شوفى يا قمر .. الخميرة البيرة هاتيها طازة وبعد ما تستخدمى الكمية اللى انتى عاوزاها لفيها فى كيس نايلون وعلى الفريزر ولما تحبى تستخدميها تانى طلعيها وسيبيها تفك شوية وقطعى اللى انتى عاوزاه وبعدين رجعيها تانى

هاتقعد معاكى فترة طويلة

ولو فيه وصفة فيها خميرة فورية وعاوزة تبدليها بخميرة بيرة يبقى كل ملعقة كبيرة ليها قطعة بحجم عين الجمل ..

اما البيكنج بودر .. حطى ملعقة صغيرة منه على شوية ماء .. لو لقتيه بيفور زى الفوار يبقى فعال ومية مية يا معلم

تمام يا بيرو ربنا يخليكي ليا يا قمر

معلش اتأخرت في الرد علشان نزلت أجيب الهوم وورك بتاع الأستاذ

طيب وبالنسبه للخميره البيره باستخدمها ازاي

يعني بافكها في مياه مثلا ولا إيه

ولو ممكن بالتفصيل الممل وبالكميات بالظبط لإني أول مره أستخدمها

السلام عليكم فينكم يا بنات
مش شايفة إلا بيرو وبيبى وكمان شكلهم مشيوا
دينة أين أنت؟ يا رب تكونى بخير

اهلا يا بطوطة يا عسل ..

باين علينا اتحسدنا .. هههههههههه

اخبارك ايه يا حبيبتى واخبار ضروسك ؟؟


بيبى يا قمر بتحطى قطعة الخميرة فى طبق صغنون وعليها ملعقة صغيرة سكر وممكن تزيدى سكر شوية وتبدأى تدوبيهم مع بعض بالملعقة هاتلاقى الخميرة بدأت تبقى سائلة لتفاعها مع السكر ..

وأول ما تدوب خالص كدة تمام استخدميها

فى المعجنات انا بحط الدقيق وعليه ذرة ملح وبعدين السمن او الزيت وافركهم مع الدقيق كويس وبعدها احط الخميرة .. وكملى العجين عادى

وفى الرابط ده هاتلاقينى مستخدمة الخميرة البيرة فى البيتزا

والصور هاتوضح الشرح اللى انا قلته

http://www.lakii.com/vb/showthread.php?t=686810

ازيك يا بطوط يا قمر

تسلمي لي يا بيرو يا سكره

أصلي بصراحه عاوزه أستخدم الخميره البيره لإن الخميره الفوريه بتعمل فيا مقالب وحشه أوي

ودايما تخرب لي كل اللي باعمله

يلا شدى حيلك

صباح الخير على احلى حلوين

ازيك يا بيبي وسلامة عمورة معافي ان شاء الله

ازيك يا بيرو يا حلوة
عايزة اشترك يا بنات في النقش على المعجنات بس مليش مزاج اعمل حاجة دلوقت ابني الصغير كان تعبان الييومين اللي فاتو اسهال وسخونه بس الحمد لله احسسسسسسسسن كتير
ما حد يعملي المعجنات واسرقهم انا واقول من عمايلي ههههههههه

تسلمي يا أم أدهوم وألف سلامه علي ابنك معافي بإذن الله

وبالنسبه للمعجنات ههههههههه كان علي عيني ... أنا من 3 أيام باحارب معاهم علشان أطلع حاجه حلوه

لكن للأسف شكلي كده فاشله في المعجنات ... مش راضيه تظبط أبدااااااااااا

ازيكو يا حلويييييييييييييين
وحشتوووووووووووووني

بيرو الخميره البيره وهيا طازه تتقطع مكعبات بالخيط وتلفي كل مكعب بورقة فويل صغنونه وكله في كيس نايلون وع الفريزر وكل مره تطلعي مكعب علي قدك عشان مش تفك كذا مره ومفعولها يهدا

جربي كده وهترتاحي جدا ان شاء الله

وانتي كمان يا بيبي

ام ادهوم يا جارتي بالثلاته جربي الكيزر هيعجبك اوي
وسلامت ابنك 1000 سلامة