﺮﻳﻦ ﺷﺎﻟﺖ ﻧﻔﺴﻲ ﻣﻦ ﺍﻟﺎﻛﻞ ﺑﻂﻠﺖ ﺍﻗﺪﺭ ﺍﻛﻞ ﻣﻦ ﻣﺜﺮ ﺍﻟﺎﺳﺘﻔﺮﺍﻍ و ﻋﻠﻰ ﻓﻜﺮﻩ ﻃﻮﻝ ﺍﻟﻔﺘﺮﻩ ﺍﻟﻠﻲ ﻛﻨﺖ ﺍﻛﻞ ﻓﻴﻬﺎ ﻛﻨﺖ ﺍﺧﺲ ﺑﺎﻭﻧﺪ ﺍﻭ ﺍﺛﻨﻴﻦ ﻛﻞ ﺍﺳﺒﻮﻉ و ﺣﺎﻟﻴﺎ ﺑﺎﻟﺸﻬﺮ ﺑﺎﻭﻧﺪﻳﻦ ﺑﺎﻟﻜﺜﻴﺮ ﺍﻟﻤﻬﻢ ﺍﻧﻲ ﻣﺎ ﺑﺰﻳﺪ.
ﺍﻛﻠﻲ ﺧﻔﻔﺖ ﺍﻟﺪﻫﻨﻴﺎﺕ ﻟﺎﻧﻬﺎ ﺑﺘﺴﺒﺐ ﻟﻲ ﺍﻟﻐﺜﻴﺎﻥ و ﺍﻟﻘﻴﺀ و ﺧﻔﻔﺖ ﺍﻟﻜﺮﺑﻮﻫﺎﻳﺠﺮﺍﺕ ﺑﺮﺿﻪ و ﻛﺜﺮﺕ ﻣﻦ ﺍﻛﻞ ﺍﻟﺨﻀﺎﺭ ﺍﻟﺨﺲ و ﺍﻟﺨﻴﺎﺭ و ﺍﻟﻔﻠﻴﻔﻠﻪ ﺑﺎﻟﺘﺤﺪﻳﺪ ﻟﺎﻧﻬﻢ ﺳﺎﻋﺪﻭﻧﻲ ﻣﻊ ﺍﻟﺤﺮﻗﻪ و ﺍﻟﻐﺜﻴﺎﻥ ﻓﻮﺍﻛﻪ ﺑﺎﻛﻞ ﺣﺒﻪ ﺍﻭ ﺣﺒﺘﻴﻦ ﺑﺎﻟﻴﻮﻡ و ﺗﻠﺒﺮﻭﺗﻴﻦ ﺑﺤﺎﻭﻝ ﺍﻧﻲ ﺍﻛﻞ ﻣﺘﻪ ﻣﺮﺯﻳﻦ ﻋﻠﻰ ﺍﻟﺎﻗﻞ ﺑﺎﻟﻴﻮﻡ ﻳﻌﻨﻲ ﻋﻠﻰ ﻭﺟﺒﻪ ﺍﻟﻐﺪﺍﺀ و ﺍﻟﻌﺸﺍﺀ.

ﻫﻠﺎ ﺍﻧﺴﻲ ﺍﻟﻠﻲ ﺑﻴﻘﻠﻚ ﺑﺘﺎﻛﻠﻲ ﻋﻦ ﺍﺛﻨﻴﻦ ﻟﺎ ﺍﻧﺘﻲ ﺑﺘﺎﻛﻠﻲ ﻋﻦ ﺷﺨﺺ ﻭﺍﺣﺪ ﻣﻊ ﺍﺿﺎﻓﻪ ﺍﻟﻔﻴﺘﺎﻣﻴﻨﺎﺕ و ﺍﻟﺴﺒﺐ ﺍﻧﻪ ﺍﻟﻂﻔﻞ ﻧﺎ ﺑﻴﺎﺧﺬ ﺍﻟﺎﻛﻞ ﻣﻨﻚ ﺑﺸﻜﻞ ﻣﺒﺎﺷﺮ ﺍﻧﻤﺎ ﺑﻴﺎﺧﺬﻩ ﻣﻦ ﺩﻣﻚ ﺍﻥ ﺩﻣﻚ ﻗﻮﻱ ﺍﻟﺒﻴﺒﻲ ﺑﻨﻤﻮﺍ ﺑﺸﻜﻞ ﺳﻠﻴﻢ ﺍﻥ ﺷﺎﺀ ﺍﻟﻠﻪ
ﺑﺮﺿﻪ ﺑﻌﺪﺕ ﻋﻦ ﺍﻳﺎ ﺷﻲ ﺍﺳﻤﻪ ﺳﻜﺮ ﻣﺶ ﻋﺎﺭﻓﻪ ﻟﻴﻪ ﺟﺴﻤﻲ ﻣﻨﻪ ﻣﺘﻘﺒﻞ ﺍﻟﺤﻠﻴﻮﺍﺕ ﺍﺟﻤﺎﻟﺎ ﺣﺘﻰ ﺍﻟﺸﺎﻱ ﺑﺸﺮﺑﻪ ﺑﺪﻭﻥ ﺳﻜﺮ. و ﺍﺑﻌﺪﻱ ﻋﻦ ﺍﻟﻤﺸﺮﻭﺑﺎﺕ ﺍﻟﻐﺎﺯﻳﻪ ﺑﺎﻧﻮﺍﻋﻬﺎ ﺍﻟﻠﻲ ﺑﻴﻘﻠﻚ ﺍﻟﺴﻔﻦ ﺍﺏ ﺍﻓﻀﻞ ﻣﻦ ﺍﻟﺒﻴﺒﺴﻲ ﻏﻠﻂﺎﻥ ﻫﻮ ﺍﻓﻀﻞ ﻣﻦ ﻧﺎﺣﻴﻪ ﺍﻧﻪ ﻣﺎ ﻓﻴﻪ ﻛﺎﻓﻴﻴﻦ ﻟﻜﻦ ﺍﻟﺴﻜﺮ ﻧﻔﺲ ﺍﻟﺴﻜﺮ و ﺍﻟﻐﺎﺯ ﻧﻔﺲ ﺍﻟﻐﺎﺯ.
ﺗﻠﺨﻴﺼﺎ ﻟﻜﻠﺎﻣﻲ ﺧﻠﻲ ﺍﻛﻠﻚ ﻛﻠﻪ ﺻﺤﻲ ﺍﺑﻌﺪﻱ ﻋﻦ ﺍﻟﻨﺸﻮﻳﺎﺕ و ﺍﻟﺤﻠﻮﻳﺎﺕ و ﺍﻟﺪﻫﻮﻥ ﺍﻟﻀﺘﺮﻩ. ﺍﺳﺘﺒﺪﻟﻲ ﺩﻫﻮﻧﻚ ﺑﺪﻫﻮﻥ ﻣﻔﻴﺪﻩ ﻧﺜﻞ ﺯﻳﺖ ﺍﻟﺰﻳﺘﻮﻥ ﺍﻭ ﻗﻠﻴﻞ ﻣﻦ ﺍﻟﺰﺑﺪﻩ ﺍﻭ ﺣﺒﻪ ﺍﻓﻮﻛﺎﺩﻭ ﺍﻭ ﻣﻠﻌﻘﻪ ﻓﻮﻝ ﺳﻮﺩﺍﻧﻲ و ﺍﻟﻨﺸﻮﻳﺎﺕ ﺍﻥ ﻣﺎ ﻗﺪﺭﺗﻲ ﺗﻮﻗﻔﻴﻬا ﺣﺪﻳﻬﺎ ﻟﺮﺑﻊ ﻛﻤﺎﺟﻪ ﻋﻠﻰ ﺍﻟﻮﺟﺒﻪ. ﺻﻌﺐ ﺻﺢ??? ﻟﺎ ﺍﺑﺪﺍ ﻟﻤﺎ ﺗﺒﺎﺷﺮﻱ ﺑﺎﻛﻞ ﺍﻟﺨﻀﺎﺭ ﺑﻜﺜﺮﻩ ﺑﺘﺤﺴﻲ ﺑﺸﺒﻊ و ﻟﺎ ﺑﺘﻔﺘﻘﺪﻱ ﺍﻟﻜﺮﺑﻮﻫﻴﺪﺭﺍﺕ ﺑﺎﻟﻤﺮﻩ, .ﺍﺑﻌﺪﻱ ﻋﻦ ﺍﻟﻤﻂﻌﻤﺎﺕ ﻣﺜﻞ ﺍﻟدﺮﻳﺴﻴﻨﺞ ﻟﻠﺴﻠﻂﻪ ﺻﺪﻳﻘﻚ ﺍﻟﻌﺰﻳﺰ ﻓﻲ ﻫﺎﻟﺤﺎﻟﻪ ﺑﻴﻜﻮﻥ ﺍﻟﻠﻴﻤﻮﻥ.
ﺍﻟﻠﻪ ﻳﺘﻤﻢ ﻟﻚ و ﻟﻲ و ﻟﻜﻞ ﺍﻟﺤﻮﺍﻣﻞ ﻋﻠﻰ ﺧﻴﺮ ﺍﻥ ﺷﺎﺀ ﺍﻟﻠﻪ.

عزيزتي توتا... يسلمو عردك الحلو اكيد استفدت منه كتير... بس بما انك متلي حامل قوليلي شو الصح اني امشي عنظام ريجيم صحي متكامل...وللا لو مشيت عنظام التخفيف وتنظيم الاكل ممكن الاقي نتايج حلوة فهالتسع شهور؟؟؟؟
انا محتارة كتير شو الافضل لاني بصراحة الي اسبوع بحاول اتبع نظام متكامل بس مش ظابط معي غير التخفيف فهل ياترى حالاقي نتايج فالنهاية....
وعندي مشكلة كبيرة مع الرياضة ... انا صعب اطلع من البيت امشي؟ وكمان بيتي مش وواسع لامشي فيه وماعندي خلق العب تمارين رياضية...ز
ماتبخلو عليا بمشاركاتكم ياحلوين

حنيييين اهلا بيك ياغلية وحشتينا
ياترى بتتذكريني كنت مشتركة معنا مع ابلة ندا الله يمسيها بالخير وما قدرتي تنتظمي بسبب ظروف الكهربا بغزة
المهم مبروووووووووك عليك الحمل الله يسهلك الحمل والولادة يارب ويرزقك جنين تام الخلق والخلقة يارب العالمين
زي ما اقلولك البنات
كتير مننا في الحمل بتفتح نفسها عالبحري وبتتصور انه طالما حامل من حقها تاكل مما لذ وطاب دون حساب
والحجة البيبي والبيبي حياخد اللي محتاجه والباقي حيتراكم عندك على شكل دهون وشحوم
انا راي صعب تنزلي وزنك مع الحمل بس اضعف الايمان خليك محافظة عليه بدون زيادة احضمن ليك ولصحة الجنين
وامنا كمان مش من انصار انو لازم يكون عندك برنامج معين تتبعيه بالورقة والقلم انما انت قيمي يومك بنفسك شوفي المفيد وكليه وةابتعدي عن الاكل الضار بين الوجبات وركزي عالبروتينات والالبان والخضار والفواكة ولازم كمان النشويات بس بحساب
تعالي اكطتبيلنا نموذج من يومياتك والبنات ما يقصروا يقوموك ويقولك الصح والغلط
تعالي طمنينا عنك دايما

وكمان انا مش من انصار المشي لسة انت في الشهر الاول والحمل ما تركز واتثبت خلي لمشي لبعد الشهر الثالث والله اعلم ربنا يقويك يارب

وانا ولو كانت هناك تجارب تقول انه ممكن تنحف
بس كلهم بالخارج وعندهم متابعات عند دكاترة بشكل رائع مو مثلنا
وخصوصا لما عرفتك بغزة
أنا لما حملت بأبني الثاني كان وزني تقريبا 75
وقلت للدكتورة أنه بدي اخفف من اكلي وووو

قالت لي وهي دكتورة رائعه وخبيرة بشهادة الجميع

قالت لي طبعا لا وألف لا
حاولي تنظمي أكلك وتزيدي من الفواكة والخضار
هذه النصيحة الوحيدة
ولو جعتي بالليل كلي فاكهه أو خضار فقط
والحلو لا تزيدي مرة عن الاسبوع إلا اذا اشتهتيها بكثرة
فخذي قطعة صغيرة كل ما اشتهيتي وما قدرتي تقاومي

وكلي رز وخبز وزيت زيتون
حاولي يكون غذاءك كله صحي
بس انك تعملي رجيم
هذا مش بمصلحتك أبداا


وكمان برضه لست من أنصار الرياضة بالحمل بالأشهر الأولى
لأنه أحنا مش أطباء نقولك أعملي رجيم ورياضة واحنا مش عارفين بالضبط شو حالتك
وشو تاريخك الطبي
صح ولا لأ؟؟؟


أنا هذا رأيي
وربي يوفقك يااااااااااااااارب

حكايات القمر.... قديش مبسوطة انك لسة فاكراني... وانت وحشاني كتير والله فاكرة قديش دماتك خفاف وحبابة.... خبريني لوين وصلتي وقديش صار وزنك خليني اغار منك...
شكرا بنت الاحرار عردك .... انا حاحاول التزم بالتخفيف وربنا يسهل ياااااااااااااارب...
بس عندي اقتراح... بينفع متلا تعملو جروب للحوامل اللي متلي عاساس نتواصل سوا ونستفيد من تجارب بعض...
اذا في امكانية ردو عليا