كيفكم يا بنات؟ اشتقتلكم. تخيلوا أنا بحمد الله ولدت يوم الأربعاء الصبح 26 سبتمبر 2007 الموافق 14 رمضان، وبنعمة من الله وألف حمد له جاتني أخيرا عروستي نور. عقبالكم كلكم يا رب.
ولادتي كانت ميسرة وغير متوقعة. نمت الساعة واحدة وأنا حاسة بنفس التقلصات المعتادة مع وجع ظهر خفيف وكنت بصراحة خايفة من وقت ما سمعت عن أنه أم حاتم راحت تولد المهم بالعافية حاولت أنام وأنا أتقلب ومش حاسة غير بالأشياء الاعتيادية لغاية الساعة 3 الفجر قمت للحمام الله يكرمكم وقلت خليني بالمرة أتسحر وجهزت لنفسي سندوتيش خفيف وأنا حاسة بألم غريب شوي بيروح وييجي بشكل غير اعتيادي غير محتمل. قلت ليكون هذا هو الطلق! حسبت لنفسي لقيت أنه بييجي كل دقيقتين! خفت وقلت مش معقول يكون حامي من أوله هيك الكل بيقول أنه بياخد وقت ورجعت أحسب له تاني وبرضه نفس الشيء. صحيت زوجي وقلتله الظاهر حأولد وعلى السريع أخذني على المستشفى وفي السيارة زاد الوجع معي وفعلا كان وقت الطلقة ألم غير معقول وبعدين ولا كأنه فيه شي وهكذا كل دقيقتين. دخلنا الطوارئ وفحصوني مباشرة وقالوا مفتوح 3 سم ومباشرة دخلوني غرفة ما قبل الولادة وأعطوني ألبس لبس الولادة وحطولي التخطيط للبيبي وصار الوجع أشد من أول وخلال أقل من ساعة صار مفتوح 5سم ودخلوني ساعتها غرفة الولادة
بنات نور بتبكي بأرجعلكم بعدين عقبالكم كلكم
بنات
الروابط المفضلة