أغلى الناس على قلب الإنسان بعد الرسول صلى الله عليه وسلم هم أولاده...
ولأنهم أغلى ما نملك نتمنى لهم الخير دائما ...
السمنة من أكبر المشاكل الي بعاني منها اولادنا ،،بسبب الوجبات السريعة وبسبب بطاطا شيبس ، وكمان حتى يأكل اولادنا الأكل النظيف تعلمنا أن نعمل هاد الأكل في بيوتنا حتى نضمن النظافة ولكن نتجاهل ان السعرات الحرارية موجودة بكثرة سواء كان الأكل من المطاعم او عملناه داخل البيت..
بنتي عمرها 11 سنة كان وزنها زايد عن الطبيعي وهي اصغر , حاولت معها كتير ولكن: لقد أسمعت إذ ناديت حيا ولكن لاحياة لمن تنادي
لما تشوف الأكل والحلويات تنسى كل الي قلته وتوكل كتير حتى ما تقدر تتنفس ..
وانا ابكي عليها
وخواتها الي أكبر منها يسمعوها حكي ولكن ضلت الحال على ما هو حتى بلغت البنت وزاد وزنها كتير مع البلوغ ، صرت اشتري لها الملابس الفضفاضة . وفي الحفلات خواتها يكون لبسهم احلى لأنو هيي تحكمني بكبر حجمها..طولت عليكم بعرف بس استحملوني،، حابة انكم تعرفوا المشكلة كلها من اصولها..
زادت البنت ازدياد كبير وصار وزنها كبير كتير ،،
اتوكلت على الله وسألت ناس كتير عن انواع الريجيم حتى اتبعوا لبنتي غصبن عليها، سمعت من وحدة قريبتي انو هيي كان وزنها 85 كيلو بس صارت توكل بذر الكتان قبل الوجبة بنص ساعة، وبقدرة الله نزلت بسرعة لأنو بعطي احساس بالشبع وبالتالي ما بوكل كتير ونزل وزنها بسرعة ..
بس المشكلة كيف بدي اقنع بنتي
فحكيت انو لازم اجبرها لمصلحتها مو لازم أسايرها بإشي يأثر عليها تأثير سلبي..
اطلعت انا وإياها مشوار فرجيتها فستان وحكيتلها هاد الفستان ازا بتنزلي من وزنك بشتريلك اياه لحفلة اختك لما تنجح بالثانوية العامة سكتت وصارت تتطلع على الفستان بإعجاب..
وحكيتلها اذا بتنزلي من هون ليوم السبت"وكان يوم الثلاثاء" بعطيكي مبلغ مالي يوم السبت..وورجيتها البنات الي هم انحاف كيف انو اللبس عليهم احلى وهيك ضليت معها حتى اقتنعت توكل الكتان والحمد لله خلال 4 ايام نزلت 2كيلو ونص فرحت كتير واخدت الهدية وهيي مبسوطة
وهيوتها بتنزل اكتر وصارت تلبس ملابس ما كانت تقدر تلبسهم من قبل والحمد لله صارت هيي تدير بالها على حالها .. وكل مالها بتنزل اكتر بس ما بقللها من الأكل متل الريجيم الي بتعب يعني ما بخسر جسمها من المواد اللازمة للنمو
كل ما فيها انو لما توكل الكتان بتوكل بعدها صحن واحد بدل من اتنين وتلاتة
الحمد لله وعشان افيد غيري أخدت على عاتقي انو اخبر كل الي بعز علي
ارجو انو تفيدكم التجربة..
وجزاكم الله خير لأنكم طولتو بالكم معي ..
والسلام عليكم ورحمة الله وبركاته.
الروابط المفضلة