بسم الله الرحمن الرحيم
السلام عليكم ورحمة الله وبركاته عزيزاتي الغاليات في منتدى لكي ومشرفاتي الفاضلات اشتقت لكم ولي منتداي الغالي
احببت ان اهني كل المشاركات والفائزات في مسابقات التنحيف ومباركتهم وامنيتي لهن بالتوفيق والنجاح واناشخصياكنت اكبرمستفيدةمن كل كلمةاوموضوع او مناقشة طرحت في هذا الصرح الشامخ الذي اهداني الكثير وشجعني لان استمرواستفيدمن مشرفاتناالغاليات اواخواتي العزيزات
تجربتي في انقاص وزني من افضل التجارب التي مرت علي فلقد كانت اول بداياتي من شهر ثمانية حينها بدات اشفق على جسمي واني حملته مالايطيق
كان وزني حينها 85تقريبالاني وقتهاكنت قدوضعت مولودي
تصدقون وقتها على بالي اني نحيفة واني مااحتاج الى انقاص وزني لاني مقتنعة تماما اني نحيفة وبمجردلبس بنطالي شفت النحافةعلى اصولهاورفض يدخل البنطال
وبعدين قلت يابنت شدي حيلك مايجي العيد على الاقل الا وانتي خفيتي شوي قولوا بديت على بركة الله وخففت اكلي فقط وكانت فرصة يوم جاء رمضان وقتها نقصت من وزني 2كيلو واستمريت على التخفيف حتى جاء العيدنزلت من وزني5كيلو حلوين قلت احسن من لاشيء ويوم حسيت اني خفيت شوي قلت لازم اكمل المشوار على اني كنت اكل كلشي بس تخفيف رحت على الميزان شفت اني وصلت 78 قلت كويس واستمريت على التخفيف قرابة الشهرين وقتها كنت العب رياضة بالدراجة و شاركت امي معي واختي علشان نتحمس شوي ونشيل الكسل والشحوم .على انو اختي ماتحتاج ماشاءالله جسمها يجنن بس ماتبغى تفشلني وفي نفس الوقت تشجعني
وماتصدقون يابنات اني حينها كنت احرم نفسي من بعض الاشياء الي احبهاوكنت اشرب شوربه الحارقة ولقيت نتيجة مرضيه وخسيت 3كيلو استانست مرة وقلت لازم اكمل مشواري مع منتداي الغالي واشوف واتصفح حتى حطت عيني على مسابقة كانت ام عبدالله مشرفتنا الغالية قد اعلنت عنها وبدون لف ودواران شاركت على طول وشديت حيلي وحققت المركز الاول في رشيقة محرم وكله يعود لله ثم اخواتي وتعاونهم وعلى راسهم ام عبدالله وماتصدقون وقتها كنت طايرة من الفرح اني وصلت لي وزن68 كيلو وبعد اشتركت في مسابقة صفر لكن جتني ضروف وانقطعت حتى وقتكم هذا الي انا جالسة اسرد عليكم نجاحي وحلمي الي اتمناه من زمان اني اصبح نحيفة ورشيقة وطبعا كملت مشواري وصرت اتمرن كل يوم وبالساعات بعدما كانت بالدقايق وقدرت اتغلب على نفسي وعلى شهيتي واصبحت الاحظ مقاساتي تغيرت وصارت ملابسي واسعه واضطريت لشراء بعض الملابس الجديدة وكانت هديه من زوجي على قد ماهو فرحان عشاني وكان دايم ينصحني يقول لي اذاتبغين تنحفي لازم تصبرين على نفسك وتحررين جسمك من الشحوم
والامراض مستقبلا وقد اخذت بنصيحته وكانت اهم نقطة غيرت حياتي
الحين صار وزني من68 الى55 قولوا ماشاء الله ولسى انا اطمح للباقي واوصل 40 كيلو امين.
نصيحتي لكم:
1اشربو الماء بكثرة
2اشربو مشروبات ساخنة مثل الزنجبيل لانها ساعدتني كثير.
3مارسوا الرياضة يوميا مثل المشي لها مفعول قوي في نحت الجسم .
4كافئو انفسكم كل اسبوع مره فله حافز قوي عليكم.
5اهتمو بالاكل الصحي والفواكه والخضروات .
واخيرا دعواتكم لي وهذه تجربتي بين ايديكم.
الروابط المفضلة