حملة هأخس و ابقي أمورة و ألعب مع ولادي الكورة (جزء تمهيدي)
ازيكم يا بنات
أولا وحشتووووووووووووووووووووووووني جدا ووحشني ركني الغالي و بيتي الأول في المنتدي
ثانيا: المهم بقي الموضوع
انا طبعا زي ما انتم عارفين ولدت من 40 يوم بالظبط الأستاذ مازن و الحمد لله و بعد الظروف اللي انتم عارفينها الحمد لله يا رب قررت اني ابدأ في نظااااااااااااااااااااااام للأكل عشان انا خلاص بقيت فيل بزلومة ههههههههههههههههههههههههه
قلت ياللا ابتدي علي بركة الله و طبعا أكيد ما ينفعش ابدأ من غير أحلي بنوتات معايا نشجع بعض و ربنا يعيننا بس انا اتعملت من متابعتي للركن أثناء فترة الحمل حاجات كتيرررررررررررررررة حلوة و صحية وقررت اني استعملها و طبعا معاكم
نبدأ علي بركة الله
اسم الحملة :
هأخس و ابقي أمورة و العب مع ولادي الكورة
تاريخ بداية الحملة :
السبت 5/6/2010
الهدف من الحملة:
لغير المرضعات:
فقدان الوزن بطريقة صحية و بنظام صحي و لا يقبل غير نظام صحي لا ينقصه اي عنصر من عناصر التغذية
للمرضعات:
فقدان الوزن بدون ان يقل لبن الأم مع الاتجاه الي اتباع نظام غذائي صحي تماما
شروط الانضمام للحملة:
طبعا سام الحملة بيدل علي اهدافها
يعني هأخس و أبقي أمورة (يعني هأعمل ريجيم صحي )
و العب مع ولادي الكورة (يعني هألعب رياضة و أتحرك و أخرج من صورة الأم في الأفلام المصرية القديمة انها لازم تكون تخينة و مربربة و مش قادرة تتحرك
لا هأبقي أم رشيقة و ألعب مع ولادي الكورة من غير البيت ما يتهد ههههههههههههههههههههههههههههه)
1- الالتزام التااااااااااااااااااااام والحماسة و الهمة العالية و الروح المعنوية المرتفعة
2- الالتزام بنظام غذائي صحي لا ريجيم كيمائي و لا ريجيم النوع الواحد و لا غيره
3- الالتزام بكتابة اليوميات بصدق
4- الالتزام بالريااااااااااااااااااضة و هنا بقي ليا وقفة
الالتزام بالحركة المتواصلة لمدة لا تقل عن نصف ساعة
يعني تعملي رياضة ماشي
تمشي ماشي
ترقصي زي حالاتي ماشي اوي
تلعبي مع ولادك بالكورة زيي بردو ماااااااااااشي
المهم حركة
في الحركة بركة
5- الالتزام بالميزان كل أسبوع يوم الجمعة ان شاء الله
6- شرب الماء و السوائل (للمرضعات) بكثرررررررررررررررررررررررة و ما تنسوش احنا في الصيف
عدد أفراد الحملة
مطلوب 9 بنوتات معايا عشان نبقي 10
طيب و من هنا ليوم البداية يوم السبت هنعمل ايه؟
هنستعد
ازاي؟
اولا استحضار النية لله خالصة و كمان هنجهز نفسنا بقي و نعلي الهمة و نشجع بعض
ثانيا : طبعا احنا أول الشهر يعني لسة هنشتري أكل البيت فررررررررررررررررصة اشتري أكل صحي و احذفي الأكل اللي مالوش لازمة
يعني اشتري لبن و زبادي و جبنة ملح قليل
و هاتي فاكهة و خضار كتير
قللي الحلويات و ما يساعدك علي عملها بالمنزل
اشتري عيش الحبة الكاملة (اسمر يعني)
و خلي بالك بقي من الشيكولاتات و الذي منه
ولو مرضعة
هاتي بقي شمر و كراوية و ينسون لزوم ادرار اللبن
و لو مش مرضعة ياللا
هاتي شاي لخضر و زنجبيل
ياللا اللي عايزة تنضم تدخل بسرعة و تقول اسمها وطولها ووزنها ومقاس محيط خصرهاو فيه فرصة للوزن لغاية يوم الجمعة للناس اللي ما وزنتش و انا منهم
و تقول مستعدة تلتزم بالنظام معانا و الا لأ و اهم حاجة تقول لنفسها
هأخس و ابقي امورة و العب مع ولادي الكورة
كتبت بواسطة ♥أم عبد الله♥
الروابط المفضلة