السلام عليكم ورحمه الله وبركاته
كل سنه وانتم طيبيين
قرب الشهر الكريم على الانتهاء
وبعديه العيد
ربنا يعيده علينا جميعا بالخير واليمن والبركات
انهارده هنعمل قراقيش بالعجوة
بجد تحفه وانا بموووووووووووت فيها خصوصا مع
الشاى باللبن
نبدا باسم الله
المقادير
2 كيلو دقيق
كيلو الا ربع سمن او زبده
نصف كوب سمسم محمص
3 ملاعق شمر
3 ملاعق ينسون
3 ملاعق خميره فوريه
معلقه سكر للخميره
2 كوب ماء لتذويب الخميره
للحشو
1 كيلو عجوه
الطريقه
الاول هنحط الخميره مع الماء الدافىء
والسكر وندوبهم شويه ونسيبهم ترتفعوا قليلا
فى هذا الوقت بنحط السمن على النار حتى يقدح جيدا
نجهز الدقيق ونضيف عليه السمسم والشمر والينسون
وبعد ما السمن يقدح نصبه فورا على الدقيق
وخلى بالك بيبقى سخن جامد
زنبسه بالمعلقه الخشب الاول حتى يهدأ
ثم باليد نفرك جيدا لغايه ما كل ذره دقيق تتشرب السمن كويس
جدا وبعدين نضيف الماء المدوب مع الخميره
ونعجن حتى الحصول على عجينه متماسكه
وغير لاصقه
نتركها ترتاح حوالى نصف ساعه
وبعد كده نفردها ونحشيها بالعجوه
ونرصها فى الصاج ونتركها تخمر ثم تخبز فى الفرن
والصور هتوضح لكم احسن
ده شكل الدقيق مع المكونات الجافه
وده لما حطيت عليه السمن المقدوح
وده بعد ما فركته كويس باليد
وده بعد ما اضفت الماء وعجنت كويس
هنا فردت العجينه بعد ما ارتاحت
وحطيت العجوه
وهنا لفتها كده وقطعتها بالقطاعه
وبعدين رصتها فى الصاج المدهون قليلا جدا
وده شكلها بعد الخمر
وده بعد ما خبزتها
وده شكلها فى الطبق
وده صورة كمان
اتمنى تعجبكم وان شاء الله انزل باقى حلويات العيد
وكل سنه وانتم طيبين
الروابط المفضلة