قصة دودي مع الميزوثيرابي...مش هتندموا :)*رد 13 رد قيم
كل سنة وانتم كلكم بخير ويا رب عيد سعيد على الامة الاسلامية كلها
اعرفكم بنفسي انا دودي صيدلانية من اسكندرية بحب منتدى لكي جداااااااااااااااا بس دي اول مرة اكتب فيه بصراحة
عشان كده حبيت اول حاجة اكتبها تكون حاجة تفيد كل اللي يقرأها وكمان لاني لقيت ان الموضوع ده محدش كتب فيه و كمله مش عارفة ليه
عشان متخافوش و متملوش مني انا هكتبلكم عن أن أن ااااااااااااااااااااااااااااااان
***** الميزوثيرابي *****
بس من الأخر كده مش هكلمكوا بقى على اني صيدلانية و الكلام ده ... انا هكلمكم كبنت عادية اتعقدت اكيد زيي زيكم من الموديلز و الممثلات والموزز اللي بقت مالية الدنيا
فقلت يعني اشمعنى انا خاصة ان الواحد بسبب زحمة الشغل بينسى نفسه ولا بيلاقي وقت يعمل رياضة ولا حاجة مع انها مهمة جدااااااااااااااااااا مش بس عشان اللياقة لا طبعا دي عشان الصحة بشكل عام بس نبطل كسل يااااااااااااااااا رب
نبدأ بقى التجربة من أولها
انا كان وزني زاد السنين اللي فاتت شوية وكان عندي اوفر 30 كيلوووو بسس مش كتير اوي يعني ((K))
والمشكلة اني قصيرة شويتين يعني بالتحديد طولي 153 سم ووزني كان 79 كيلو مش قلتلكم مش كتير :)
بس الحمد لله عملت دايت مع دكتورة ريهام ونزلت تقريبا 25 كيلو الحمد لله
بس المشكلة ان منطقة الفخدين و الجناب مش بالحجم اللي عاوزاه واكيد انتوا عارفين ان المنطقة دي لما تكون زيادة بتعمل مشاكل كتييير في اللبس و السمار اللي بين الفخدين والبنطلونات اللي بتبوظ و كل الكلام ده
فقررت مؤخرا اني اعمل موضوع حقن الميزوثيرابي بس مش هخبي عليكوا انا بردو سوسة و جربت فمامتي الأول ((K)) ((K)) شريرة انا صح :)
لا والله يا بنات مش كده بس انتوا عارفين الأمهات بيكونوا أجرأ شوية فموضوع الفلوس يعني بيدفعوا علطووول لكن أنا غلبانة ولازم أحسبها بالمليم :)
المهم يا أخواتي الحبيبات بعد ما مامتي عملتوا فمنطقة البطن وجاب معاها نتيجة قلت يا بنت يا دودي اعملي ومش هتخسري أكيد بس بصراحة عملت عند حد تاني أقل سعرا و كمان دكتورة أصلي منطقة الفخدين و الجناب بردو مش سهل اني أخلي دكتور يعملي فيها ولا اييييييييييييييه
المهم اتوكلت على الله و عملت الجلسة الأولى من يومين بالتحديد ... طبعا الدكتورة حقنت الجناب والفخدين من الأمام من اول فوق لحد الركبتين يعني بتوزع الحقن فالمنطقة دي كلها
بصراحة اتألمت شويه عشان مكنتش حاطة اي بنج موضعي بس عشان اللي عاوزة أوصله كله يهون
بعدها بشوية المنطقة دي كلها ورمت شوية مع احمرار شديييد يعني و المشي كان صعب شوية عشان الورم
بس في مرهم بيتحط عشان يقلل الورم والاحمرار ده والنهاردة تالت يوم قل شوية والحمد لله اني فأجازة العيد
عموما الدكتورة قالت ان بعد 3 أيام هيبقى عادي والجلسة التانية كمان اسبوعين
اي سؤال انا جاهزة طبعا و تحت امركم واوعدكم اني هكمل الموضوع للأخر ان شاء الله
وكل سنة وكلكم بخير مرة تانية يا بناتيت و وصيتي الأخيرة ليكم بلاااااااااااااااااااااااااااااااااااااااااااااااا ااااااش لحمة كتير فالعيد
تحياتي وقبلاتي
رد مع الاستدلال
كتبت بواسطة bero333
الروابط المفضلة