السلام عليكم ..
بنات انا عندي مشكله مادري صراحه انا للحين مو فاهمه الموضوع عدل بس بليز اللي تعرف تساعدني يعني اللي مرت عليها مثل حالتي ..
انا تزوجت من سنه و8 شهور .. وحملت ببنتي والحمدلله جبتها على خير .. لما حملت فيها طبعا طبيعي اول الحمل يعملون تحاليل للدم ويتمنون على كل شي .. الحمدلله ماكان عندي مشاكل الا الانيميا والحمدلله عطوني حبوب واوكي عدى كل شي على خير ولحد الحين مافيه مشاكل ..
بس الحين انا انتقلت لبلد ثاني مع زوجي ولما انتقلنا ورحت اسجل في المستشفى عملوا لي التحاليل اللي يسونها لاي شخص جديد .. وماقالوا لي شي بس بعد شهرين اتصلوا فيني وقالوا لي لازم تجين المهم رحت لهم وعادي ماتوقعت بيقولون لي شي يخوف يعني توقعت الانيميا مو اكثر ..
طبعا زوجي معاي وقالت لي الطبيبه انه نسبه الهيموجلوبين عندي وايد منخفضه وانه زوجي عنده نفس المشكله وانه ممكن اثنينا يكون عندنا الثلاسيميا طبعا انا هني ماكنت عارفه صراحه هالمرض شنو بالضبط وهي الطبيبه انجليزيه ومالها خلق تشرح ومن عندها هي قررت انه انا وزوجي من نفس العايله وماعطتني مجال والله اشرح لها اقول لها احنا مو عيال عم ولا نقرب لبعض ماعطتني مجال كل اللي قالته ماتحملين ابدا لين تطلع النتايج حقت التحاليل اللي طبعا عادوها لي انا وزوجي وخوفوني على بنتي
من يومها وانا مانام ماتكلمت مع زوجي بالموضوع لانه مو مقتنع بكلامها يقول خلي نشوف طبيب ثاني وسكر عالموضوع وانا صراحه ضاقت فنيني الدنيا يعني لو اجيب عيال بيجون مرضى ولا شنو
قريت بالنت ولاشي يطمن وارتعبت اكثر والحين انا ودي اسافر لاهلي من الضيقه بروح اشوف لي طبيب
على فكره بحملي ببنتي ماقالوا لي ابدا على هالشي
تتوقعون صحيح بياثر على حملي ولا شسوي ياربي .. انا كنت مفكره بعد 7 شهور احمل اذا الله راد ..
ادعوا لي بنات
الروابط المفضلة