ازي صحابتى
شوفت الموضوع بتاع ام نور وشوفت الكرواسان بعجينه بسيطه بوقى اكلنى
قمت اجرب وقلت اشوف مهو لازم اتشجع بقى واعمل كرواسان يكون جميل
دخلت عجنت العجينه بس قللت المقدار للتجربة
طلعت عجينه حكايه وطعم الكروسان روووعة
انا اصلا صبرى قليل بس طولت صبرى لان اكتشفت ان الصبر فى المعجنات بيجيب افضل افضل نتايج
فردت وكورت وخمرت وفردت وكورت وخمرت
بس انا حطيت الزبدة قطع صغيرة علشان لما اجى اعمل العجينه المورقه اكون
عرفت ازى الزبدة متخرجش مالعجينه (يا دماغك يا سمسمة)
وعملت خلطة جبنه بالفلفل وحشيتها مع بسطرمة(يا حركاتى)
ودهنت الوش لبنهتشوفوا النتيجة بنفسكم
اختصرت فى الصور لان مراكز التحميل خنقتنى انا عقبال محملتهم كان جالى انهيار
بس اول طبق انا بهديه لصاحبتى العزيزة اوى(ام يا سين azmiralda) وبقولها افتقدتك اوى ووحشتنى اوووووى
اما تانى طبق لنور بنت ام نور اوعى ماما تمد ايدها
اما تالت طبق المتظبط ده يا ترى مين هياخده قعدت ساعه احمل فى صورته
والله برافو عليا ماشاء الله
ام البنات وام ليانه هيفرحوا بيا انا عارفة
الروابط المفضلة