@ @ ( مسابقه تحدى نفسك ) الفريق الثالث @ @

الاخت فتاه الغموض اعتذرت عن قياده الفريق

طيب هما فين باقى الأخوات
عشان نتفق مع بعض ؟؟

انا اسفه يا بنات مكنتش عارفه مكانى فى الفريق لكن الاخت الراجيه بلغتنى وجزاها اللا كل خير شوفو انا ايه اللى ممكن اعمله معاكم وانا حاضره انا اقترح اسم الفريق هو فريق الرشاقه علشان يكون عندنا عزيمه

وانا كمان يا بنات معاكم فى الفريق وحلو اوى الاسم حبيبتى انا عاجبنى yehia2007
هو انتىاسمك الحقيقى ايه ؟؟؟؟؟ عشان نسهل على بعض انا هند

انا سمسم ام نور

واللة يا بنات حلو الاسم كتير بس اية رأيكم نخلى أسمة (اللة المستعان) عشان ربنا يعينا ويقوينا على التحدى ممكن تكتبو الردود بأسم أم سيف اسهل ويا ريت نتواصل ونتفق متى نبدأ التحدى واللة المستعان

اسفة يا صديقاتى انا بكون موجودة فى الصباح فقط بس موجودة كل يوم وان شاء اللة متواصلة معكم

مرحبا أخواتي
أنا معاكم في الفريق
اسفة على تاخري في الدخول للموضوع

و انا عجبني اسم فريق الرشاقة

بس مين رح تكون قائدة الفريق

باتظاركن اخواتي

اخواتى انضمت الى الفريق الاخوات عرنوش وزعفرانة حلوة

اتفقو يا بنات ع الاسم الله المستعان ولا الرشاقه وبعدين اقترح نبدا من يوم السبت القادم الموافق
23/6 مين موافق ويا ريت يا بنات كل وحده تقوم بوضع الطول والوزن وكم كيلو تحب تنزل واللى عندها نظام تتفضل تعرضه الرجاء الاهتمام لو سمحتوعلشان نبدأ فى اقرب وقت
وانا حبتدى
سمسم الطول 161
الوزن 61
حابه انزل 4 كيلو
النظام الغذائى
الافطار:ربع رغيف+4 ملاعق فول بدون زيت او سمن وممكن اضافة الليمون او ربيع رغيف +بيضه مسلوقه او ربع رغيف +قطعة جبن قريش +2ثمرة فاكهه او كوب زبادى لايت او كوب لبن قليل الدسم او خالى الدسم
الغداء:نشويات:ربع رغيف او3 ملاعق ارز او مكرونه
الخضروات:طبق سوتيه او شوربة خضار بدون بطاطس او نى فى نى +طبق سلطه خضراء
بروتين:ربع فرخه مسلوقه بدون جلد وتكون صدراو2 شريحة لحم احمر او مشوى او 3سمك مشوىاو 2بيضه مسلوقه او علبة تونه مصفاه من الزيت
الفاكهه:ثمرة فاكهه متوسطة الحجم
العشاء:كوب لبن قليل الدسم او خالى الدسم او زبادى او قطعة جبن قريش +سلطه او 2 ثمرة فاكهه.
الخبز المستعمل سن وممكن شرب القهوه والشاى والشاى بالحليب بدون سكر او بالدايت سويت
شرب الماء بكثره حوالى 8 اكواب فى اليوم و المشى كل يوم مدة نص ساعه او لعب تمارين قدر المستطاع

السلام عليكم ورحمه الله وبركاته جميعا يا بنات
ويارب كلنا نحصل على الرشاقه وربنا ينولنا الى فى بالنا يااااارب

بصى يا قمرات احنا دلوقتى ملناش قائد فريق فأنا اقترح عليكم

ان كل واحدة شايفه نفسها تصلح لتكون قائدة الفريق تتفضل وتكتب بيانتها وبعد كدة بنات الفريق كله يجمع ونعمل قرعه على البنات الى رشحو نفسهم وعاوزين بيقوا قائد للفريق
والفائزة فى القرعه تبقى هى القائد بأذن الله

او ممكن حل اخر بعد كتابه البينات لكل واخدة عاوزة تبقى القائد نعمل استفتاء للاحسن والفئزة هى تكون قائدة الفريق

والمهم فى القائدة ان تتمتع بالمواصفات الاتيه فى نظرى

1- ان تكون جادة فى المسابقه ولا تتنحى منها الا لظروف خاصه جدا
2- ان تكون دائما الزيارة للموقع على الاقل كل يومين حتى تتابع فريها كويس
3- ان تكون لديها معلومات جيدة عن انواع الريجيم وبعض من الرياضات البسيطه وملمه ببعض المعلومات الطبيه
يعنى مثلا لما بنت يجلها امساك تقولها هى الحل لما الريجيم ميعملش معاها مفعول ولا بنقص من وزنها شئ بردة هى من تعطيها الحل بأذن الله
4- ان يكون لديها روح القائد الذى يشد من ازر الفريق حتى كلنا نحقق مبتغانا باذن الله

من ترى فى نفسها هذة الشروط فلتتقدم بطلب قائدة للفريق وبقيت الفريق هو الى هيختار القائدة باذن الله

وبالنسبه للاسم يابنات كل واحدة تضع اسم للفريق وبردة نعمل استفتاء او قرعه على حسب ما تحبه
والله المستعان باذن الله وان شاء الله نبلش من يوم السبت القادم
انا حبيت فريق الرشاقه وقريق الله المستعان
منتظرة ارائكم يا جماعه والله المستعان

اختكم فى الله هند (الباحثه عن الرشاقه)

انا سمسم 27 سنه بكالريوس تربيه رياضيه مدرسة تربيه رياضيه ومدربه ايروبكس لكن دلوقتى لا اعمل عندى المقدره انى اتابع الفريق يوميا واقترحت قريق الرشاقه واللى تحب تشارك انا معنديش مانع اللى عندها المقدره تقود الفريق تتفضل وانا معاكم فى كل الاحوال

فينكم يا بنات يلا نشاااااااااااااااط

واللة يا سمسم خلينا احسن فريق ((((الرشاقة)))) وكمان شايفة انك حتكونى احسن واحدة للقيادة بس اوعر لما تنزلى الوزن المطلوب تسيبينا انا عن نفسى لسة امامى وزن كبير انا راضية ب15 كيلو والنظام اللى حتعملية معقول وتقريبا هو نفس النظام اللى عندى وغالبا حمشى علية لانى فى انتظار حمل فى اى شهر وعرفت ان الرجيم القاسى يؤثر على الحمل أما بياناتى :
الطول :157 الوزن : 87
العمر :28 سنة
عندى طفل عمرة 3 سنوات طبعا مش بشتغل وقاعدة فى البيت والحركة بسيطة جدا اللهم الا شغل البيت
بس انا مشكلتى انا بدخل يوميا بس الصبح من 7 صباحا يعنى 6 بتوقيت مصر حتى 12 الظهر طبعا واضح انك مصرية وانا كمان بس عايشة بالامارات