انا بعمل رجيم حلو جدا جدا ومن غير ما تحسي حتلاقي نفسك خسيتي بإذن الله ومفيش منه اي ضرر
السر في
*انك تاخدي كوب ماء دافي واعصري عليه نصف ليمونه في الصبح الباكر اول ما تصحي وهوا في نفس الوقت بيخسس وبيحمي الجسم ويزود مناعته لوجود الليمون ومفيد لليومين دول علشان البرد والانفلوانزا ههههههههههه
*تاني حاجه بفطر عاديباكل كل اللي عايزاه بس مش بكتر باكل حبه صغيرين يشبعو بس باكل كل اللي في نفسي وبستخدم العيش الاسمر اللي بالرده
*وعلى الغذاء بتغدى الغدا العادي بالسمن عادي بس مش بكتر وباكل زي ما انا عايزه بس مثلا لو دجاج بكتفيب نصف سدر مع قليل من الرز والخضار (الطبيخ) عادي جدا
*بس باخد بعد الغدا كوب شاي اخضر بدون سكر
*وعلى العشاء بكتفي بالزبادي مع ملعقة عسل نحل
*وباخذ كوب بردقوش بدون سكر وعلى فكره البردقوش مذيب للدهون بطريقه جميله جدا وبيتجاب من عند العطار وريحته حلوه جدا وفي منه باكتات زي الشاي وكمان بيعالج الصداع وبيزيل حب الشباب
والسر يا حبيباتي في الاكواب الثلاثه هوه اللي بيخسس مع التقليل في الاكل بس كلي اللي نفسك فيه
بس حتحسي بكدا بعد فتره يعني اوزني نفسك بعد شهر وقوليلي خسيتي وللا لأ طبعا حتخسي ان شاء الله
والميزه هنا انك مش بتحسي انك بتعملي رجيم خالص والحلو انك فترات بتخسي وفترات بتثبتي بس عمرك ما حتزيدي في الوزن لو واظبتي عليه
الطريقه دي بعملها انا وقريباتي وقلتها لصديقاتي العزيزات وكلهم شكروني
والله الموفق والسلام عليكم ورحمة الله وبركاته
الروابط المفضلة