بسم الله الرحمن الرحيم
دايما لما اعمل بيتزا بقول بنزلها و بشارككم و بنشغل او بنسى
المهم عملت هاي المرة بيتزا بالصلصة الجاهزة و طلعت كتيير طيبة
العجينة بعملها بمقادير قريبة من عجينة منال العالم المقادير زبطتها حسب الكمية
اللي بتكفينا و الطريقة على طريقة عجينة العشر دقائق بتطلع هشة و طيبة كتيير
مقادير العجينة:
3 اكواب دقيق (اطيب شي الفاخر الكويتي )
ملعقة كبيرة خميرة فورية
ملعقة صغيرة بيكنغ باودر
رشة ملح
ثلث كوب زيت زيتون او ذرة
ملعقة كبيرة سكر
3 - 5 ملاعق كبيرة حليب باودر
كوب و نصف - كوب و تلاتة ارباع ماء دافيء
شوفوا العجينة ما شاء الله بس بنتي خربتها شوي
مقادير البيتزا:
صلصة بيتزا جاهزة
فلفل اخضر حلو مقطع
بصل مقطع
زيتون اسود مقطع
هوت دوج مقطع شرائح
فطر مشروم مقطع
جبنة موزاريلا مبشورة
الطريقة:
نفرد العجينة بعدما تختمر و ندهنها بالصلصة و نرش طبقة جبنة خفيفة
و نوزع باقي المكونات و ندخلها فرن حامي و لما تتحمر من الاسفل
نشغل الشواية و نخليها شوي و بعدين منطلعها و نرش باقي الجبنة بحيث
تغطيها بالكامل و ندخلها لحتى تسيح الجبنة
و صحتين و عافية
و هاي وحدة تانية حطيتلها قطع بندورة زيادة
ما لحقت اصور قطعة بصحن لأنه قضينا عليها
فكل الصينية لأول رد
الروابط المفضلة