** سلام عليكم جميعاً
أنا جديدة ممكن أشارك <<==== تتميلح
عموماً ما راح تطلعون خليين الوفاض من موضوعي
عندي لكم وصفة ماسك شعر...رهييبة...تخلي شعرك ناعم...حريري..لمّاع...موية
وبعد سهلة ومتوفرة وسريعة
شوفي عزيزتي ..إذا دخلتي تغسلي شعرك..أول شي اخفقي بيضة في كوب..واخفقي معها الشامبو اللي تستعملينه ( يعني حتى لو تتروشين بكلوركس مو مشكلة )..أمزح
المهم..هذا المزيج بيصير الحين هو الشامبو حقك...يعني عادي...تبللي شعرك..تحطي منه..
تدلكي شعرك....تنتظري خمس دقايق..
وعلى فكرة تراه يرغي..
بعدين اشطفي شعرك....وأعيدي الكرّة مرّة أخرى.
بعدين آخر شي اغسلي شعرك بشامبو لحاله علشان ينظف (بدون بيض)
طبعا بتلاحظين مباشرة إن شعرك صار ليييييّن بين يديكِ..ومرّة حلو....علاوة على أنه مستحيل تطلع ريحة البيض.
أنا صراحة شعري ناعم..وما أستخدمه إلا إذا سبحت..لأن الكلور في المسبح يخلي الشعر غريب...كأنه سعف نخل.
بس أختي شعرها جاف وإذا استخدمتها يصير شعرها ليّن وسهل التسريح.
وأتمنى حقيقة إني ما أكون أثقلت عليكم..وإن في الفايدة
الروابط المفضلة