₪موضوع متميز₪كوارع وفتته كوارع وممبار اكله مصريه شعبيه من مطبخ شخبوطه وبالصور

**شخبط شخبيط** · 17-06-2008, 02:49 PM

السلام عليكم ورحمه الله وبركاته
اخواتى الاحباائى جيت ليكم النهارده
باااااااااااااااااكله مصريه كااااااااانت شعبيه
بسبب انها رخيصه الثمن وسعرارتها الحراريه مرتفعه جداااااا
الا وهى الكوارع او المقادم

ويوجود منها انواع اشهرها الكندوز(تكون كبيره) والبتلو)(بتكون صغيره)ويفضل البتلو لانها بتاخد وقت اقل فى التسووويه واكلها الذ يوجد لها مواسم فى مصر فى شهر ديسمبر ويناير تعمل على تدفئه الجسم بشكل كبير وفى شهر يوليو واغسطس مع السياحه لان معظم السواح يطلبها لذا ابتتدت المطاعم الشهيره على ادخلها ضم وجبتها
ومن فوائد الكوارع
تعطى طاقه عاليه بسبب ارتفاع سعراتها الحراريه
تقويه العظام(المفاصل والساقين والركبتين وخصوصا اللى عندهم خشووونه)
اسفه يا بنات طولت عليكم يله نشوف الوجبه

الكواااارع وفتته الكوارع

ده شكل الكوارع مقطعه وليسته مفصوله وبصراحه انا بجبها نظيفه جاهزة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه

الطريقه
نضع الحله على نار بداخلها ماء لد الغليان وبعدين نضيف الكوارع اوالمقادم مع كل التوابل السابقه

تترك على النااااااار حوالى من ساعتين الى ثلاثه ساعات حسب الحجم
تعالو نجهز الفته
انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن

معلش نسيت اصوره الصلصه علشان اليوم كان شاق جدا بس هقولكم على الطريقه بالضبط
نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه
حتى يحمر الثوم وبعدين نضيف 2 ملعقه خل وبعده كده نضيف الطماطم المعصورهحوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع

نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز

الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى

وده شكلها النهااائى يا رب تعجبكم

دلوقتى هنعمل الممبار او الفوراغ او الاعمااااء
بعد الغسيل والكحت والنقع فى الملح والخل

الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى اللمبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو نصف ممبار معها حوالى 3 كيلو ارز))

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف

طبعا ده جزء من الممبار

نضعه فى الماء المغلى مع اضافه الملح

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى
ا

وده من الدااااخل احمر وفى نفس الوقت طرى من الطماطم المقطعه والبصل

اتمنى انه الطبقين ينالو اعجبكم
واى سؤال انا تحت امركم

**00شهد الملكة00** · 17-06-2008, 02:59 PM

**شخبط شخبيط** · 17-06-2008, 03:02 PM

شكراااااااااااا يا شهد على مرووووووووك

**noorelhoda** · 17-06-2008, 03:34 PM

جمال وروعه وحلاوه وبقلاوه هههههههههههه
حرام عليكى انتى وشهد الملكه بتعملوا وصفات مصريه صميمه
بتخلينى احزن على غربتى
انا بموت فى الكوارع وفته الكوارع وبموت فى الممبار
وكمان الكرشه
كده يا شخبوطه لازم تشحنى لى الطبقين على ال d h l
ممكن تسلمى يا ام ياسمين

**لبنان وحبايبه** · 17-06-2008, 03:37 PM

شخبوطة القطقوطة تسلم يداك حبيبتي
مع اني ما باكل ابداً هالأكلات ولا بدخلها البيت ولا بعرف طعمها
بس من منظرها معاك مقارنة بيلي شايفتهم قبل طالعة روعة
ان شاء الله ألف صحة وهنا يا رب...

**soso22** · 17-06-2008, 03:37 PM

ماشاء الله راااااااااااااااااااااااائعه
تسلم الاياااااااااااااااااااااااااااادي

**شخبط شخبيط** · 17-06-2008, 04:05 PM

كتبت بواسطة noorelhoda

جمال وروعه وحلاوه وبقلاوه هههههههههههه
حرام عليكى انتى وشهد الملكه بتعملوا وصفات مصريه صميمه
بتخلينى احزن على غربتى
انا بموت فى الكوارع وفته الكوارع وبموت فى الممبار
وكمان الكرشه
كده يا شخبوطه لازم تشحنى لى الطبقين على ال d h l
ممكن تسلمى يا ام ياسمين

انا سعيده ان الاكله عجبتكككككككك
وحاضر يا حبيبتى ابعتلك احلى دلفرى
بس هى الشركه ممكن تشحنه ولا الموظفين تتطمع فى الطبق
ههههههههههههههههههههه

**شخبط شخبيط** · 17-06-2008, 04:10 PM

كتبت بواسطة لبنان وحبايبه

شخبوطة القطقوطة تسلم يداك حبيبتي
مع اني ما باكل ابداً هالأكلات ولا بدخلها البيت ولا بعرف طعمها
بس من منظرها معاك مقارنة بيلي شايفتهم قبل طالعة روعة
ان شاء الله ألف صحة وهنا يا رب...

تسلميلى يااا لبناااااااااااااااااااان
على فكره مش شرط كل حاجه اعملها اكون بحبهااااا
بس بكون مطره لان فى ناس غيرى تحبها
منها
الكوارع والكرشه
هههههههههههههههههه

**شخبط شخبيط** · 17-06-2008, 04:11 PM

كتبت بواسطة soso22

ماشاء الله راااااااااااااااااااااااائعه
تسلم الاياااااااااااااااااااااااااااادي

شكراااااا يا سووسو
على مروركككككك

**الزينب** · 17-06-2008, 04:16 PM

بسم الله الرحمن الرحيم..الله اكبر.. و ما شاء الله لا قوة الا بالله..

استاذه و متخرجه من بيت استاذة الاستاذه..

تسلم يدك يا قمر..طب كنت قولي لي ده انا حتى بلدياتك..

صحيح اخبار الرجيم ايه؟؟ههههههههههههههههه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ₪موضوع متميز₪كوارع وفتته كوارع وممبار اكله مصريه شعبيه من مطبخ شخبوطه وبالصور

أدوات الموضوع

العرض