السلام عليكم يا بنات
انا امبارح كنت زعلانة اوى ان عجينتى فى السينابون مطلعتش زاى ما كنت عايزة بسبب الخميرة الجافة
بس نزلت على طول امبارح جبت فريش بصراحة ماشاء الله فرق شاسع
المهم عملت بيها عجينى
ماشاء الله لاقوة الا بالله
جميلة
بسبب الخميرة الفريش
وكانت المقادير 3 كبايات دقيق
معلقتين سكر كبيرة
معلقة ملح صغيرة
كباية ماية دافية
معلقة كبيرة بيكنج بودر
قطعة خميرة اد عين الجمل كدة
ربع كباية زيت
المفروض نصف بس انا قللت
الطريقة
نحط مع الماية الدافية معلقة سكر
والخميرة ويتفعلوا مع بعض
ودة شكلها بعد التفاعل
وهنا حطيت كل المكونات مع بعض وعجنتهم سوا
وبقت العجينة كدة
هنا قبل التخمير
انا سيبتها ساعة ونصف
شوفوا ماشاء الله بقت ازاى
طبعا انا فرحت
المهم دية الحشوات
جبنة فلفل حلو وزيتون
ودية لحمة متعصجة
وهنا سيبتها شوية كمان على ما عملت باقى الحشوات
وهنا سجق فرنكفورتر
سلقتة
وهنا قسمت العجينة
وفردتها بالنشابة
وهنا عملتها على هيئة سمبوسك
ودة شكلهم بعد ما حشيت
ودهنت وشهم لبن ورشيت سمسم
هنا سبتها شوية نفشت تانى ماشاء الله
وهنا لما طلعت من الفرن حطيتها فى فرن حامى بس وطيت النار اول ما دخلت الصنية
ودة طبق لاول واحدة تنورنى ليها وللعيلة
يا رب تكون عجبتكم فطايرى
الروابط المفضلة