قدمت لينا الاخت امال فى وصفات تحت الضوء
فكره مخبوزات بعجينه تتدخلها البطاطس
افتكرت امى زمان كانت لما تعمل
لينا لقمه القاضى كانت تحط فيها البطاطس مسلوقه مهروسه ناعم جداا
وبصراحه كانت هشه وجميله
يا رب يا امال تعجبك الوصفه انتى وباقى الصبايا
المقادير
2 كوب دقيق ابيض
1 كوب دقيق اسمر
ملعقه خميره فريش
3 ملعقه سكر
ربع كوب زبده مذابه
بيضه+فلفل ابيض
ملعقه صغيره ملح
ملعقه صغيره كركم
بطاطسيه متوسطه مسلوقه مهروسه
لبن حسب العجن
الحشو
حسب رغبتك انتى
بس انا عملتها بشاورمه
الطريقة
ناخد الخميره مع ملعقه سكر وملعقه ماء دافىء نخلطهم ونتركهم لكى تتفاعل
ناخد المواد الجافه كلها مع بعضها ونقلبها كويس
نضيف على خليط الدقيق البطاطس المسلوقه والخميره والذبده والبيضه
وهى مخدتتش لبن كتير
ونعجنهم كويس جداااااااااااا
نضعها فى طبق مدهون زيت ونغطيها ونتركها لكى تتضاعف
فردت العجينه على سطح مرشوش بالدقيق
وحطيت عليها الشاورما
انا كان عندى قطهتين لحمه بقايا بفتتك قطعتها طوليا وشوحتها مع فلفل الوان وبصله و ملعقه زيت
غطيتها وتركتها 10 دقاائق
ودهنت الوجه بصفار بيضه +ملعقه لبن
وانا هنا حطيت جبنه علشان فى العادى بناتى مش بيكلوها
دخلتها فرن ساخن مسبقا على 180 درجه
لمده نصف ساعه وخمس دقائق(35دقيقه)
ولما طاعت غطيتها بفوطه قطن لمده 10 دقاائق
وهذا شكلهاا
ودى من الداخل هشه وجميله
ما شاء الله
شكرا يا امال على فكرتك الجميله
ويا رب يكون تتطبيقى نال اعجابك
اموله
نسيت اقول انا الفطيره عجبت زوجى وبناتى جدااااااااااا
ووجبه مشبعه ومغذيه وكانت غدانا اليوم
الروابط المفضلة