خواتي انا راح احكي شوي كتير يعني استحملوني
انا مشكلتي انو مو كتير وزني زايد بس انا كنت في الاردن بدرس و هسه تخرجت و رجعت عند اهلي في السعودية و قاعدة في البيت مو لاقية شغل
المهم من كل هاد اني كنت متعودة ع الحركة بس هون ما في مجال لانو كل المشاوير بالسيارة و حاسة انو وزني عم بزيد
انا وزني وصل 70 كيلو زاد بحدود 5 كيلو في شهر و عرسي في شهر 6 و مو معقول لحد العرس يضل وزني يزيد و المشكلة انو ما الي خلق ع الرياضة مع العلم اني كنت في الاردن العب رياضة و امشي و اهتم برشاقتي حد انو وزني كان بطلع و ينزل من معدل 58 الى 65 ما يطلع عن هيك في سنين الجامعة
بعرف اني حكيت كتير بس مو لاقية حدا افشلو خلقي و خصوصي انو امي بتحب البنت الملانة لسه بدها كمان ازيد
هسه المشكلة التانية انو كل نصاحتي جاي في منطقة الكرش و المعدة يعني الله وكيلكم عندي صار رفوف من نصاحة كرشي
يعني انا بدي حل يعمل ع تخفيف الشهية شوي و شد منطقة الكرش و الخصر
فيدوني الله يوفقكم و مشكورين ع كل شي
و رجاء اللي تدخل ع موضوعي تعطي تعليق لانو والله صعية الواحد يكون طارح مشكلتو و تلاقي ناس قارئينها بس مو متشاركين معك و مرة تانية مشكورين
الروابط المفضلة