انا متزوجه لدي ثلاث اطفال ربه بيت احارب السمنه واكرهها واحس ان كل واحده منا لو زاد كيلو واحد مع كل التجارب والوسائل والافكار للتخسيس لو زادت معناه انها غير مباليه وفوتت على نفسها فرصه وذلك لكي لا يزيد وزنك لكي لا تضهر المعالم الخلفيه المقرفه اثناء المشي والعمل في البيت والخارج لكي لا تنحرجي بكرش صامد او رقبه مرصعه بالشحوم او خواصر ملبده بغيوم الخير العطاء الخير من السكريات والدهوون والمحاشي والمقالي والولولول هناك امور التزمتها حتى لا اتحول الى كره يرمي بي الزمن الى الوراء لان السمنه تكبر من اعمارنا 00000 كعدي من الصبح ولا تضلين بالفراش تحضنين اللحاف والغرامات تتلبد بضهرج فزي وشربي ثلاث اكواب من المي الدافي والريوك زين وبعدين ابدي بعمل البيت واجهدي نفسك بالتنضيف والمسح الرقص اثنا العمل والحركه السريعه مو عيب الدرج الدرج وما ادراك ما الدرج اصعديه بدون وصله وبسرعه حتى لو تعبانه هذا بعد اخسن اغاتي اني اغسل الملابس واحس كل الكيلوات تطير بالهواء مع نشر الغسيل
وحتى الطبخ ما يطلع طيب اذا ما نركص
الحبل شكو بيهه اذا لعبت شوي ويه الجهال طبعا ابو الجهال اكثر المرات ميدري بهالملاعيب
المشي بالسوك بالحر مال بغداد يخبل يحرك الاكو والماكو
طبعا الصلاة شي مهم للنشاط
والاطفال والاهتمام بيهم غسلي لهذا مشطي لهذا بدلي روحي وكلي روحي تعالي ولازم كلشي نضيف ومرتب
اذا رتبتي الملابس هذا معناه جلوس وعندي ممنوع اصفط شوي واكوم احطهه بالكنتو وكومه كعده كومه كعده هسه تره اني كاعده عانت بس احرك برجلي بقدمي ههههه
تعزيلات بالبيت المسح على ايدي يعني اني دائما اتعرق بالحركه بالبيت لان اتعب نفسي خوفا من شيء اسمه سمنه
تصدقون اني مرات ماعندي شي واذا ماكو احد بالبيت اشيل احد من الجهال واركض بي مثل المجنونه بين الغرف والممرات ههههههههههههههههههههوطبعا الجاهل مكيف وبكركر مثل ما يكون بمدينه الالعابهههههه
هذا غير اللعب المتوحش معاهم وارجو اني تذكرت كل شيء عن حياتي ومحاربه السمن رئيكم مهم
الروابط المفضلة