السلام عليكم أعلم أني غبت عن هذا المنتدى الرائع لأكثر من عام عدت فيها من بريطانيا الى بلدي و أنا الآن حامل بالشهر الثامن
أرجوكن أفدنني كخبيرات أو طبيبات بموضوع دوالي المهبل
أنا حامل بالثامن ظهرت لي من كم شهر وأنا كتيييير تعبانة وصفت لي الدكتورة دواء للدوالي وكمان أسبيرين بس ما فادوني بشي أبدا فوقفت الدوا وضليت عالأسبرين
الدوالي عم بزيدو وهم على شكل كتل طالعة من داخل المهبل على محيط الأعضاء العفو منكون بس حتى تعرفو
والمشكلة انو امتدو للخلف حول فتحة الشرج على شكل عروق وشرايين كتير تخينة وواضحة ومؤلمة كتييييييير
أنا هي تاني ولادة الي الاولى كانت طبيعية بس كتير بصعوبة وتمزقات للخلف كمان آآآه وسحب بالكلابات لأنو ببريطانيا ما بيعملو قيصري
هون في ناس عم ينصحوني ما أتورط بالطلق لأنو لا سمح الله اذا تمزق جروحي السابقة رح تنفجر الشرايين ويصير نزيف قاتل
دكتورتي ما جزمت بالموضوع ولا طمنتلي قلبي ولا حتى عطتني نصيحة قالتلي للتاسع بشوف يمكن ويمكن
بس هي مرة قالتلي شغلة خوفتني قالتلي نحن بنحاول وبنعطي فرصة للطبيعي وبعدين بشوف
أنا من كلاما واضح انو بعد هالفرصة وبعد ما أفطس من الطلق وأخوطر رح تستسهل العملية وأنا ما بدي آكلها عالطرفين
انصحوني شو أعمل والله محتارة كتير حتى اني هالشهر ما رحت عالدكتورة ومستنية أدخل بالتاسع بالمرة حتى ما أنصاب بالاحباط متل كل مرة.
يا اللله دخيلكون لا تخجلوني واهتمو بموضوعي وادعولي أنا كتييير خايفة وخاصة انو النفسية زفت من الوضع العام وأساسا انو حملي متعب وصار بالغلط يعني جوزي لهلأ مو مستوعب مع انو ابني عمرو 6 سنين بس بضل بقللي الظرف مو مناسب لحتى الله قدر يجي هالولد بأصعب من كل الظروف اللي عدت علينا
وأنا عم بشتغل ونمط حياتي متعب لذلك مافي راحة أبدا
عم بستنا ردودكون حبيباتي
الروابط المفضلة