السلام عليكم ورحمة الله وبركاته
قبل اى كلالام والله مش عارفه اوصفلكو انتو وحشتونى اد ايه الفتره اللى فاتت دى انا حاسه انى غبت سنينن ربنا يخليكم ليا
انا بعد معاناه مع تجربتى فى وسائل منع الحمل قلت اكتهالكم تستفادو منها وتدعولى فى نفس الوقت بس انا هاطول فيها شويه وانتو اكد هاتستحملونى لانى حاسه انى عايزه افضفض معاكم شويه
هاقولكم من الاول خالص من اول الاربعين
طبعا خلاص فى اخر النفاس الحمد لله قلت اروح للدكتوره واركب لوب روحتلها وكشفت وقالتلى تمام روحى اشتريه ونركبه روحت اشتريته وركبته وقالتلى تمام اهو ومفيش ثانيه قالتلى الرحم لفظه ومش قابله جسمك مش قابله قلتلها يعنى ايه قالتلى عادى بتحصل كتير انتى دلوقتى خدى حبوب قلتلها انا بارضع قالتلى مش مشكله فى حبوب رضاعه خديها ولما تيجى البيريود نبقى نحاول نركبه تانى قلت اوكى
المهم اخدت الحبوب والحمد لله مسببتليش اىىى مشكله خالص بس كنت بارضع نضيف مجتش البيريود لمدة سنه تقريبا (( بس انا كان عندى مشاكل رهييييبه فى الرضاعه من اول يوم الباشمهندس عمر جه فيه حصل حاجه عجيبه هو يادوب بيرضع من هنا مره والتانيه لاقيت الحلمه اتقطعت مش اتشققت لا اتقطعت الطبقه الخارجيه كلللها مش موجوده وقعت مفيش غير الجلد الحى اللى جو هو اللى موجود وكان منظر ووجع والم بششع والله وكانت اى دكتوره تشوفه تقولى مستحيل ترضعى طبيعى اصلا هى مش موجوده البيبى يمسكها وانتى هاتتعذبى وانا كنت اسمع كده اتعذب من الالم والقهره وافضل ادعى ان ربنا ميحرمنيش ولا يحرمه من نعمة الرضاعه وتوكلت على الله وروحت لدكتورة جلديه قالتلى انتى لازم تاخدى ادويه تبنى الانسجه من جديد وتوقفى الرضاعه فتره وتديله صناعى ولو تكميلى وفعلا بدات اديه رضعه واحده فى اليوم صناعيه ووالله العظيم لما احضرها احس بناار فى قلبى وقررت انى ارضعه طبيعى مهما كان طبعا بقيت احط حلمه صناعيه علشان الالم واحيانا اشفط واحط فى بيبرونه وكان الدكتوره كاتبالى مراهم كل ساعتين لازم احط على مدار ال 24 ساعه الحوار ده حصل على مدار رضاعيتى ليه بس فى الاول قلت ان شاء الله ارضعه بس لحد مايتم الست شهور وبعدها قعدت ادعى انى اقدر اكمل السنه وكان وضع صعب اوى اوى عليه وعليا لحد ماربنا عانى انى ارضعه سنه و 4 شهور بس لاقيت نفسى خلاص مش قادره وفطمته )) انا عارفه انه بره الموضوع بس انا بافضفض زى ماتفقت معاكم
المهم روحت بقى اركب لوب تانى لانه خلاص مش هاينفع الحبوب الرضاعه وركبت الحمد لله المرادى والموضوع تم على خير
وفضلت مركباه لمدة 8 شهور تقريبا بس كان مبهدلنى نزيييف لحد مافى اخر شهر لاقيت نفسى تعبت بزياده دوخه وانيميا وصدااااع فظيع فرحت للدكتوره قالتلى لا لازم تريحى جسمك منه شوبه قلتلها بس انا مش ناويه اخلف دلوقتى (مش بمزاجى بس جوزى عايز كده انا هاموت واخلف تانى ) قالتلى خلاص خدى حبوب عاديه بتاعة 21 يوم لمدة شهريت تلاته كده جسمك يرتاح وتاخدى كورس فيتامينات وحديد علشان الانيميا
قلت الحمد لله كله خير واخدت الحبوب اسبوع والتانى ومش ممكن الاعراض اللى عماله احس بيها بس مش مخونه انها منها صداع جامد جدااا(لدرجة انى لفيت على الداتره من قوته واخر حاجه دكتور مخ واعصاب لما ملفاش سبب واضح قالى ده صداع عصبى بسبب التوتر (اى توتر ) وادانى دوا مهدئ ومعالج للصداع ومفسش فايده الدوا هدنى وخلانى على طول عليزه انام بس جسمى تعبان لكمن مش فاهمه ليه صداع ودوخه وغممان نفس على طول والجديد بقى صدرى بيوجعنى كل يوم زياده عن اللى قبله وبالاخص الشمال وبدات الاحظ وجود كتله فيه بتوجعنى جدا فقلت كده مبدهاش روحت للدكتوره تانى قالتلى بعد الكشف اعمليلى سونار ثدى قلتلها هو مش من الدوا كل الاعراض دى (ان يومها الصبح صحيت لاقيت نفسى مش قادره احرك نصى اليمين لا رجلى ولا ايدى ولا ضهرى قلت اكيد اخدت برد فيه ) قالتلى لا اعملى السونار ونطمن المهم عملت السونار امبارح ودكتورة السونار قالتلى
فى ورم ليفى بس الحمد لله حميد
رجعت للدكتوره قالتلى اوقف الحبوب فورا لان اورم التهب او احتقن مع الهرومون اللى دخل الجسم وده السبب فى ده كله قلتلها والورم ده جه جديد قالتلى واضح انه قديم بس لازم تتابعيه كل 6 شهور وتشوفى حجمه قلتلها انا كنت باحس بيه قبل كده بس فاكراه عادى لانه مش بيوجعنى بس مكنش حاجمه كده كان اصغر لكن دلوقتى واجعنى اوى اوى
قالتلى ماهو مفيش منه مشكله بس هو وجعه مع الهرمون صعب وفعلا صعب اوى والله الحمد لله
المهم هى اديتنى دوا يخفف الوجع وحاليا مش مانعه الحمل باى طريقه ولسه هابدا اشوف قصة الورم ده ايه اشيله ولا اخليه لسه هاسال دكتور كمان
ودى قصتى كلللها مع موانع الحمل ولسه مش عارفه بعد كده هاستخدم ايه ولا اعمل ايه بس انا حبيت افضفض معاكم واطلب تدعولى يخف الالم وربنا يرشدنى للصواب انا طولت عليكم اعذرونى حبيباتى
الروابط المفضلة