السلام عليكم و رحمة الله و بركاته
انا عارفقة ان محدش هيساعدنى غيركم بعد ربنا سبحانه و تعالى . باختصار انا ولدت من 6 شهور و كان وزنى قبل الحمل 65 وزاد اوى فى الحمل لحد لما وصل ساعة الولادة ل 94 كيلو مع العلم ان طولى 165 سنتيمتر و خسيت 2 كيلو بس ووزنى دلوئتى 92 و مش عارفة اخس خالص و فى ترهلات جامدة اوى فى بطنى ده غير علامات التمدد الى مخليه بطنى شكلها فظيع و انا برضع طبيعى و باكل بشراهة و اكتر من وجبه فى اليوم غير الشيكولاتة و البسكويت ولما احاول ابطل الاكل او اقلله احس بهبوط فظيع و جوع و مش زيادة الوزن بس هيه الى مضيقانى لاة ده بشرتى كمان مليانة حبوب و دمامل بشكل صعب اوى و الدكتورة قالتلى ان الهرمونات عندى ملخبطة و مش هتتظبط الا لما ابطل الرضاعة ده غير شعرى الى بيقع و اخشن اوى و فوق كل ده عندى اسمرار جامد اوى بين الفخادو المنطقة الحساسة و حكة جامدة و هرش فى منطقة البكينى . انا متضايقة اوى من شكلى و مخنوقة و مكسوفة اوى اوى من زوجى و مفيش علاقة خاصة بئالنا 8 شهور و انا الى بتهرب لأنى مكسوفة اوى منه و بئيت حاسة انه بيتجاهلنى و نظرته ليه اتغيرت ارجوكم ساعدونى و انقذوا جوازى انا حاسة ان انا و زوجى بنبعد عن بعض كل مدى و مش عارفة اعمل ايه . شجعونى او اعملولى نظام لكل حاجة و خصوصا خصوصا جسمى و بشرتى و الاسمرار الى بين الفخاد. ارجوكم ساعدونى لانى حاسة انى داخلة فى اكتئاب بسبب الحاجات ديه كلها . انا لواحدى فى الامارات و اهلى كلهم بعيد عنى .
الروابط المفضلة