[عاجل] السلام عليكم ... اول مشاركة لالي بتمنى ما تخذلوني [عاجل]

**k h a w l a** · 07-03-2005, 02:54 AM

السلام عليكم

هاي اول مشاركة لالي هون وبتمنى اني استمر بالكتابة معكو
انا خولة من فلسطين عجبوني افكاركو وطريقة مشاركتكو وحابة اني استمر معكو
وباول مشاركة لالي بدي امساعدة ضرورية كتير كتير

انا بلشت بالريجيم الكيميائي من شي اسبوعين بالزبط ... واولها نقصت 5 كيلو وبعد هيك وقف وبطلت انقص او انو صار كتير كتير بطئء... وانا اسا خلصت الاسبوع التاني ومن اسبوع بالزبط ما نقصت ولا كيلو
ماني عارفة شو السبب ...
مع العلم اني ماشية بالريجيم تمام وما بخربط نهائي
بترجاكو ازا اي وحدي عندها فكرة عن الموضوع تحكيلي وباسرع وقت ممكن
لانو انا كتير متشائمة وماني مبسوطة من هالموضوع
وهاد كان اولا

ثانيا ...
سمعت انو الريجيم الكيميائي ضار ... فيا ريت قبل ما اكملو اسمع نصائحكو ومعلوماتكو بالنسبة لهالريجيم
وازا كان ضار شو هي اضرارو يعني ؟؟؟؟
وفي حد فيكو او من معارفكو جربوه؟ واديش نزلتوا ؟؟؟؟
وهل في امل انو ارجع انقص كمان بالايام الجاية ؟

بشكركو كثير لمروركو وبشكركو اكثر لو بتساعدوني
وعلى فكرة دخلتو قلبي بسرعة حسيت فيكو روح الاخوة وامرحة بينكو
وعجبتني اساليبكو مع بعض
وبجد حاسة انو انتو عيلة وحدي
وبتمنى اني اكون احد افراد هالعيلة الاكتر من رائعة

اختكم.. خولة

**نور لك** · 07-03-2005, 04:38 AM

السلام عليكم ورحمة الله وبركاته

اهلين وسهلين بالغاليه خوله نورتي ويسعدنا انضمامك لأسرتنا الصغيره الكبيره بنفس الوقت بالنسبه للرجيم الكيميائي بعرف انه ضارراح جيبلك بالضبط شو مشاكله اوكييي

بنفس الوقت بحب ادعيكي لرابط نتلاقي فيه وبه اكثر من نظام فعال ومجرب

......

http://www.lakii.com/vb/showthread.php?t=112582

مرحبا بك مره ثانيه

**lebanese girl** · 07-03-2005, 12:20 PM

مرحبا فيك خولة وأهلا معنا وماشالله كريس ما قصرت معك يللا إنضمي للفريق وهلا فيك

أما بالنسبة للريجيم الكيميائي أنا كمان سمعت أنه ضار بس ما جربته وعشان نقصان الوزن يمكن أول فترة بتحسي بالنقص وبعدين بيثبت الوزن هذا شي طبيعي بس ما تخافي بيرجع ينزل وزنك بعتقد

**لـــمـــووو** · 07-03-2005, 06:55 PM

يا هلالالالالالالالالالالا والله فيك والبنات ما قصرو..

**فتاة فلسطينية** · 08-03-2005, 12:29 AM

اول شي حبيبتي خولة نورتي المنتدى ياعسل

انتي من وين من فلسطين ياااااااااه يعني احنا بنات بلد انا كمان من فلسطين من الضفة المهم قوليلي ادي عمرك؟ووين عايشة؟ اسمعي حبيبتي نصيحتي الك انك توقفي الكيماوي لاني انا ابل هيك مشيت عليه و صح اني نقصت ب4شهور 18 كيلو بس خلال شهر رجعوا و اكتر من ابل والله بلاش تكملي حبيبتي غير هيك سببلي هبوط من يوميها حرمت امشي على هالريجيم لاني لهلا عم عاني تعبي كلو راح عالفاضي

بس يلا الحمدلله عكل حال .نورتي المنتدى

**سندريللا** · 08-03-2005, 01:01 PM

اهلا وسهلا فيكي يا خولة بيننا

شوفي يا ستى بالنسبة للرجيم الكيميائي انا مشيت عليه كثير ولمدة طويلة

اول شي بتنزلي بسرعة بس تاني اسبوع وكمان الثالث بسير بطيء النزول

بس فجأة راح تلاقي الوزن سار ينزل بسرعة ومرة واحدة

فما تيأسي وكملي

ونوعي بالرجيم ما تثبتى على رجيم واحد لاكثر من اسبوعين

هاي نصيحة

وبالتوفيق حبيبتى

**monaco3003** · 23-03-2005, 01:19 AM

بسم الله الرحمن الرحيم

السلام عليكم ورحمة الله وبركاته
أدخلي الايميل وتعرفين

**sunskies** · 23-03-2005, 07:32 AM

السلام عليكم ورحمة الله وبركاته
مرحبا بك خولة بصى يا ستى انا جربت الريجيم الكيميائى شهر وما وزنت تفسى الا فى اخره كويس لاقتنى نازلة 30 باوند
بس المشكلة انه بعد التوقف عنه بيكون فى شهية والجسم مع الوقت بيرجع تاانى علشان كده انصحك بتغييره لنوع اخر من دلوقتى يعتمدعلى تقليلل االسعرات مع ممارسة اى رباضة وبس

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: [عاجل] السلام عليكم ... اول مشاركة لالي بتمنى ما تخذلوني [عاجل]

أدوات الموضوع

العرض