السلام عليكم ورحمة الله وبركاته

حابة اعرف ما هي أفضل طريقة تستخدموها لتنظيف السمك والدجاج

انا بستخدم ماء أولا ثم أفركه بخل او حامض لكن حبيت اعرف اذا فيه طرق ثانية

وعندي مشكلة عند قلي السمك يكون السمك طري جدا لا يتماسك كثيرا

رغم وضع الطحين عليه وتقوية النار على الزيت

هل السبب نوع السمك الذي استخدمه (ممكن يكون لا يناسبه القلي )

أم أن هناك سبب ثاني لذلك كطريقة تحضيره؟

ويا ريت لو فيه طريقة تعرفوها تخليه يتماسك ويقرمش تفيدوني فيها

بارك الله فيكم

اهلا وسهلا فيكي يا هبه
انا حاعطيتي شويت روابط وان شاء الله تستفيدي منهم
http://www.lakii.com/vb/a-7/a-573594/


http://www.lakii.com/vb/a-7/a-703850/

http://www.lakii.com/vb/a-7/a-444562/

http://www.lakii.com/vb/a-17/a-238372/





http://www.lakii.com/vb/a-104/5-688357/


http://www.lakii.com/vb/a-7/a-574032/

أختي الغالية

بالنسبة للدجاج

راح أعطيكي هالنصيحة , و بترجعي و بتقولي : إيثار قالتلي

بعد ما تغسليه و تنضفيه جيدآ بالماء

انقعيه بتمر هندي

تمر هندي مدوب بالمي

و تركيه ساعة أو ساعتين

و بعدين شيليه من التمر هندي , و تبليه أو اطبخيه متل ما بدك

و عننننننننننننننننننن تجربة

التمر هندي , بينضف الدجاج , و بيروح الزنخة ( أحسن من الخل )

و بيعطيه بعد الطبخ نكهة أطيب بكتير

و بالنسبة للسمك : متل ما اتفضلتي :

لازم . يتعفر بالطحين

و يكووون الزيت حامي جيدآ

و إلا ممكن يكون من نوع السمك

موفقة حبيبة قلبي

و الله يسعدك , و يقويكي

مشكورة أخت amani1 على الروابط باذن الله هدخل اقراهم واستفاد منهم بارك الله فيك كلك ذوق تعبتك معي

وشكرا أخت ايثار الشام على ردك القيم جزاك الله كل الخير وربنا يسعدك ويهنيك ويحمي سورية ويبعد عنها كل شر

بالنسبة للدجاج اغسليه بمي وبحط نقطة فيري ماتضحكي علي هههه
وبعدين بشطفه منيح وبحط شوية طحين بفركه منيح فيه وبعدين برد بشطفه وبحطله حامض وملح وازا في خل بحط
بس صدقيني ما بشيل الزنخة الا الطحين
لما تيجي تطبخيه طجنيه منيح مع البصلة بصير لونها ابيض وطعها بجنن

ما شاء الله أماني كفت ووفت
وتجدين طريقتي في تنظيف الدجاج في احد المواضيع التي وضعاتها أماني

لكن إن كنت تحضرين الدجاج بدون تقطيع
أنصحك بأن تقومي بتعريضه للهب النار ( اشعطيه)
لان اللهب يحرق الزغب الصغير ويعمل على تقليل الزفر في الدجاج

اما السمك
بعد تنظيفة اضعه في ماء وخل لمدة ربع ساعة تقريبا
وبعدها ارفعه واضيف له طحين وملح وفلفل أسود وكمون وقليل من الماء اتركه لمدة نصف ساعة
ثم اغسله جيدا

وقبل القلي بنص ساعة اتبل السمك بالليمون والثوم والفلفل الحار والملح وكمون وكسبرة

عند القلي
اضيفي 3 ملاعق نشا للطحين المتبل
وغطي السمك بالطحين وضعيه في الفريرز لمدة نص ساعة وبعدها اقليه في زيت عادي وغير غزير
والمهم الا يكون الزيت بارد بل حرارة متوسطة
واحصلي على سمك مقرمش وطري من الداخل

ان شاء الله اكون افدتك
بالتوفيق

جزاكم الله كل الخير مجد الأقصى ووعود الخير

استفدت كتير من ردودكم القيمة والمفيدة

وان شاء الله اخوات كتير بيستفيدوا متلي كمان

ياعيني يا ام عدي
عجبتني طريقتك بتنضيف وتتبيل السمك كتير

السلام عليكم
بالنسبه للدجاج اغسله اول شيء بالمي منيح وبعدين ملعقتين طحينيه وملعقتين زيت زيتون بفركهم منيح ويشطفهم
بالمي وبعدين بعصر عليه ليمون وبشطفه بالمي
ما بتشميله زنخه ابدا
بالنسبه للسمك العيله عندي ما بحبوه لهيك ما بدخله البيت

كتبت بواسطة مجد الاقصى

ياعيني يا ام عدي
عجبتني طريقتك بتنضيف وتتبيل السمك كتير

فعلا طريقة حلوة وعجبتني كتير

كتبت بواسطة ام بسمله 2011

السلام عليكم
بالنسبه للدجاج اغسله اول شيء بالمي منيح وبعدين ملعقتين طحينيه وملعقتين زيت زيتون بفركهم منيح ويشطفهم
بالمي وبعدين بعصر عليه ليمون وبشطفه بالمي
ما بتشميله زنخه ابدا
بالنسبه للسمك العيله عندي ما بحبوه لهيك ما بدخله البيت

مشكورة أختي على الطريقة

انا بصراحة السمك ما بقليه كتير لان مانعة القلي بالبيت الا نادرا

دايما بعمله بالفرن أو شوي علشان هيك خبرتي فيه قليلة

لكن منذ فترة الاولاد بيطلبوها فعلشانهم ابتديت اعملها لكن مرة طلع السمك معي شوي طري قلت يمكن من الخل

فحبيت اسأل واتعلم من خبرات الأخوات