اهلا بكم اخواتي
فرصه طيبه ان نستعيد اعمال ومشاركات اخوات رائعات قدمن الكثير واستحققن التقدير
هن باقيات ببقاء اعمالهن التي تشهد على روعتهن
وانا اشاركم اليوم بتطبيقي المتواضع لاحدى الاخوات وما هو الا تقديرا لعطائهن وجهودهن
بارك الله بهن وبكن اخواتي
والف مبروك لمنتدانا الغالي 10 اعوام وهو غالي علينا دائما باحتضانه لاعضاءه
الشكر الجزيل للاخت اسيرة الغربه والاخت شمس على جهودهن
والشكر الجزيل لحبيباتنا المشرفات القائمات على هذه الحمله
جزاهن الله الخير الوفير على ما قدمنه ويقدمونه لمنتدانا الرائع
تطبيقي هو لصفائح الاخت سنووايت
وها قد انقله لكم كما هو
السلام عليكم ورحمة الله وبركاته
بسم الله الرحمن الرحيم
مساء الخير يابنات وصبايا انشاء الله كل سنة وانتو بالف خير يارب
ينعاد عليكم بالصحة والخير يارب
اول مبارح سويت صفائح باللحمة وجربت عجينة جديدة بدل ما عملت كيلو عملت
بس كبايتين بس الي وابني طلعوا معي 13 وحدة بس طلعوا بشهوا يلا نبدأ :
بسم الله الرحمن الرحيم
مقادير العجينة :
كبايتين طحين
كباية ماء (وممكن حليب بس انا عجنت مع ماء اذا بتعجينيها مع حليب بطلع اطيب لانو بتكون دسمة )
ملعقة خميرة عادية
رشة ملح ورشة سكر وحطيت ملعقتين عاديين من حليب البودرة
الطريقة عجنتهم كلون مع بعض
بالول حطيت المي وبعدين السكر والملح والخميرة والحليب حركتهم مع بعض وبلشت ضيف الطيحن شوي شوي وبس خلصت الطحين بلشت حط زيت لحتى بطلت تلزق على ايدي وغطيتها بقعطة من القماش وترمتها ساعة وهاي الصورة
وهاي العجينة من بعد ما رفخت
الحشوة
لحمة مفرومة خشنة
بصلة كبيرة
بندورة 3 حبات
ملح
رشة كلا من سبع بهارات قرفة كمون
زيت
بتحطي بصحن اللحمة وبتقطعي البصل مربعات صغيرة والبندورة كمان مربعات صغيرة وبتحطي فوقها الملح البهارات كلها مع الملح
وبعدين بتحركيه منيح لحتى يختلطوا
بهل الوقت بتكون العجينة رفخت بنقطعها على شكل دوائر صغيرة هاي الخطوة ما صورتها نسيت
المهم بتبلشي بالاول وحدة ووبدميدها بايديكي لحتى تصير على شكل دائرة انا دائما بمدها مع زيت لانو بطلع مقرمشة العجينة وبتحطيها بالصينية هيك بتعملي جوانب العجينية لحتى ما ينزل ماء من اللحمة وتحترق بالصينية
وبعدين بتحطي عليها اللحمة هيك
وقت بتكوني عم تبلشي شغل بالعجينة بتكوني حميت الفرن على 500 بتحمي 10 دقائق قبل ما دخلي الصينية
منشان العجينة ما تقدقد وبس يحمى بتحطي العجينة على الشبكة باسفل الفرن بتحمريها من تحت بالاول وبعدين شوي من فوق وبتشيليها وبتحطيها على شبك لحتى تبرد منشان ما تعجن
انا بحطلها شوية كاتشب بطلع بتجنن
وهاي اخر صورة
انشاء الله تكون واضحة الطريقة ويكون عجبكم
وصحتين وهنا على قلبكم يارب
هذه هي صور تطبيقي
هذه العجينه ما شاء الله كتير رائعه وملساء وطريه
الاخت سنووايت اعتمدت على اضافه الزيت في اخر مرحله بعد خلط جميع المقادير والماء
وهذه طريقه رائعه تجعل العجينه ملساء وطريه
اضافه الماء الكميه لم اعتمد على مقدار معين اضفت الى ان تكونت عجينه وعجنت بعد كل اضافه
بعد اضافه الزيت تعجن العجينه كويس حتى تصبح كالصوره امامكم وتركتها تتخمر حوالي الساعه او اكتر
الحشو :
انا اضفت على مقادير الاخت سنووايت وكانت مقاديري كالتالي
اللحمه المفرومه 1 باوند
والبصل المفروم ناعم جدا 1\2 بصله كبيره
و2 م ك لبن رايب
و1 م ك رب الرمان او دبس الرمان
بقدونس مفروم ناعم
بندوره مفرومه ناعمه حبه
صنوبر مقلي
ملح وبهارات وفلفل اسود
العجينه بعد ان اختمرت فردتها على سطح مرشوش بالطحين
وبعدها قطعتها دوائر وصفيت الدوائر بالصينيه
ووضعت عليها الحشو تركتها 5 -10 د ترتاح
خبزتها بفرن حامي على 420 وبعد 5 د خففت الى 400
وتركتها لما نشفت اللحمه كويس وبعدها حمرت وجهها بالشوايه قليلا
ان شاء الله التطبيق اعجبكم ونشوف ابداعات ايديكم الحلوه
الروابط المفضلة