أنا مش هقولك إنك لسي صغيرة علشان إنتي قولتي مش نقولك كده
بس الحالة اللي إنتي فيها ديه طبيعة جداااااا و كل واحدة أتأخرت في الحمل كانت في نفس حالتك ديه بالظبط و أنا منهم
أنا حملت بعد جوزي بسنة و تلات شهور ........
و كنت في نفس حالتك بالظبط و يمكن أكتر علشان أنا أكبر منك شوية فكنت خايفة من الوقت يعدي و مش يكون عندي بيبي
لكن سبحان الله ( ويرزقكم من حيث لا تحتسبوا ) حملت فجأة و في شهر تقريباً كان جوزي معظم الوقت مسافر و أنا بذلت مجهود كبيير فيه ومع ذلك حصل حمل ------ رزق من عند ربنا الله أعلم إمتي نحصل عليه لازم تكوني متأكده من كده
بصي هقولك شوية نصايح يارب تقدري تعملي بيها و تعجبك
- قبل أي حاجة لازم تكوني عارفه إن ده رزق و الوحيد اللي معه الرزق ده (ربنا سبحانه و تعالي) ممكن يرزقك بيه بشكل طبيعي جدا و ممكن يرزقك بيه عن طريق عمليات و حاجات كده بس في الآخر هو رزق بأيد ربنا سبحانه وتعالي و بس و ديه أجمل حاجة في الموضوع
- مش تبطلي دعاء لربنا بإنه يرزقك إنتي و جوزك بالذرية الصالحة في كل وقت ( أنا تقريباً قبل ما أحمل علي طول علي لساني يارب أحمل يارب )
-لما الناس يسألوكي أيه أخبار الحمل لازم تبيني ليهم ( وده فعلا يكون جواكي مش ظاهريا فقط ) إنك الحمد لله راضية بحالك و بتسألي ربنا يرزقك و اسأليهم يدعو ليكي و طبعا أنا عرفه إن في ناس كلامهما رخم ويقولك إزاي لغاية دلوقتي مش حملتي أنا كنت برد و أقول """" أطلعوا اسألوا ربنا و تعالوا قولولي """"" كانوا بيحرجوا جداااااااااااااااا
-في شوية نصائح معروفة إنك بعد الجماع مش تقومي علي طول وتفضلي نايمة علي ظهرك فترة طويلة
-وتختاري الأيام اللي فيها التبويض عالي ( أعتقد بعد البريود ما تخلص بأسبوع ) و أعملي بحث علي النت علشان تعرفي أعراض التبويض المعلومات ديه كويسة
-و تأكلي كل الأكل المفيد سواء ليكي أو لجوزك
-شيلي من جواكي الخوف في إنك تكشفي في المستشفي لإنها ممكن تكون صعبه و الخطوات بتاعت إنك تتأكدي إنك الحمد لله سليمة صعبه شوية بس مش زي الحمل و الولادة و بعدين هتطمني أكتر و إن شاء الله مش تحتاجي حاجة من المشواير ديه و تحملي من غير أي حاجة
هو ده اللي أنا فاكره و إن شاء الله أكون أفدتك و تكوني فاهمة اللغه بتاعتي ( أصل أنا في حاجات عندك مش فهمتها
)
الروابط المفضلة