*بسم الله الرحمن الرحيم*
حبايبى الحلوين
اليوم اخر يوم فى مسابقتنا قلت لازم اعملكم شوية معجنات
تتسلو فيها لحد وقت اعلان النتيجه
يلا هاتو الشاى والنسكافيه وتعالو بسرعه
ام البنات
ام ليانه
رواد
سعدت بوجودى معكم فى التجمع الجميل والاكثر من رائع
يارب دايما فى مسابقات ومنافسات حلوه
وصحبه احلى واحلى
مجتمعين دائما فى الخير
يلا على المقادير
3 كوب دقيق
ربع كوب زيت
ملعقه ونص خميره فوريه
ونص ملعقه باكينج باودر
نص ملعقة ملح
2 ملعقة سكر
علبة زبادى
ماء دافئ للعجن
الطريقه
تخلط المقادير الجافه مع بعض ثم توضع علبة الزبادى والزيت وتعجن
ويضاف الماء الدافئ نقطه نقطه حتى تتكون عجينه طريه ملساء
تترك لتتضاعف حجمها وتشكل
بس انا بعد ما خمرتها
فردتها ووضعت طبقة زبده خفيفه وتنيتها وتركتها تتخمر تانى لمدة نص وكررت الخطوه دى مرتين يعنى نفس مرحلة الكرواسون بس مختصره علشان العجينه تطلع مورقه وهشه من الداخل
وبعدين شكلتها كرواسون وباتيه وحشيت جزء زعتر وجزء جبنه وزيتون
وعملت جزء بالكريمه وزينته بالسكر البودره
اليكم الصور
جربوها وان شاء الله تعجبكم
من الداخل مورقه جدا والطعم رائع والعجينه طريه جدا
وكل مسابقه وانتو طيبين
الروابط المفضلة