السلام عليكم ورحمة الله وبركاته
حبيت اشمر انا كمان زى الاخت دودو واطبق العجينه السمرا فى حاجه نفسى فيها من زمااان وهى
الحواوووووووشى
وااااااااااااااااااو
العجينه طلعت روعه وحلوه جدااا وكمان صحيه لوجود الرده النخاله
المقادير
2 كوب دقيق ابيض
2 كوب رده
رشة ملح
ملعقه سكر
ملعقه خميره فوريه ( بتطلع معايا نفس نتيجه الخميره الاخرى )
ربع كوب زيت زيتون
ماء دافىء للعجن
نضيف كل المقادير الجافه مع بعض وتقلب
ثم نضيف الزيت وتفرك جيدا باليد
وهوووب نضيف الماء الدافىء بالتدريج ونعجن حتى تصبح عجينه قابله للتشكيل
تترك لتخمر حوالى ساعتين
مقادير اللحمه المفرومه : بصله كبيره مبشوره ملح وفلفل شطه و بهارااااااااااااااات وبقدونس وليمون وممكن فلفل حامى
وتخلط مع بعض ويفضل تركها ساعتين فى التتبيله
اما السدق : يقطع صغير ونضيف رشه ملح وفلفل اسود وجبنه مبشوره وموتزاريلا وطماطم مكعبات وفلفل رومى مكعبات وبهار خفيف وممكن فلفل حامى حسب الرغبه وتقلب معااا
نبتدى نقسم العجين على ارغفه وتحشى باللحمه المفرومه او السدق
مع مراعاة التمييز بين كل صنف انا بحط قطعة طماطم على الرغيف السدق وممكن على اللحمه تحطى قطعة فلفل
ترص فى صوانى مرشوشه جيدا بالرده
وتترك نصف ساعه حتى يسخن الفرن وتدهن الوجه بالزيت
وهووووب على الفرن للخبز
( طبعا كل واحده تقدر تحدد درجة حرارة فرنها اللازمه للتسويه )
اول لما يخرج من الفرن تبلل اليد بالماء ويمسح على وجه الرغيف ( الخطوه دى مهمه علشان يكون طرى ومش ناشف ويرص فوق بعضه ويغطى بفوطه 10 ق
ثم يقدم مع المخلل
وبالهنا والشفا
دى صورة السدق
الصور مش كتير لانى قبل كده كنت عامله الحواوشى لكن بالدقيق الاسمر
يارب الوصفه والتطبيق يعجبكم
وجزاها الله خير دودو وكل الستات اللهلوبه فى الركن
يارب الصور تطلع مقاسها مناسب
الروابط المفضلة