مبدئيا انتم وحشتونى اوى
ومش عارفه ادعلكم بايه لكل واحده سالت عنى او دعتلى ربنا يجزيكم على اد ضميركم ونيتكم
الموضوع باختصار ان ربنا نجدنى من صداع استمر 6 ايام بلياليهم بعد العمليه القيصريه يعنى مش شويه ويرجع لا
مستمر استمرار مش محتمل وكل المسكنات فشلت معايا وكل المحاليل ولا ظبطت ضغط ولا ضيعت صداع
الدكتور قالنا انا ممكن اديها منوم تقوم وتنام ديما لغايه مترتاح علشان تحتمل الالم بس هيجلها اكتئاب بعدها
اهلى وجوزى انهاروا من منظرى وشحوبى وعدم قدرتى حتى انى ارفع راسى وجوزى كان بيعيط بالددموع عليا
اما انا فكنت بتشاهد ديما من احساسى انى عمرى بينتهى ومكنتش بفكر غير فى ابنى اللى ملحقتش اتهنى بيه
اما سبب كل ده فهو البنج النصفى
الشائع ان اثاره فى الصداع بالذات تقعد يومين بالكتير وبعدها يبقى خلاص كله تمام
اما النادر فهو اللى حصلى والحمد لله ديما
انا اتحسنت امبارح بس ولله الف حمد ومجرد مقدرت اقعد على الجهاز دخلت اطمن كل صحباتى وكل اللى دعولى عن ظهر الغيب
ربنا نجدنى وقوانى علشان عبد الوهاب حبيبى الشهير بكوكو
ربنا يجزيكم الف خير ولا واحده تشوف ابدا ابدا اى حاجه وحشه فى نفسها او فى اهلها او فى اطفالها
ان شاء الله اشد حيلى وارجع اقرفكم واقفش معاكم زى الاول
كمان ربنا يجزى بالخير كل صحباتى اللى هارونى مسيجات ومكلمات يطمنوا عليا العيال بتوع الملتقى 11 و12 و1 و2 ونعم الصحبه
الروابط المفضلة