خبر اليوم هو تقرير اصدرته هيئة الزراعة فى امريكا تحدد فيه اى المنتجات الزراعية يجب ان تتناوليها عضوية...يعنى مزروعة بطريقة خالية من اى اضافات كيماوية ومبيدات حشرية ..وايها يمكن ان تستخدم مزروعة بالطرق التقليدية...طبعا استند البحث الى
تجارب عملية ..جابو النبات المزروع تقليديا ..غير عضوى يعنى ..وغسلوه جيدا ..وعينوا فيه نسبة احتفاظه بالمبيدات والكيماويات..واستخدمو بنفس الطريقه النبات المزروع بطريقة عضوية ..وشافو نسبة احتفاظه بالمبيدات والكيماويات..لاحظو حاجة ظريفة ..النباتات نوعين ...نوع لا يحتفظ بالكيماويات والمبيدات ..وده بالتالى يكفى غسله جيدا لاستخدامه ولا يحتاج استخدامه عضويا ودى ١٤ نبات هى كالتالى :
- البصل ..وده على القائمة الآمنة
- فاكهة الافوكادو
- الذرة ..اشووا براحتكم يا ستى
- الاناناس ..الحمد لله لانى بحبه
-المانجو ..يا فرج الله
- البسلة ..ريحتو قلبى
- الهليون.. ده بتاع الناس الاكابر
- فاكهة الكيوى ..مبستظرفهاش
- الكرنب ..افرحى يا ستى واحشى براحتك
- الباذنجان مبيحبنيش
- الكانتالوب ..ازغرط ياولاد
- البطيخ ...اجدع ناس والله
- الجريبفروت
- البطاطا ..عشان منوقفشى حال حد
- الموز
ووجدوا النوع التانى شديد الاحتفاظ بالكيماويات والمبيدات لقو فيه حوالى ٤٧ ملوث.وعليه فشراء الغير عضوى منه مغامرة مضرة بالصحة ..وهى مايلى :
- الكرفس ..اسوؤها
- الخوخ ...يا خسارة
- الفراولة ..ياصلاة النبى
- التوت الازرق...مش عندنا
- الفلفل الرومى ...معلش
- السبانخ ..من زمان بشك فيكى
- الكريز ..بتاع الناس المدلعة
-البطاطس ..يا محاسن الصدف
- العنب ..صدمتونى ناكل من عنبة بيتنا
- الخس ..سمعتك سابقاك من زمان
- التفاح
تعليق :
- القائمة الاولى يسمونها القائمة النظيفة
- القائمة الثانية يسمونها القائمة الغير نظيفة
-ده فى امريكا امال فى المحروسة تبقى ايه
- بيفسرو الفرق بانه الطائفة الاولى اقل امتصاص جدا للكيماويات المرشوشة عكس التانية وده لتركيب نباتى معين
- فى جميع الحالات اشطفى النبات بماء الحنفية القوى حتى لو من نباتات القائمة النظيفة
-طبعا فى علاقة وثيقة بين امراض الكلى والكبد والسرطانات وبين البقايا الكيماوية والمبيدحشريى فى النباتات وغيرها
الروابط المفضلة