السلام عليكم ورحمه الله وبركاته
كيفكم يا بنات وحشتونى جداا جداااااا
الركن كله وحشنى كتير كان عندى ظروف منعتى من الاشتراك معاكم الفتره الماضيه
بس بحاول اكون معاكم من فتره لاخرى
بس ما رجعت بايدى فاضيه
انتو عارفين ان الجو برد كتير وبناكل اكتر لازوم التدفئه
ههههههههههه والتخن
ومع المشروبات الساخنه تحلى المعجنات
تعالو نبتدى
دى صوره للتشويق
قرص طريه بالعجوه
المقادير
-كيلو دقيق
-1ونصف كوب سمن ساخن جداا
- ربع كوب زيت ذره
-2 ملعقه كبيره ملح
- ربع كوب سكر
-قطعه خميره فى حجم عين الجمل
-ذره ملح
- لبن رايب للعجن
- 4ملاعق لبن دافىء او ماء
- عجوه او تمر مع قرفه
الطريقه
- نخلط الخميره مع ملعقتين سكر مع اللبن الدافىء
ونتركها تتخمر على جنب
- نخلط الدقيق مع الملح وباقى السكر والسمسم
- نضيف السمن والزيت على الدقيق بحرص وحذر ونقلب جيدااا
حتى يمتزج الدقيق بالسمن ونبثهم شويه
- نضيف الخميره والبن الرايب بالتتدريج حسب ما تحتاج معاكى العجينه
بتكون طريه وصالحه للتشكيل
بس بصراحه اللبن الرايب كان تحفه مع الهجينه وطعمها لذيذ
- نترك العجينه تتخمر فى مكان دافىء حتى تتضاعف حجمها
- نشكل العجينه على شكل كرات صغيره وبداخلها التمر ونبططها على شكل دائره
نتركها تتخمر فى مكان دافىء لمده ربع ساعه
نخبزها فى فرن ساخن على درجه حراه 180 لمده ربع ساعه
وده شكلهااا النهائى
موالح لذيذه جداااا
انا اخذتها من منتدى تانى للاخت منى بصراحه تحفه
وعجبت كل اللى اكل منهاا
جزاها الله كل خير
المقادير
-4 كوب طحين
-كوب زبده طريه او 200 جرام
- كوب صغير زيت
- ملعقة صغيرة ملح
- ملعقة صغيرة سكر
- 2 ملعقة صغيرة بيكنج بودر
- نصف إلى كوب ماء بارد
- ملعقة كبيرة حبة بركة ( أو أقل )
- ملعقة صغيرة سمسم أبيض
بهارات
ملعقة كبيرة محلب
نصف ملعقة صغيرة كمون
نصف ملعقة صغيرةشمر
نصف ملعقة صغيرة يانسون
- الطريقه
- نخلط مقادير الدقه مع بعض وندقهم كويس جداااا
-نخلط الدقيق مع السمسم وحبه البركه والبكنج بودر والملح والسكر والبهارات
ونضيف الزيت والسمن وندعكها كويس حتى تكون زى الكسكسى
- نضيف الماء بالتتدريج للحصول لى عجينه يسهل تشكيلهااا
ولا نزيد فى العجن ونتركها ترتاح نصف ساعه
نشكلها على شكل دائره
ندخلها فرن ساخن على درجه حراره 180 لمده ربع ساعه
وده شكلها النهائى
موالح سهله جدااا ولذيذه
المقادير
- مربعات البف باسترى
-جبن كاسات
-زعتر
-سمسم
- بسطرمه
- حبه البركه
- جبن رومى مبشور
الطريقه
نقطع المربع الكبيره الى اربع
ندهن المربعات الصغيره بجبن الكاسات
ونضع فوقها السمسم والزعتر والجبنه واى حشوه تفضليهاا
ندخلها فرن حار لمده 10 دقائق
يارب تكون معجناتى عجبتكم
ارجو منكم الدعاء لاهل غزة
والدعاء لى بتسير الامور وفك الكرب
الروابط المفضلة